ຣັດເຊຍຕອບໂຕ້ຮ່າງມະຕິຍີ່ປຸ່ນ ໃຫ້ຕໍ່ເວລາສືບສວນອາວຸດເຄມີຊີຣີ

- advert banner 728 90 728x90 - ຣັດເຊຍຕອບໂຕ້ຮ່າງມະຕິຍີ່ປຸ່ນ ໃຫ້ຕໍ່ເວລາສືບສວນອາວຸດເຄມີຊີຣີ

ຣັດ​ເຊຍ​ຕອບ​ໂຕ້​ຮ່າງ​ມະຕິ​ຂອງ​ຍີ່ປຸ່ນ ທີ່​ສະ​ເໜີ​ຕໍ່​ເວລາ​ສືບສວນ​ການ​ໃຊ້​ອາວຸດ​ເຄມີ​ຢູ່​ພາກ​ເໜືອ​ຂອງ​ຊີຣີ ຖື​ເປັນ​ການ​ໃຊ້​ອຳນາດ​ຄັດຄ້ານ​ໃນ​ຖານະ​ສະມາຊິກ​ຖາວອນ​ຂອງ UNSC ກ່ຽວ​ກັບ​ສົງຄາມ​ຊີຣີ​ເປັນຄັ້ງທີ 11 ​ແລ້ວ.

- Wave100S AD to Website 2020 0 - ຣັດເຊຍຕອບໂຕ້ຮ່າງມະຕິຍີ່ປຸ່ນ ໃຫ້ຕໍ່ເວລາສືບສວນອາວຸດເຄມີຊີຣີ
- lattana 1 - ຣັດເຊຍຕອບໂຕ້ຮ່າງມະຕິຍີ່ປຸ່ນ ໃຫ້ຕໍ່ເວລາສືບສວນອາວຸດເຄມີຊີຣີ

- 1510873943 6460 illyustratsiya - ຣັດເຊຍຕອບໂຕ້ຮ່າງມະຕິຍີ່ປຸ່ນ ໃຫ້ຕໍ່ເວລາສືບສວນອາວຸດເຄມີຊີຣີ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນ​ນິວຢອກ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 17 ພະຈິກ​ວ່າ: ຮ່າງ​ມະຕິ​ທີ່​ສະ​ເໜີ​ໂດຍ​ຍີ່ປຸ່ນ ​ໃນ​ການ​ໃຫ້​ຄະນະ​ຮ່ວມ​ລະຫວ່າງ​ສະຫະ​ປະຊາ​ຊາດ (UN) ກັບ​ອົງການ​ເພື່ອ​ການ​ຫ້າມ​ໃຊ້​ອາວຸດ​ເຄມີ (OPCW) ​ໃນ​ນາມ “ຈິ​ມ” ມີ​ເວລາ​ເພີ່ມ​ອີກ 30 ວັນ ຈາກ​ກຳນົດ​ເກົ່າ​ສິ້ນສຸດ​ລົງ​ໃນ​ວັນ​ທີ 17 ພະຈິກ ​ໃນ​ການ​ສືບສວນ-ສອບ​ສວນ​​ເຫດການ​ໂຈມ​ຕີ​ປະຊາຊົນ​ດ້ວຍ​ອາວຸດ​ເຄມີ ຢູ່​ເມືອງ​ຂ່າ​ນ ​ເຊ​ຄຸນ ​ໃນ​ພາກ​ເໜືອຂອງ​ຊີຣີ ​ໃນ​ວັນ​ທີ 4 ​ເມສາ​ຜ່ານ​ມາ ​ແລະ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ປະມານ 100 ຄົນ ບໍ່​ຜ່ານ​ການ​ລົງມະຕິ​ຂອງ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ (UNSC) ​ເນື່ອງ​ຈາກຣັດ​ເຊຍ ​ເຊິ່ງ​ເປັນ​ສະມາຊິກ​ຖາວອນ​ໃຊ້​ອຳນາດ​ຕອບ​ໂຕ້.

- Mideast Syria Horo 12 e1379540715589 - ຣັດເຊຍຕອບໂຕ້ຮ່າງມະຕິຍີ່ປຸ່ນ ໃຫ້ຕໍ່ເວລາສືບສວນອາວຸດເຄມີຊີຣີ

ທັງ​ນີ້, ການ​ໃຊ້​ອຳນາດ​ຕອບ​​ໂຕ້​ຂອງຣັດ​ເຊຍ​ໃນ​ຄັ້ງນີ້ ຖື​ເປັນຄັ້ງທີ 11 ​ໃນ​ຫົວ​ຂໍ້​ກ່ຽວ​ກັບ​ສົງຄາມ​ກາງ​ເມືອງ​ຢູ່​ຊີຣີທີ່​ຍືດ​ເຍື້ອມາ​ແຕ່​ປີ 2011 ​ແລະ ​ເກີດ​ຂຶ້ນຫ່າງ​ຈາກ​ການ​ຕອບ​​ໂຕ້​ຄັ້ງທີ 10 ພຽງ 24 ຊົ່ວ​ໂມງ ​ເຊິ່ງ​ເປັນ​ການ​ຕົກ​ໄປ​ຮ່າງ​ມະຕິ​ຂອງ​ອາ​ເມ​ລິ​ກາ ທີ່​ສະ​ເໜີ​ໃຫ້​ຂະຫຍາຍ​ໄລຍະ​ເວລາ​ການ​ເຮັດ​ວຽກ​ຂອງທີ​ມສືບສວນ​ອອກ​ໄປ​ອີກ 1 ປີ ​ໂດຍ​ເປັນ​ຮ່າງ​ມະຕິ​ທີ່​ອາ​ເມ​ລິ​ກາສະ​ເໜີ​ຊ້ຳ​ເປັນຄັ້ງທີ 2 ພາຍຫລັງ​ສະ​ເໜີ​ຄັ້ງທຳ​ອິດ​ໃນ​ທ້າຍ​ເດືອນ​ຕຸລາ​ຜ່ານ​ມາ ​ແລະ ຖືກຣັດ​ເຊຍ​ໃຊ້​ອຳນາດ​ຕອບ​ໂຕ້​ເຊັ່ນ​ກັນ, ສ່ວນ​ຈີນ​​ເຊິ່ງ​ເປັນ​ພັນທະ​ມິດ​ຂອງຣັດ​ເຊຍ ​ແລະ ​ເປັນ​ໜຶ່ງ​ໃນ​ສະມາຊິກ​ຖາວອນ ​ໃຊ້​ສິດ​ງົດ​ອອກສຽງ​ຮ່າງ​ມະຕິ​ຊີຣີ.

error: Content is protected !!