ສະຫະພັນແມ່ຍິງກະຊວງການຕ່າງປະເທດຈັດງານລ້ຽງນ້ຳຊາ ພົບປະກັບການທູດຍິງຕ່າງປະເທດ

ໃນວັນທີ 17 ພະຈິກນີ້, ທີ່ ສູນ (ICTC), ສະຫະພັນ ແມ່ ຍິງກະຊວງການຕ່າງປະເທດໄດ້ ຈັດງານພົບປະສັງສັນ “ງານ ລ້ຽງນ້ຳຊາ” ລະຫວ່າງບັນດາ ພັນລະຍາການນຳ, ການນຳ ເພດຍິງ ຂອງກະຊວງການຕ່າງ ປະເທດ ແລະ ຄະນະພົວພັນ ຕ່າງປະເທດສູນກາງພັກ, ບັນດາ ພັນລະຍາຂອງທູຕານຸທູດຕ່າງ ປະເທດອື່ນໆເຂົ້າຮ່ວມປະມານ 300 ທ່ານ.

+ ລັດຖະບານຫ້າມໃຊ້ງົບລັດຊື້ເຄື່ອງດື່ມມຶນເມົາລາຄາແພງໃນງານລ້ຽງຫລື ຮັບແຂກ

+ ສະຖານທູດອິນເດຍສະຫລອງວັນປະກາດເອກະລາດຄົບຮອບ 70 ປີ ແລະ ຄູ່ຮ່ວມເຈລະຈາອາຊຽນ-ອິນເດຍຄົບຮອບ 25 ປີ

ໃນໂອກາດດັ່ງກ່າວ, ທ່ານ ນາງ ອາລຸນີ ກົມມະສິດ ພັນລະ ຍາລັດຖະມົນຕີກະຊວງການ ຕ່າງປະເທດໄດ້ ຂຶ້ນກ່າວເປີດ ງານ ແລະ ມີຄຳເຫັນວ່າ: ການ ຈັດງານລ້ຽງນ້ຳຊາໃນປີນີ້ຈັດ ຂຶ້ນທ່າມກາງບັນຍາກາດທີ່ ປວງ ຊົນລາວ ພວມກະກຽມຂ່ຳນັບ ຮັບຕ້ອນວັນຊາດທີ 2 ທັນວາ ຄົບຮອບ 42 ປີ ແລະ ພິເສດແມ່ນ ປີທ່ອງທ່ຽວລາວ 2018, ຊຶ່ງແມ່ ຍິງລາວ ເວົ້າລວມ, ເວົ້າສະເພາະ ແມ່ຍິງກະຊວງການຕ່າງປະເທດ ຈະໄດ້ປະກອບສ່ວນຢ່າງຕັ້ງໜ້າເຂົ້າໃນການກະກຽມເພື່ອການ ເປັນເຈົ້າພາບທີ່ດີ ໃນການຕ້ອນ ຮັບນັກທ່ອງທ່ຽວ ໂດຍການສົ່ງ ເສີມ ການອະນຸລັກຮັກສາຮີດ ຄອງປະເພນີອັນດີງາມຂອງ ລາວ. ພ້ອມກັນສ້າງຕັ້ງກຸ່ມແມ່ ຍິງການທູດ ອາຊຽນ “ກຍອວ” ທີ່ ນະຄອນຫລວງວຽງຈັນ ໃນ ວັນທີ 1 ສິງຫາ 2017 ທີ່ ຜ່ານ ມາ ເພື່ອປະກອບສ່ວນ ໃນການ ສະເຫລີມສະຫລອງວັນສ້າງຕັ້ງອາຊຽນຄົບຮອບ 50 ປີ.

“ງານລ້ຽງນ້ຳຊາ” ເປັນ ກິດຈະກຳປະຈຳປີຂອງ ສະຫະ ພັນແມ່ຍິງກະຊວງການຕ່າງປະເທດເພື່ອແນໃສ່ເຕົ້າໂຮມ. ຄວາມ ຮັກແພງ ແລະ ແລກປ່ຽນວັດ ທະນະທຳ ຊຶ່ງກັນ ແລະ ກັນຂອງ ແມ່ຍິງທີ່ເຮັດວຽກການທູດ. ພາຍໃນງານນອກຈາກຈະມີ ການວາງສະແດງສິນຄ້າ ແລະ ອາຫານແລ້ວຍັງມີການສະ ແດງ ສິນລະປະຂອງເອື້ອຍນ້ອງແມ່ ຍິງກະຊວງການຕ່າງປະເທດ ແລະ ບັນດາສະຖານທູດຕ່າງໆ ອັນໄດ້ສ້າງຄວາມເບີກບານ ມ່ວນຊື່ນ ແລະ ປະທັບໃຈພ້ອມ ເປັນອີກ ໂອກາດໜຶ່ງໃຫ້ແຂກ ເຂົ້າຮ່ວມ ໄດ້ອວຍພອນສົ່ງທ້າຍ ປີເກົ່າ 2017 ແລະ ຕ້ອນຮັບປີໃໝ່ 2018 ຊຶ່ງກັນ ແລະ ກັນດ້ວຍບັນ ຍາກາດຟົດຟື້ນ.