ອົງການໄຈກາປະຈຳລາວພາສື່ມວນຊົນຢ້ຽມຢາມອາສາສະໝັກຢູ່ 2 ແຂວງພາກໃຕ້

ເມື່ອທ້າຍອາທິດທີ່ຜ່ານ ມາ ອົງການຮ່ວມມືສາກົນ ຍີ່ປຸ່ນ (JICA) ທີ່ນະຄອນຫລວງ ວຽງ ຈັນ,ໄດ້ ພາສື່ມວນຊົນລາວ ຢ້ຽມ ຢາມອາສາສະໝັກຍີ່ປຸ່ນ ທີ່ພວມ ປະຕິບັດໜ້າທີ່ຢູ່ ສປປ ລາວ ໂດຍ ສະເພາະ ຢູ່ 2 ແຂວງພາກໃຕ້ ຄື ແຂວງເຊກອງ ແລະ ແຂວງ ຈຳ ປາສັກ, ໂດຍມີໂທລະພາບແຫ່ງ ຊາດ, ສື່ໜັງສືພີມຕ່າງໆ ເພື່ອໃຫ້ ສື່ມວນຊົນໄດ້ຮູ້ຈັກກ່ຽວກັບກິດ ຈະກຳຕ່າງໆຂອງ ອາສາສະໝັກ ຍີ່ປຸ່ນ ທີ່ໄດ້ປະກອບສ່ວນຊ່ວຍ ເຫລືອ ແລະ ພັດທະນາຢູ່ໃນບັນ ດາຂະແໜງການຕ່າງໆໃນທ້ອງ ຖີ່ນດັ່ງກ່າວໄດ້ຈັດຕັ້ງປະຕິບັດ ໃນປັດຈຸບັນໄດ້ເຫັນ, ໄດ້ສຳຜັດ ກັບວຽກງານຕົວຈິງເຊັ່ນ: ການ ປະຕິບັດວຽກງານຂອງອາສາ ສະໝັກຢູ່ໂຮງໝໍ ແຂວງເຊກອງ, ຢູ່ພະແນກກະສິກຳ ແລະ ປ່າໄມ້ ແຂວງເຊກອງ, ພະແນກ ວິທະຍາ ສາດ ແລະ ເຕັກໂນໂລຊີ ແຂວງ ເຊກອງ, ຢູ່ໂຮງຮຽນວິທະຍາໄລ ຄູ ແລະ ພະແນກສຶກສາທິການ ແລະ ກິລາ ແຂວງ ຈຳປາ ສັກ ແລະ ອື່ນໆ.

+ ທູດຍີ່ປຸ່ນຕ້ອນຮັບອາສາສະໝັກ JICA ທີ່ມາເຮັດວຽກຢູ່ລາວ

+ ຍີ່ປຸ່ນສືບຕໍ່ຊ່ວຍເຫຼືອໂຄງການບໍລິການດ້ານສຸຂະພາບຜົ້ງປາກ ແລະ ແຂ້ວ ຢູ່ສອງແຂວງຂອງລາວ

ທ່ານ ໂຢຊິຮະຣຸ ໂຢ່ເນ່ຢະ ມະ ຫົວໜ້າອົງການໄຈກາປະ ຈຳລາວ ກ່າວວ່າ: ສປປ ລາວ ເປັນ ປະເທດທຳອິດ ທີ່ໄດ້ຮັບ ເອົາອາສາສະໝັກຍີ່ປຸ່ນມາແຕ່ປີ 1965 ພາຍໃຕ້ໂຄງການຮ່ວມ ມືພົ້ນທະເລ ຫລື ເອີ້ນຫຍໍ້ວ່າ ໂຄງການ ເຈໂອຊີວີ (JOCV) ແລະ ໄດ້ ປ່ຽນຊື່ມາເປັນ ອົງການ ຮ່ວມ ມືສາກົນຍີ່ປຸ່ນໃນລາວ ຫລື (ອົງການໄຈກາ) ໃນປັດຈຸບັນ. ນັບ ແຕ່ປີ 1965 ເປັນຕົ້ນມາ ມີອາສາສະໝັກຍີ່ປຸ່ນມາປະຈຳ ຢູ່ລາວ ທັງໝົດ 970 ຄົນ ໃນຂະ ແໜງການຕ່າງໆ ເຊັ່ນ: ດ້ານສາ ທາລະນະສຸກ, ສຶກສາ, ກິລາ, ກະສິກຳ, ວັດທະນະທຳ, ສະພາບ ແວດລ້ອມ, ພັດທະນາຊຸມຊົນ ແລະ ອື່ນໆ.

ປັດຈຸບັນມີອາສາສະໝັກ ຍີ່ປຸ່ນ ຈຳນວນ 63 ຄົນ ທີ່ໄດ້ ປະຕິບັດວຽກງານຄຽງບ່າຄຽງໄຫລ່ກັບຄູ່ຮ່ວມງານໃນບັນດາ ແຂວງຕ່າງໆ ຂອງລາວ.