ອະດີດກອງຫນ້າດັງ ເຊື່ອ ຊາລາ ຢູ່ລີເວີພູລບໍ່ດົນ ຈະຕ້ອງຍ້າຍໄປ ຣິລ ມາດຣິດ

ອະດີດດາວຍິງຊື່ດັງ ເຊື່ອຫມັ້ນວ່າ ໂມຮາເຫມັດ ຊາລາ ຈະ ຫລິ້ນຢູ່ກັບລີເວີພູລ ບໍ່ດົນ ກ່ອນຈະຍ້າຍໄປຮ່ວມ ຣິລ ມາດຣິດ ເປັນສະຖານີຕໍ່ໄປ.

ມິໂດ ອະດີດກອງຫນ້າ ຂອງທີມ ທັອດແນມ ຮັອດສະເປີ ຫມັ້ນໃຈຢືນຢັນວ່າ : ໂມຮາເໝັດ ຊາລາ ປີກທີມຊາດອີຢິບ ຈະ ຍ້າຍໄປຢູ່ກັບ ຣິລ ມາດຣິດ ສະ ໂມສອນເກ່ັງແຫ່ງ ລາ ລີກາ ສະ ເປນ ໃນອະນາຄົດອັນໃກ້ຢ່າງ ແນ່ນອນ.

ຊາລາ ຍ້າຍຈາກທີມ ໂຣ ມາ ມາຢູ່ກັບ ລີເວີພູລ ໃນໄລຍະ ລະດູການທີ່ຜ່ານມາ ແລະ ສາ ມາດສະແດງຜົນງານໄດ້ຢ່າງ ຮ້ອນແຮງຍິງໃນລີກໄປແລ້ວ 9 ປະຕູ ຜົນງານນຳເປັນດາວຍິງສູງສຸດໃນເວລານີ້ ເຊິ່ງຈາກຜົນງານດັ່ງກ່າວ ເຮັດໃຫ້ ມິໂດ ເຊື່ອວ່າ ຊາລາ ຢູ່ກັບລີເວີພູລບໍ່ດົນ.

ມິໂດ ເຜີຍວ່າ : “ ຂ້ອຍຈື່ ໄດ້ວ່າ ແຟນບານ ລີເວີພູລ ເຄີຍເວົ້າຢອກຂ້ອຍຕອນທີ່ຂ້ອຍ ເວົ້າເມື່ອ 3 ປີກ່ອນວ່າ : ຊາລາ ເກ່ັງກວ່າ ຣາຮິມ ສະເຕີຣິງ 10 ເທ່ົາ ຕອນນີ້ພວກເຂົາຄົງຈະຮູ້ແລ້ວວ່າ ຂ້ອຍເວົ້າຖືກ ລາວມີສະພາບຈິດໃຈທີ່ແຂງແກ່ນທີ່ຈະສາມາດຫລິ້ນໃນລະດັບສູງໄດ້ອີກຫລາຍປີ ຂ້ອຍເຊື່ອວ່າ ຊາລາ ຈະບໍ່ຢູ່ກັບລີເວີພູລດົນຫລາຍ ໃນບໍ່ອີກບໍ່ດົນລາວຈະຍ້າຍໄປຢູ່ກັບ ຣິລ ມາດຣິດ ”.

+ລີເວີພູລ ເປີດໂຕ ຊາລາ ເຊັນສັນຍາ 5 ປີ