ສຕລ ຄັດເລືອກນັກກິລາໄປຝຶກຊ້ອມທີ່ຢີ່ປຸ່ນຕົ້ນປີ 2018

ສະຫະພັນບານເຕະແຫ່ງຊາດລາວ (ສຕລ) ຮ່ວມກັບສະ ໂມສອນ ໂອມີຢະ ອາດີຈາ ( OMIYA ARDIJA ) ສະໂມສອນ J-LEAGUE 1 ຈາກປະເທດຍີ່ປຸ່ນໄດ້ຈັດກິດຈະກໍາຄັດເລືອກນັກກິລາລາວຈໍານວນ 3 ຄົນ ເພື່ອເຂົ້າຮ່ວມຝຶກຊ້ອມກັບນັກກິລາທີ່ມີຊື່ສຽງທີ່ປະເທດຢີ່ປຸ່ນ ເປັນເວລາ 1 ອາທິດ ໃນຕົ້ນປີ 2018 ເຊິ່ງກິດຈະກໍາຈັດຂຶ້ນໃນວັນທີ 18 ພະຈິກຜ່ານມານີ້ ທີ່ ສຕລ ນໍາໂດຍ ທ່ານ ໂຕຊີຢູກິ ອາກີໂມໂຕະ ( TOSHIYUKI AKIMOTO ) ຜູູ້ຈັດການທີມພ້ອມດ້ວຍທີມງານເຂົ້າຮ່ວມ.
ການຈັດກິດຈະກໍາຄັ້ງນີ້ ແນ່ໃສ່ເພື່ອສອນເຕັກນິກເຕະບານເພື່ອພັດທະນາເຕັກນິກການຫລິ້ນກິລາບານເຕະໃຫ້ແກ່ຄູຝຶກ ແລະ ນັກກິລາເຍົາວະຊົນລາວໄດ້ມີພັດທະນາຂຶ້ນເທື່ອລະກ້າວເພື່ອໃຫ້ທຽບເທົ່າພາກພື້ນ ແລະ ສາກົນ. ເຊິ່ງກິດຈະກໍາດັ່ງກ່າວໄດ້ດໍາເນີນເປັນເວລາ 3 ວັນໂດຍຜູ້ເຂົ້າຮ່ວມກິດຈະກໍາແມ່ນໄດ້ຮຽນຮູ້ທັກສະ, ເຕັກນິກ ແລະ ແຜນການສອນພ້້ອມການວາງແຜນລະບົບທີມໄປພ້ອມໆກັນ. ນອກຈາກ ນັ້ນ, ຍັງໄດ້ຄັດເລືອກເອົານັກກິລາຈໍານວນ 3 ຄົນເພື່ອໄປຝຶກ ຊ້ອມກັບສະໂມສອນໂອມີຢະ ອາດີຈາ ( OMIYA ARDIJA ) ເປັນເວລາ 1 ອາທິດ ໃນຕົ້ນເດືອນກຸມພາ 2018.
ກິດຈະກໍາດັ່ງກ່າວມີນັກກິ ລາເຂົ້າຮ່ວມຈໍານວນ 30 ກວ່າ ຄົນມາຈາກຫລາຍສະໂມສອນທີ່ໃຫ້ຄວາມສົນໃຈທີ່ຈະໄດ້ຝຶກ ຊ້ອມກັບສະໂມສອນທີ່ມີຊື່ສຽງຂອງປະເທດຍີ່ປຸ່ນ.