ກະລຶມວາງແຜນການເຄື່ອນໄຫວໃນໂອກາດເປີດປີທ່ອງທ່ຽວລາວ 2018
ເພື່ອຮອງຮັບປີທ່ອງທ່ຽວ ລາວ 2018 ແລະ ທ່ອງທ່ຽວ ເມືອງກະລຶມ ແຂວງເຊກອງມີ ປະສິດທິພາບສູງນັ້ນ, ໃນວັນທີ 17 ພະຈິກນີ້, ເມືອງດັ່ງກ່າວຈິ່ງໄດ້ ຈັດກອງປະຊຸມປຶກສາຫາລືກະ ກຽມແຜນການເຄື່ອນໄຫວຈັດຕັ້ງ ປະຕິບັດວຽກງານຕ່າງໆ ໂດຍ ພາຍໃຕ້ການເປັນປະທານຂອງ ຮອງເຈົ້າເມືອງໂດຍຈະເລັ່ງໃສ່ 4 ແຜນງານໃຫຍ່ ຂອງອົງຄະນະ ພັກແຂວງວາງອອກຄື: ເພື່ອສ້າງ ຈິດສຳນຶກ, ຍົກສູງຄວາມຮັບຮູ້ ຂອງສັງຄົມ, ຍາດແຍ່ງທ່າອ່ຽງ ການທ່ອງທ່ຽວຂອງໂລກ, ພາກ ພື້ນເຂົ້າໃນການພັດທະນາ ແລະ ສົ່ງເສີມການທ່ອງທ່ຽວຢູ່ລາວ ເວົ້າລວມເວົ້າ ສະເພາະຢູ່ເມືອງກະ ລຶມໃຫ້ເຂັ້ມແຂງ.
+ ເມືອງກະລຶມກຽມສະເຫລີມສະຫລອງວັນຢຸດຕິການໃຊ້ຄວາມຮຸນແຮງຕໍ່ແມ່ຍິງ
+ ລາວເປີດປີທ່ອງທ່ຽວ 2018 ແລະ ບຸນນະມັດສະການພະທາດຫຼວງວຽງຈັນ
ໃນນີ້ກໍມີຫລາຍ ບັນຫາທີ່ຈະຕ້ອງໄດ້ປັບປຸງເພື່ອ ຮອງຮັບປີທ່ອງທ່ຽວດັ່ງກ່າວ, ເປັນຕົ້ນປັບປຸງບູລະນະສະຖານທີ່ ທ່ອງທ່ຽວໃຫ້ສວຍງາມ, ເພື່ອ ດຶງດູດນັກທ່ອງທ່ຽວ, ປັບປຸງນິຕິ ກຳ ແລະ ລະບຽບການຄຸ້ມຄອງ ທີ່ມີຢູ່ແລ້ວໃຫ້ຮັດກຸມຂຶ້ນຕື່ມ ພ້ອມຈະໄດ້ອອກແຮງໂຄສະນາ ຜ່ານສື່ຕ່າງໆ ເປັນປະຈຳ, ເອົາ ໃຈໃສ່ປັບປຸງຄຸນນະພາບ ດ້ານ ການບໍລິການໃຫ້ດີຂຶ້ນກວ່າເກົ່າ ພ້ອມກັນນີ້ຍັງໄດ້ວາງແຜນການ ຈັດຕັ້ງປະຕິບັດບັນດາກິດຈະກຳ ຕ່າງໆປະກອບມີ 19 ລາຍການ ເພື່ອໃຫ້ການເຄື່ອນໄຫວຮອງຮັບ ປີທ່ອງທ່ຽວຢູ່ເມືອງກະລຶມໄດ້ ຮັບຜົນສຳເລັດ ແລະ ມີບັນຍາ ກາດຟົດຟື້ນ.
