ເຢຍລະມັນ ມອບປື້ມຄູ່ມືຄວາມຮູ້ ພື້ນຖານກ່ຽວ​ກັບສະຫະກອນສິນເຊື່ອໃຫ້ ທຫລ         

- laos germany -      ເຢຍລະມັນ ມອບປື້ມຄູ່ມືຄວາມຮູ້ ພື້ນຖານກ່ຽວ​ກັບສະຫະກອນສິນເຊື່ອໃຫ້ ທຫລ         
- Untitled design -      ເຢຍລະມັນ ມອບປື້ມຄູ່ມືຄວາມຮູ້ ພື້ນຖານກ່ຽວ​ກັບສະຫະກອນສິນເຊື່ອໃຫ້ ທຫລ         

ເພື່ອປະກອບສ່ວນສ້າງຄວາມເຂັ້ມແຂງໃຫ້ແກ່ການສ້າງສະຫະກອນສິນເຊື່ອ ແລະ ເງິນຝາກປະຢັດຢູ່ ສປປ ລາວ, ໃນວັນທີ 17 ພະຈິກນີ້ ສະຖານທູດ​ເຢຍລະ​ມັນ ປະຈຳ​ລາວ ​ໄດ້​ນຳ​ເອົາປື້ມຄູ່ມືຄວາມຮູ້ພື້ນຖານສະຫະກອນສິນເຊື່ອ ແລະ ເງິນຝາກປະຢັດມາ​ມອບ​ໃຫ້​ທະນາຄານ​ແຫ່ງ ສປປ ລາວ, ​ເຊິ່ງພິທີ​ມອບ-ຮັບ​ໄດ້​ມີ​ຂຶ້ນລະຫວ່າງ ທ່ານ ສອນໄຊ ສິດພະໄຊ ຮອງຜູ້ວ່າການ ທຫລ ແລະ ທ່ານ ເຢນສ ລຸດເກິນແຮມ (Jen Lutkenherm) ເອກອັກຄະລັດຖະທູດປະ​ເທດ​ດັ່ງກ່າວ ມີ 1.000 ເຫຼັ້ມຕົກ​ເປັນ ມູນຄ່າ 71 ລ້ານກ່ວາກີບ ໂດຍແມ່ນອົງການ DGRV ໃຫ້ທຶນສະໜັບສະໜູນໃນການຈັດພິມປຶ້ມດັ່ງກ່າວຕາມໂຄງການຮ່ວມມືລະຫວ່າງ ທຫລ ແລະ ອົງການ DGRV ທີ່ໄດ້ດໍາເນີນມາແຕ່ປີ 2012 ​ເພື່ອ​ແນ​ໃສ່ໄດ້ສະໜັບສະໜູນສະຫະກອນສິນເຊື່ອເຂດປາກທອນ ​ໂດຍ​ໃຫ້​ທຶນ​ໄປທັດສະນະສຶກສາທັງ​ຢູ່ພາຍໃນ ແລະ ຕ່າງປະເທດ, ຊ່ວຍອຸປະກອນເຄື່ອງໃຊ້ຫ້ອງການ ເພື່ອສ້າງເປັນສະຫະກອນສິນເຊື່ອຕົວແບບຂອງ ສປປ ລາວ; ຝຶກອົບຮົມໃຫ້ພະນັກງານກົມຄຸ້ມຄອງສະຖາບັນການເງິນ ທຫລ (ການຝຶກອົບ ຮົມການກວດສອບສະຫະກອນສິນເຊື່ອ ແລະ ເງິນຝາກປະຢັດ), ລວມທັງການສະໜັບສະໜູນການຈັດພິມປຶ້ມຄູ່ມືຄວາມຮູ້ພື້ນຖານສະຫະກອນສິນເຊື່ອແລະເງິນຝາກປະຢັດເພື່ອເປັນຫຼັກສູດສຳຄັນ​ໃຫ້​ແກ່​ວຽກ​ງານ​ດັ່ງກ່າວ.

ຮອງຜູ້ວ່າການ ທຫລ ກ່າວວ່າ: ປື້ມຄູ່ມືຊຸດນີ້​ໄດ້ນໍາເອົາບົດຮຽນ ແລະປະ ສົບການຂອງການສ້າງຕັ້ງສະຫະກອນຢູ່ເຢຍລະມັນ ມາປັບປຸງ ແລະ ໝູນໃຊ້ໃຫ້ແທດເໝາະກັບການພັດທະນາສະຫະກອນສິນເຊື່ອ ແລະ ເງິນຝາກປະຢັດຢູ່ປະເທດເຮົາ, ເຖິງວ່າ ລາວ ​ເຮົາໄດ້ມີການສ້າງຕັ້ງສະຫະກອນຂຶ້ນມາຫຼາຍປີ​ແລ້ວ​ກໍ​ຕາມ ແຕ່ຄວາມສາມາດໃນການບໍລິຫານ ແລະ ຄຸ້ມຄອງໃຫ້ສະຫະກອນມີຄວາມໝັ້ນຄົງ ຍັງເຮັດບໍ່ທັນໄດ້ດີເທົ່າທີ່ຄວນ ເຮັດໃຫ້ການເຄື່ອນໄຫວບໍ່ມີປະສິດທິພາບ, ອີກດ້ານໜຶ່ງຄວາມຮັບຮູ້ ແລະ ເຂົ້າໃຈຂອງຜູ້ສ້າງຕັ້ງສະຫະກອນກໍຄືປະຊາຊົນກໍຍັງຈໍາກັດ ເຮັດໃຫ້ການບໍລິຫານສະຫະກອນມີຄວາມສ່ຽງ ແລະ ຄວາມຫຍຸ້ງຍາກຂຶ້ນຕື່ມ; ຕໍ່ບັນຫາດັ່ງກ່າວ ທຫລ ຈຶ່ງໄດ້ມີຄວາມພະຍາຍາມປັບປຸງແກ້ໄຂໃນດ້ານລະບຽບການຄຸ້ມຄອງ, ການໃຫ້ຄວາມຮູ້ທາງດ້ານວຽກງານການເງິນຈຸລະພາກແກ່ສະຫະກອນ ແລະ ປະຊາຊົນ ລວມທັງໄດ້ຮັບການຊ່ວຍເຫຼືອຈາກ DGRV ຈະ​ຊ່ວຍ​ໃຫ້ການຍົກລະດັບດີຂຶ້ນ.

# ຂ່າວ-ພາບ: ຣັດສະໝີ ດວງສັດຈະ

- Wave100S AD to Website 2020 0 -      ເຢຍລະມັນ ມອບປື້ມຄູ່ມືຄວາມຮູ້ ພື້ນຖານກ່ຽວ​ກັບສະຫະກອນສິນເຊື່ອໃຫ້ ທຫລ         
- WhatsApp Image 2020 05 27 at 5 -      ເຢຍລະມັນ ມອບປື້ມຄູ່ມືຄວາມຮູ້ ພື້ນຖານກ່ຽວ​ກັບສະຫະກອນສິນເຊື່ອໃຫ້ ທຫລ         
- WhatsApp Image 2020 05 27 at 5 -      ເຢຍລະມັນ ມອບປື້ມຄູ່ມືຄວາມຮູ້ ພື້ນຖານກ່ຽວ​ກັບສະຫະກອນສິນເຊື່ອໃຫ້ ທຫລ         
error: Alert: ເນື້ອຫາຂ່າວມີລິຂະສິດ !!