ສະມາຄົມນັກຂ່າວລາວ ແລະ ນະຄອນເຊີນເຈີນຮ່ວມແລກປ່ຽນບົດຮຽນ

- Laos China journalist Association - ສະມາຄົມນັກຂ່າວລາວ ແລະ ນະຄອນເຊີນເຈີນຮ່ວມແລກປ່ຽນບົດຮຽນ
- AGL banner - ສະມາຄົມນັກຂ່າວລາວ ແລະ ນະຄອນເຊີນເຈີນຮ່ວມແລກປ່ຽນບົດຮຽນ

ການພົບປະແລກປ່ຽນບົດຮຽນລະຫວ່າງສະມາຄົມນັກຂ່າວແຫ່ງ ສປປ ລາວ ແລະ ນະຄອນເຊີນເຈີນແຂວງກວາງຕຸງ ສປຈີນ, ໄດ້ມີຂຶ້ນໃນເຊົ້າວັນທີ 20 ພະຈິກນີ້, ທີ່ນະຄອນຫລວງວຽງຈັນ,​ ຝ່າຍລາວນໍາໂດຍທ່ານ ສີພາ ນົງລາດ ຮອງປະທານສະມາຄົມນັກຂ່າວແຫ່ງ ສປປ ລາວ ແລະ ຝ່າຍຈີນນໍາໂດຍທ່ານ  ເຈີນຢີນ ປະທານສະມາຄົມນັກຂ່າວນະຄອນດັ່ງກ່າວ. ໃນໂອກາດເດີນທາງມາຢ້ຽມຢາມລາວເປັນຄັ້ງທໍາອິດ.

ໃນໂອກາດນີ້, ທ່ານຮອງປະທານສະມາຄົມນັກຂ່າວທັງສອງຕ່າງກໍໄດ້ລາຍງານສະພາບການເຄື່ອນໄຫວວຽກງານສື່ມວນຊົນຂອງຕົນໃຫ້ກັນຊາບ ເພື່ອເປັນຊ່ອງທາງໃຫ້ແກ່ການເສີມຂະຫຍາຍການພົວພັນຮ່ວມມືລະຫວ່າງສອງຝ່າຍໃນອານາຄົດ, ໂດຍສະເພາະການແລກຂໍ້ມູນຂ່າວສານ, ການໂຄສະນາປະກອບສ່ວນເຂົ້າໃນການເສີມສ້າງສາຍພົວພັນຮ່ວມມືຍຸດທະສາດຮອບດ້ານລະຫວ່າງສອງປະເທດລາວ-ຈີນເວົ້າລວມ, ເວົ້າສະເພາະກໍຄືສອງສະມາຄົມນັກຂ່າວລາວ-ຈີນໃຫ້ນັບມື້ແໜ້ນແຟ້ນຍິ່ງໆຂຶ້ນ. ພ້ອມທັງໄດ້ຍົກໃຫ້ເຫັນວ່າ: ປັດຈຸບັນ, ການຮ່ວມກັນເຮັດວຽກງານໂຄສະນາສ້າງຄວາມເຂົ້າອົກເຂົ້າໃຈຊຶ່ງກັນ ແລະ ກັນລະຫວ່າງປະຊາຊົນສອງຊາດມັນມີຄວາມສໍາຄັນຍິ່ງ ເພື່ອປະກອບສ່ວນຊ່ວຍເຫລືອຊຶ່ງກັນ ແລະ ກັນໃຫ້ແກ່ການພັດທະນາວຽກງານສື່ມວນຊົນ ກໍຄືການພັດທະນາເສດຖະກິດ-ສັງຄົມຂອງຊາດລາວ-ຈີນ ນັບມື້ໄດ້ເຕີບໃຫຍ່ຂະຫຍາຍຕົວ.

ໃນໂອກາດນີ້, ທ່ານຫົວໜ້າສະມາຄົມນັກຂ່າວນະຄອນເຊີນເຈີນ ກໍໄດ້ກ່າວສະແດງຄວາມຂອບໃຈຕໍ່ສະມາຄົມນັກຂ່າວລາວ ທີ່ໄດ້ໃຫ້ການຕ້ອນຮັບຢ່າງອົບອຸ່ນໃນການມາຢ້ຽມຢາມຄັ້ງນີ້, ພ້ອມທັງຍົກໃຫ້ເຫັນວ່າ: ສະມາຄົມນັກຂ່າວນະຄອນເຊີນເຈີນ ສ້າງຕັ້ງຂຶ້ນໃນປີ 1980 ມາຮອດປັດຈບັນມີສະມາຊິກຫລາຍກວ່າ 5 ພັນຄົນ ແລະ ມີຜະລິດຕະພັນໜັງສືພີມລາຍວັນ 10 ກວ່າສະບັບ ແລະ ປັດຈຸບັນ, ການບໍລິໂພກຂໍ້ມູນຂ່າວສານຕ່າງໆຂອງປະຊາຊົນສ່ວນຫລາຍແມ່ນຫັນໄປທາງສື່ສັງຄົມອອນລາຍເປັນສ່ວນໃຫຍ່ ແລະ ໃນຕໍ່ໜ້ານີ້, ສະມາຄົມນັກຂ່າວນະຄອນເຊີນເຈີນແມ່ນມີຄວາມຍີນດີທີ່ຈະໄດ້ຮ່ວມມືກັບສະມາຄົມນັກຂ່າວລາວ ເພື່ອແລກປ່ຽນຂໍ້ມູນຂ່າວສານຕ່າງໆນໍາກັນຫລາຍຂຶ້ນ, ໂດຍສະເພາະຈະຊ່ວຍເປັນທ່າແຮງໜຶ່ງໃນການໂຄສະນາໃຫ້ນັກລົງທຶນ, ນັກທ່ອງທ່ຽວຢູ່ ສປຈີນ ກໍຄືແຂວງກວາງຕຸ້ງເຂົ້າມາລົງທຶນ ແລະ ທ່ອງທ່ຽວປະເທດລາວໃຫ້ນັບມື້ຫລາຍຂຶ້ນ.

- Wave100S AD to Website 2020 0 - ສະມາຄົມນັກຂ່າວລາວ ແລະ ນະຄອນເຊີນເຈີນຮ່ວມແລກປ່ຽນບົດຮຽນ

ໃນໂອກາດມາຢ້ຽມຢາມຄັ້ງນີ້, ຄະນະຜູ້ແທນສະມາຄົມນັກຂ່າວນະຄອນເຊີນເຈີນຍັງໄດ້ໄປທ່ຽວຊົມເບິ່ງວັດຫໍພະແກ້ວ, ພະທາດຫລວງວຽງຈັນ ແລະ ທ່ຽວຊົມແຂວງຫລວງພະບາງນໍາດ້ວຍ.

- WhatsApp Image 2020 05 27 at 5 - ສະມາຄົມນັກຂ່າວລາວ ແລະ ນະຄອນເຊີນເຈີນຮ່ວມແລກປ່ຽນບົດຮຽນ
- WhatsApp Image 2020 05 27 at 5 - ສະມາຄົມນັກຂ່າວລາວ ແລະ ນະຄອນເຊີນເຈີນຮ່ວມແລກປ່ຽນບົດຮຽນ
- WhatsApp Image 2020 05 27 at 5 - ສະມາຄົມນັກຂ່າວລາວ ແລະ ນະຄອນເຊີນເຈີນຮ່ວມແລກປ່ຽນບົດຮຽນ
- WhatsApp Image 2020 05 27 at 5 - ສະມາຄົມນັກຂ່າວລາວ ແລະ ນະຄອນເຊີນເຈີນຮ່ວມແລກປ່ຽນບົດຮຽນ
error: Alert: Content is protected !!