ປະທານສະພາແຫ່ງຊາດໂອ້ລົມພະນັກງານຫລັກແຫລ່ງແຂວງຊຽງຂວາງ

- advert banner 728 90 728x90 - ປະທານສະພາແຫ່ງຊາດໂອ້ລົມພະນັກງານຫລັກແຫລ່ງແຂວງຊຽງຂວາງ

​ໃນ​ໂອກາດ​ເຄື່ອນ​ໄຫວ​ຢ້ຽມຢາມ ​ແລະ ​ເຮັດ​ວຽກ​ຢູ່​ແຂວງ​ຊຽງ​ຂວາງ​ໃນ​ວັນ​ທີ 20 ພະຈິກນີ້, ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດໄດ້ພົບປະໂອ້ລົມພະນັກງານຫລັກແຫລ່ງຂອງແຂວງດັ່ງກ່າວ, ​ໂດຍ​ໄດ້ເນັ້ນໃຫ້ແຂວງຈົ່ງເອົາໃຈໃສ່ວຽກງານປ້ອງກັນຊາດ-ປ້ອງກັນຄວາມສະຫງົບ, ອອກແຮງຕ້ານ ແລະ ສະກັດກັ້ນບັນຫາຢາເສບຕິດ ແລະ ເພີ່ມທະວີຄວາມສາ ມັກຄີຂອງປະຊາຊົນບັນດາເຜົ່າ, ສູ້ຊົນເກັບລາຍຮັບເຂົ້າງົບປະມານໂດຍຜ່ານປະຕູດຽວ ແລະ ສູ້ຊົນຈັດຕັ້ງປະຕິບັດມະຕິກອງປະຊຸມໃຫຍ່ຂອງແຂວງກໍຄື ສູນກາງວາງອອກໃຫ້ມີປະສິດທິຜົນ.

- new3 - ປະທານສະພາແຫ່ງຊາດໂອ້ລົມພະນັກງານຫລັກແຫລ່ງແຂວງຊຽງຂວາງ

ທ່ານປະທານສະພາເນັ້ນວ່າ: ສຳລັບແຜນວຽກປີ 2018 ນັ້ນ​ຕ້ອງເປັນແຜນວຽກບຸກທະລຸລະອຽດ, ອຳນາດການປົກຄອງແຂວງ ແລະ ອຳນາດການປົກຄອງສະພາເຂດຕ້ອງຮ່ວມມືປຶກສາຫາລື, ວາງແຜນຮ່ວມກັນໂດຍມີຈຸດສຸມ, ກຳນົດຄາດໝາຍເສດຖະກິດມະຫາພາກໃຫ້ລະອຽດ, ປັບປຸງການບໍລິຫານລັດ, ຕິດຕາມກວດກາການຈັດແບ່ງງົບປະມານຕາມຕົວເລກທີ່ກຳນົດ, ຫ້າມບໍ່ໃຫ້ມີໂຄງການນອກແຜນ, ຖ້າມີແມ່ນແຂວງຮັບຜິດຊອບເອງ, ປຸກລະດົມຂົນຂວາຍການລົງທຶນພາກເອກະຊົນ ແລະ ຕ່າງປະເທດເຂົ້າມາໃຫ້ຫລາຍ, ອົງການກວດສອບແຫ່ງລັດຕ້ອງເຂັ້ມງວດ, ລົງກວດສອບລະອຽດ, ແກ້ໄຂຜົນຂອງການກວດສອບ, ແກ້ໄຂຂໍ້ຂັດແຍ່ງຕາມກົດໝາຍບໍ່ໃຫ້ສະສົມຂໍ້ຂັດແຍ່ງໄວ້, ພະແນກແຜນການ ແລະ ພະແນກການເງິນຕ້ອງວາງແຜນຮ່ວມກັນໃຫ້ຖືກກັບບັນດາພະແນກການອຶ່ນ, ຊອກຫາທິດທາງແຜນການທີ່ຍືນຍົງໃນການລຶບລ້າງຄວາມທຸກຍາກ.

​  ໂອກາດ​ດຽວ​ກັນ​ນີ້, ທ່ານນາງຮອງເລຂາພັກແຂວງ ກໍໄດ້ລາຍງານການ ຈັດຕັ້ງປະຕິບັດການພັດທະນາເສດຖະກິດ-ສັງຄົມຂອງແຂວງໃນໄລຍະຜ່ານມາ ໄດ້ຍົກໃຫ້ເຫັນບັນດາຕົວເລກການພັດທະນາທີ່ເພີ່ມຂຶ້ນ, ການລົງທຶນເພີ່ມຂື້ນທັງພາກເອກະຊົນ ແລະ ການລົງທຶນຂອງຕ່າງປະເທດ.

error: Content is protected !!