ຫາລືການຈັດຕັ້ງປະຕິບັດໂຄງການສົ່ງເສີມການຈ້າງງານໃນຊົນນະບົດຂອງລາວ

- discussion - ຫາລືການຈັດຕັ້ງປະຕິບັດໂຄງການສົ່ງເສີມການຈ້າງງານໃນຊົນນະບົດຂອງລາວ
- 174233 - ຫາລືການຈັດຕັ້ງປະຕິບັດໂຄງການສົ່ງເສີມການຈ້າງງານໃນຊົນນະບົດຂອງລາວ

​ເມື່ອ​ບໍ່​ດົນ​ມາ​ນີ້, ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ, ​ໄດ້​ຈັດກອງປະ ຊຸມ ປຶກສາຫາລືກຽ່ວກັບໂຄງການສ້າງຍຸດທະສາດແຫ່ງຊາດ ສົ່ງເສີມການຈ້າງງານ ຊົນນະບົດໃນລາວ, ຂຶ້ນ​ທີ່​ນະຄອນຫລວງ​ວຽງ​ຈັນ, ​ເພື່ອສ້າງໂອກາດການມີວຽກເຮັດ ທີ່ມີຄຸນຄ່າ ແລະ ມີຜະລິດຕະພາບໃນເຂດຊົນນະບົດ, ໂດຍການເປັນປະທານຂອງທ່ານ ບຸນຄົງ ຫຼ້າສຸກັນ ຮອງລັດຖະມົນຕີກະຊວງດັ່ງກ່າວ, ມີທ່ານ ຖາວອນ ພົມມະໄລລຸນ ຮອງເຈົ້າແຂວງເຊກອງ, ທ່ານ ຄຳພູນ ຕຸໄພທູນ ຮອງເຈົ້າ ແຂວງ ສະຫວັນນະເຂດ ແລະ ຜູ້ຕາງໜ້າຫ້ອງການອົງການແຮງງານ ສາກົນ ປະຈຳພາກພື້ນທີ່ປະເທດໄທ​ເຂົ້າ​ຮ່ວມນຳດ້ວຍ.
ກອງປະຊຸມນີ້ ມີຄວາມສຳຄັນຍິ່ງຂອງຍຸດທະສາດແຫ່ງຊາດສົ່ງເສີມ ການຈ້າງງານຊົນນະບົດໃນລາວ ເພື່ອສ້າງໂອກາດການມີວຽກເຮັດທີ່ມີຄຸນຄ່າ ແລະ ມີຜະລິດຕະພາບໃນເຂດຊົນນະບົດ, ວິທີການພັດທະນະສີມືແຮງງານໃນຊົນນະບົດ ເພື່ອສົ່ງເສີມການສ້າງລາຍໄດ້, ຜົນສຳເຮັດລວມຈາກໂຄງການທົດລອງ ສົ່ງເສີມການສ້າງລາຍໄດ້ ແລະ ການສ້າງວຽກເຮັດງານທຳໃນຊົນນະບົດ ແຂວງ ເຊກອງ ໄລຍະຜ່ານມາແມ່ນການພັດທະນາຊຸມຊົນດ້ານກະສິກຳ, ການພັດທະນາສີມື ແຮງງານ, ການສົ່ງເສີມບົດບາດຍິງ-ຊາຍ ໃນການສ້າງກຸ່ມຜູ້ປະກອບການໃນແຂວງດັ່ງກ່າວ, ປະສົບການຕົວຈິງຈາກການສົ່ງເສີມການສ້າງລາຍໄດ້ຈາກການພັດທະນາ ຊັບສິນຊຸມຊົນ ແລະ ອື່ນໆ.
ໂຄງການດັ່ງກ່າວແມ່ນເລີມຈັດຕັ້ງປະຕິບັດທົດລອງແຕ່ປີ 2011, ຢູ່ແຂວງເຊກອງ ຈົນຮອດ ປີ ອົງການເພື່ອການພັດທະນາ ແລະ ຮ່ວມມື ສະວິດເຊີແລນ ແລະ ອົງການແຮງງານສາກົນ, ປຶກສາຫາລືເພື່ອສຶບຕໍ່ຈັດ ຕັ້ງປະຕິບັດໂຄງການ ແລະ ຈະຂະຫຍາຍໄປຈັດຕັ້ງປະຕິບັດເພີ່ມຢູ່ ແຂວງສະຫວັນນະ ເຂດ, ໂດຍຈະເລີມແຕ່ ປີ 2017 ໄປຈົນຮອດປີ 2020.

 

- Wave100S AD to Website 2020 0 - ຫາລືການຈັດຕັ້ງປະຕິບັດໂຄງການສົ່ງເສີມການຈ້າງງານໃນຊົນນະບົດຂອງລາວ
- WhatsApp Image 2020 05 27 at 5 - ຫາລືການຈັດຕັ້ງປະຕິບັດໂຄງການສົ່ງເສີມການຈ້າງງານໃນຊົນນະບົດຂອງລາວ
- WhatsApp Image 2020 05 27 at 5 - ຫາລືການຈັດຕັ້ງປະຕິບັດໂຄງການສົ່ງເສີມການຈ້າງງານໃນຊົນນະບົດຂອງລາວ
- WhatsApp Image 2020 05 27 at 5 - ຫາລືການຈັດຕັ້ງປະຕິບັດໂຄງການສົ່ງເສີມການຈ້າງງານໃນຊົນນະບົດຂອງລາວ
- WhatsApp Image 2020 05 27 at 5 - ຫາລືການຈັດຕັ້ງປະຕິບັດໂຄງການສົ່ງເສີມການຈ້າງງານໃນຊົນນະບົດຂອງລາວ
error: Alert: Content is protected !!