ຜູ້ນຳເຢຍລະມັນພົບວິກິດ ຫລັງເຈລະຈາຕັ້ງລັດຖະລົ້ມ

- advert banner 728 90 728x90 - ຜູ້ນຳເຢຍລະມັນພົບວິກິດ ຫລັງເຈລະຈາຕັ້ງລັດຖະລົ້ມ

ນາຍົກລັດຖະມົນຕີ ອັງ​ເກ​ລາ ​ແມ​ເຄິລ ຂອງ​ເຢຍລະ​ມັນ ຈະ​ເຂົ້າພົບ​ປະທານາທິບໍດີ ​ແຟຣງ ວໍ​ເຕີ​ສ​ໄຕ​ໄມ​ເອີ ​ເພື່ອ​ແຈ້ງ​ເລື່ອງ​ເຈລະຈາ​ຕັ້ງລັດຖະບານ​ກັບ​ພັກ​ກຣີນ ​ແລະ ພັກ​ປະຊາທິປະ​ໄຕ​ເສລີ (FDP) ບໍ່​ສຳ​ເລັດ.

- new3 - ຜູ້ນຳເຢຍລະມັນພົບວິກິດ ຫລັງເຈລະຈາຕັ້ງລັດຖະລົ້ມ

- 1p0l0jaf - ຜູ້ນຳເຢຍລະມັນພົບວິກິດ ຫລັງເຈລະຈາຕັ້ງລັດຖະລົ້ມ

ການ​ເຂົ້າພົບ​ປະທານາທິບໍດີ ​ເຊິ່ງມີ​ອຳນາດ​ສັ່ງ​ຈັດການ​ເລືອກ​ຕັ້ງ​ໃໝ່​ສົ່ງ​ສັນຍານ​ວ່າ​ນາຍົກລັດຖະມົນຕີ ​ແມ​ເຄິລ ບໍ່​ຄິດຕັ້ງລັດຖະບານ​ປະສົມ​ກັບ​ພັກ​ກຣີນ, ພາຍຫລັງ​ພັກ​ FDP ຖອນ​ຕົວ​ຈາກ​ການ​ເຈລະຈາ​ໃນ​ວັນ​ທີ 19 ພະຈິກ ​ແບບ​ບໍ່​ຄາດ​ຄິດ. ທ່ານ​ນາງ ​ແມ​ເຄິລ ກ່າວ​ກັບ​ນັກ​ຂ່າວ​ວ່າ: ​ໃນ​ຖານະ​ນາຍົກລັດຖະມົນຕີ ທ່ານ​ຈະ​ເຮັດ​ທຸກ​ຢ່າງ​ເພື່ອ​ສ້າງ​ຫລັກ​ປະກັນ​ວ່າ​ຈະ​ມີ​ການ​ບໍລິຫານ​ປະ​ເທດ​ດ້ວຍ​ດີ​ໃນ​ໄລຍະ​ຫລາຍ​ອາທິດ​ຕໍ່ໜ້າ​ທີ່​ເຕັມ​ໄປ​ດ້ວຍ​ຄວາມ​ຫຍຸ້ງຍາກ.

ສຳນັກ​ຂ່າວ AFP ລະບຸ​ວ່າ: ມີ​ຫລາຍ​ບັນຫາ​ທີ່​ເຮັດ​ໃຫ້ການ​ເຈລະຈາ​ລົ້ມ​ເຫ​ລວ​ໄດ້​ແກ່ ຄົນ​ເຂົ້າ​ເມືອງ, ​ໂຮງ​ໄຟຟ້າ​ພະລັງ​ຖ່ານ​ຫີນ, ສະຫະພາບ​ເອີຣົບ (EU) ​ແລະ ການ​ເກັບ​ພາສີ. ບັນຫາ​ຄົນ​ເຂົ້າ​ເມືອງ​ເປັນ​ບັນຫາ​ການ​ເມືອງ​ເຜັດ​ຮ້ອນ​ທີ່​ສຸດ​ຂອງ​ເຢຍລະ​ມັນ ນັບ​ແຕ່​ທ່ານ​ນາງ ​ແມ​ເຄິລ ​ເປີດ​ປະ​ເທດ​ຮັບ​ຜູ້​ຂໍ​ລີ້​ໄພ​ປະມານ 1,2 ລ້ານ​ຄົນ ​ໃນ​ປີ 2015 ​ເປີດ​ທາງ​ໃຫ້​ພັກ​ຂວາ​ຈັດ​ທີ່​ມີ​ບ່ອນ​ນັ່ງ​​ໃນ​ສະພາ​ໃນ​ການ​ເລືອກ​ຕັ້ງ​ເດືອນ​ກັນຍາ​ຜ່ານ​ມາ. ພັກ CDU ຂອງ​ທ່ານ​ນາງ ​ແມ​ເຄິລ ​ແລະ ພັກ CSU ທີ່​ເປັນ​ພັນທະ​ມິດ​ສັ່ງ​ເລື່ອນ​ການ​ຮັບ​ຄອບຄົວ​ຜູ້​ໄດ້​ຮັບ​ອະນຸຍາດ​ລີ້​ໄພ​ຊົ່ວຄາວ​ໄປ​ຈົນ​ຮອດ​ເດືອນ​ມີນາ​ປີໜ້າ, ​ແຕ່​ພັກ​ກຣີນຕ້ອງການ​ໃຫ້​ຍົກ​ເລີກ​ຄຳ​ສັ່ງ​ນີ້.

ສ່ວນ​ເລື່ອງ​ໂຮງ​ໄຟຟ້າ​ພະລັງງານ​ຖ່ານ​ຫີນ​ທີ່​ຜະລິດ​ໄຟຟ້າ​ສະໜອງ​ຄວາມ​ຕ້ອງການ 40% ຂອງ​ປະ​ເທດ ທຸກ​ພັກ​ສະໜັບສະໜູນ​ເປົ້າໝາຍ​ຫລຸດ​ການ​ປ່ອຍ​ກາກ​ບອນ​ແຕ່​ເຫັນ​ບໍ່​ກົງກັນ​ເລື່ອງ​ວິທີ​ການ, ​ເຊັ່ນ​ດຽວ​ກັບ​ເລື່ອງ EU ທີ່​ທຸກ​ພັກ​ສະໜັບສະໜູນ​ການ​ປະຕິ​ຮູບ EU ​ແຕ່​ເຫັນ​ແຕກ​ຕ່າງ​ກັນ​ເລື່ອງ​ວິທີ​ການ. ຂະນະ​ທີ່​ເລື່ອງ​ພາສີ, ພັກ FDP ຕ້ອງການ​ໃຫ້​ຫລຸດ​ຫລາຍ​ກວ່າ​ນີ້ ​ເພື່ອ​ຊ່ວຍ​ກະ​ຕຸ້ນ​ເສດຖະກິດ​ເບື້ອງຕາ​ເວັນ​ອອກ ​ແຕ່​ພັກ​ກຣີນຕ້ອງການ​ໃຫ້​ເກັບ​ພາສີ ​ເພື່ອ​ໄປ​ໃຊ້​ລົງທຶນ​ສາທາລະນະ.

error: Content is protected !!