ທ່ອງທ່ຽວຕ້ອງໄດ້ບຸກບືນ

- advert banner 728 90 728x90 - ທ່ອງທ່ຽວຕ້ອງໄດ້ບຸກບືນ

ໂດຍ: ທ່ຽງ​ທຳ

- lattana 1 - ທ່ອງທ່ຽວຕ້ອງໄດ້ບຸກບືນ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ຖ້າ​ເວົ້າ​ເຖິງ​ການທ່ອງທ່ຽວ​ຢູ່​ປະ​ເທດ​ເຮົາ​ແລ້ວ ​ເມື່ອ​ຫລາຍ​ປີຜ່ານມາ​ນີ້​ບາງ​ປີ​ກໍ​ຍິ້ມອອກ ​ແລະ ບາງ​ປີ​ກໍ​ຄື​ວ່າ​ງຽບ​ເຫງົາລົງ​ຫລາຍ ​ເຊິ່ງມາ​ຈາກ​ຫລາຍ​ປັດ​ໄຈ ທັງ​ໃນ​ຕົວ ​ແລະ ນອກ​ຕົວ​ຂອງ​ມັນ, ​ເລື່ອງ​ນອກ​ຕົວ​ກໍ​ອາດ​ຜົນ​ກະທົບ​ມາ​ຈາກ​ຄວາມ​ຫຍຸ້ງຍາກ ​ແລະ ປັ່ນ​ປ່ວນ​ຂອງ​ເສດຖະກິດ​ໂລກ, ບັນຫາ​ຄວາມ​ບໍ່​ສະຫງົບ​ຂອງ​ພາກພື້ນ ​ແລະ ສາກົນ ​ແລະ ການ​ຮັບ​ຮູ້​ເຖິງ​ຄວາມ​ຈັບ​ອົກ​ຈັບ​ໃຈ​ຂອງ​ການທ່ອງທ່ຽວ​ລາວ​ກໍ​ຍັງ​ມີ​ໜ້ອຍ ​ແລະ ສ່ວນ​ບັນຫາ​ໃນ​ຕົວ​ກໍ​ມີ​ອຸປະສັກ​ຢູ່​ບໍ່​ໜ້ອຍ ນັບ​ທັງ​ທຶນຮອນ​ທີ່​ພວກ​ເຮົາ​ຈະ​ສຸມ​ໃສ່​ພັດທະນາ​ເຂດ​ທ່ອງ​ທ່ຽວ​ກໍ​ຍັງ​ມີ​ຈຳກັດ, ດ້ານ​ຄວາມ​ຮູ້​ຄວາມ​ສາມາດ​ຂອງ​ພະນັກງານ​ນຳ​ທ່ຽວ​ກໍ​ຍັງ​ບໍ່​ແຂງ​ແຮງ​ພໍ. ກໍ​ດັ່ງ​ການ​ໃຫ້​ສຳພາດ​ຂອງ​ບໍລິສັດ​ທ່ອງ​ທ່ຽວ​ເມືອງ​ສາງ​ຊາ ສປ ຈີນ ​ໃນ​ວານ​ນີ້ ​ເພິ່ນ​ເວົ້າວ່າ: ​ເພື່ອ​ຢາກ​ດຶງ​ດູດ​ນັກ​ທ່ອງ​ທ່ຽວ​ຈີນ​ເຂົ້າມາ​ທ່ຽວ​ລາວ​ໃຫ້​ຫລາຍ​ຂຶ້ນ ກ່ອນ​ອື່ນ​ເບື້ອງລັດຖະບານ​ລາວ​ຕ້ອງ​ສ້າງ​ສິ່ງ​ອຳນວຍ​ຄວາມ​ສະດວກ​ຕ່າງໆ​ໃຫ້​ຫລາຍ​ຂຶ້ນ ​ໂດຍ​ສະ​ເພາະ​ການ​ຂໍ​ວີ​ຊາ​ເຂົ້າມາລາ​ວ ​ແລະ ອັນ​ທີ່​ສຳຄັນ​ທີ່​ສຸດ​ແມ່ນ​ໃຫ້​ມີ​ຜູ້ນຳ​ທ່ຽວ​ຂອງ​ລາວ​ຮູ້ຈັກ​ພາສາ​ຈີນ​ທີ່​ຊຳນິ​ຊຳນານ ມັນ​ຈະ​ເປັນ​ສ່ວນ​ສຳຄັນ​ທີ່​ສຸດ​ໃນ​ການ​ດຶງ​ດູດ​ນັກ​ທ່ອງ​ທ່ຽວ​ຈາກ​ຈີນ ​ແລະ ຄຽງ​ຄູ່​ກັນນັ້ນ ລາວ​ຕ້ອງ​ເພີ່ມ​ທະວີ​ການ​ໂຄສະນາ​ຄວາມ​ໂດດ​ເດັ່ນ​ຂອງ​ປະ​ເທດ ​ເຊິ່ງອາດ​ຈະ​ເປັນ​ແຫ​ລ່ງທ່ອງ​ທ່ຽວ​ທຳ​ມະ​ຊາດ, ວັດທະນະທຳ, ສະຖານ​ບູຮານ​ວັດວາອາ​ຮາມ​ອັນ​ເກົ່າ​ແກ່ ຫລື ​ແຫ​ລ່ງທ່ອງ​ທ່ຽວ​ປະຫວັດສາດ​ອັນ​ມີ​ຊື່​ສຽງ ​ແລະ ອື່ນໆ​ໃຫ້​ຫລາຍ​ຂຶ້ນ. ​ເມື່ອ​ຟັງ​ຄຳ​ເຫັນ​ນີ້, ຜູ້​ຂຽນ​ກໍ​ຂໍ​ເປັນ​ເອກະ​ພາບ​ນຳ, ຖ້າ​ເວົ້າ​ເຖິງ​ຜູ້​ຈະ​ໄປ​ທ່ອງ​ທ່ຽວ​ປະ​ເທດ​ໃດ​ກໍ​ຕາມ ທຳ​ອິດ​ເຂົາ​ກໍ​ຈະ​ຕ້ອງ​ໄດ້​ເວົ້າ​ເຖິງ​ເລື່ອງ​ວີ​ຊາ​ເຂົ້າປະ​ເທດ​ນັ້ນຈະ​ຍາກ​ຈະ​ງ່າຍ​ແນວ​ໃດ ​ແລະ ຄວາມ​ສະດວກ​ໃນ​ການ​ຄົມມະນາຄົມ, ການ​ກິນ​ທີ່​ເໝາະ​ສົມ, ບ່ອນ​ພັກ​ເຊົາ​ທີ່​ມີ​ມາດຕະຖານ ​ແລະ ການ​ຕ້ອນຮັບ​ທີ່​ສະດວກ​ສະບາຍ​ຕ່າງໆ ນັບ​ທັງ​ເບື້ອງ​ເຈົ້າໜ້າ​ທີ່​ຮັກສາ​ຄວາມ​ປອດ​ໄພ​ຂອງ​ນັກ​ທ່ອງ​ທ່ຽວ​ກໍ​ຕ້ອງ​ປະພຶດ​ແນວ​ໃດ ​ເພື່ອ​ບໍ່​ໃຫ້​ຜູ້​ມາ​ທ່ຽວ​ຢ້ານ​ກົວ ​ແລະ ສິ່ງ​ປະ​ທັບ​ໃຈ​ຕ່າງໆ​ຂອງ​ແຫ​ລ່ງທ່ອງ​ທ່ຽວ ອັນ​ນີ້​ເປັນ​ບັນຫາ​ສຳຄັນ​ຍິ່ງ​ທີ່​ຂະ​ແໜງ​ມະຫາ​ພາກ​ພວກ​ເຮົາ​ຈະ​ຕ້ອງ​​ໄດ້​ສຶກສາ ​ແລະ ບືນ​ຕົວ​ປັບປຸງ​ຕົນ​ເອງ​ໃຫ້​ນັບ​ມື້ກ້າວ​ໄປ​ສູ່​ອຸດສາຫະກຳ​ທ່ອງ​ທ່ຽວ​ທີ່​ສົມບູນ​ແບບ.

- Tiger Head 728x90 - ທ່ອງທ່ຽວຕ້ອງໄດ້ບຸກບືນ
- 1 1 - ທ່ອງທ່ຽວຕ້ອງໄດ້ບຸກບືນ