ຄວາມຫວັງຂໍຝາກໄວ້ກັບຜູ້ແທນ

- 22528230 720102921526824 2346321901902875963 n - ຄວາມຫວັງຂໍຝາກໄວ້ກັບຜູ້ແທນ
- AGL banner - ຄວາມຫວັງຂໍຝາກໄວ້ກັບຜູ້ແທນ

ໂດຍ: ທິດ​ກໍ່າ

ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 4 ຂອງ​ສະພາ​ແຫ່ງ​ຊາດ​ຊຸດ​ທີ 8 ​ໄດ້​ປິດ​​ລົງ​ໃນ​​ວັນ​ທີ 17 ພະຈິກ​ຜ່ານ​ມາ. ກ່າວ​ເຖິງ​ບັນຍາກາດ​ຂອງ​ກອງ​ປະຊຸມ​ໃນ​ຄັ້ງນີ້ ທິດ​ກໍ່າ​ເຫັນ​ວ່າ​ມີ​ທີ​ເດັດ​ເຜັດ​ມັນ​ຫລາຍ​ປະການ ບໍ່​ວ່າ​ໃນ​ເລື່ອງ​ວຽກ, ​ເລື່ອງ​ຄົນ, ​ເລື່ອງ​ເງິນ ​ແລະ ​ເລື່ອງ​ກົດໝາຍ​ກໍ​ມີ​ຫລາຍ​ສະບັບ​ໄດ້​ຮັບ​ການ​ປັບປຸງ ​ແລະ ສ້າງ​ຂຶ້ນມາ​ໃໝ່. ​ມັນ​ເປັນ​ເລື່ອງ​ທີ່​ປະຕິ​ເສດ​ບໍ່​ໄດ້ ​ເມື່ອ​ໃດ​ບ້ານ​ເມືອງ​ເຮົາ​ມີ​ການ​ສ້າງສາ​ພັດທະນາ, ມີ​ຄວາມ​ຈະ​ເລີ​ນຮຸ່ງ​ເຮືອງ​ໄປ​ຫລາຍ​ເທົ່າ​​ໃດ ກົດໝາຍ​ກໍ​ຍິ່ງ​ມີ​ຄວາມ​ສັກສິດ ​ແລະ ອຸດົມສົມບູນ​ຂຶ້ນຫລາຍ​ເທົ່າ​ນັ້ນ. ອັນ​​ພິ​ເສດ ​ເທົ່າ​ທີ່​ທິດ​ກໍ່າ​ໄດ້​ຕິດຕາມ​ເບິ່ງ​ໃນ​ໂທລະພາບ​ແມ່ນ​ບໍ່​ຄ່ອຍ​ເຫັນ​ຜູ້​ແທນ​ທ່ານ​ໃດ​ເຫງົານອນ ຫລື ຫລັບ​ຄາ​ຕັ່ງ. ​ແນວ​ໃດ​ກໍ​ຕາມ ​ເມື່ອ​ມາ​ສົມ​ທຽບ​ໃສ່​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 3 ກັບ​ເທື່ອ​ທີ 4 ມັນ​ກໍ​ມີ​ອັນ​ແຕກ​ຕ່າງ​ກັນ​ຫລາຍ​ເຕີບ ​ເປັນຕົ້ນວ່າ​ໃນ​ຄັ້ງທີ 3 ​ແມ່ນ​ໄດ້​ເນັ້ນໜັກ​ໄປ​ໃນ​ດ້ານ​ການວາງ​ນະ​ໂຍບາຍ​ວຽກ​ຈຸດ​ສຸມ​ໃຫຍ່ໆ​ທີ່​ຈຳ​ເປັນ​ຕ້ອງ​ແກ້​ໄຂ​ດ່ວນ ​ໂດຍ​ສະ​ເພາະ​ກ່ຽວ​ກັບ​ການຈັດຕັ້ງປະຕິບັດ​ແຜນ​ວຽກ​ຈຸດ​ສຸມ​ໃນ​ໄລຍະ 6 ​ເດືອນ​ຜ່ານ​ມາ ​ແລະ ທິດ​ທາງ​ແຜນການ​ໃນ​ຕໍ່​ໜ້າ​ຂອງ​ລັດຖະບານ ​ເຊິ່ງສະ​ເໜີ​ໂດຍ​ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ (25 ​ເມສາ 2017) ​ໄດ້​ສັງ​ລວມ​ເອົາ 13 ໜ້າ​ວຽກ​ທີ່​ລັດຖະບານ​ໄດ້​ເຮັດ​ມາສະ​ເໜີ​ຕໍ່​ກອງ​ປະຊຸມ​ສະພາ. ​ໄດ້​ຍົກ​ໃຫ້​ເຫັນ​ເຖິງ 11 ບັນຫາ​ທີ່​ຍັງ​ຄົງ​ຄ້າງ ​ເຊິ່ງລັດຖະບານ​ຈະ​ຕ້ອງ​ໄດ້​ສືບ​ຕໍ່​ສະ​ເໜີ​ຕໍ່​ກອງ​ປະຊຸມ​ສະພາ. ​ໄດ້​ຍົກ​ໃຫ້​ເຫັນ​ເຖິງ 11 ບັນຫາ​ທີ່​ຍັງ​ຄ້າງ​ຄາ ​ເຊິ່ງລັດຖະບານ​ຈະ​ຕ້ອງ​ໄດ້​ສືບ​ຕໍ່​ແກ້​ໄຂ, ສ່ວນ​ກ່ຽວ​ກັບ​ທິດ​ທາງ​ແຜນການ​ໃນ​ຕໍ່ໜ້າ​ນັ້ນ​ແມ່ນ​ຈະ​ສືບ​ຕໍ່​ສຸມ​ໃສ່ 14 ໜ້າ​ວຽກ​ຈຸດ​ສຸມ​ຕົ້ນຕໍ​ທີ່​ລັດຖະບານ​ຈະ​ຕ້ອງ​ໄດ້​ເຮັດ ​ແລະ ສືບ​ຕໍ່​ຜັນ​ຂະຫຍາຍ​ໃຫ້​ມີ​ຜົນສຳ​ເລັດ.

ສ່ວນວ່າ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 4 ຂອງ​ສະພາ​ແຫ່ງ​ຊາດ​ຊຸດ​ທີ 8 ນີ້​ເຫັນ​ວ່າ​ລັດຖະບານ​ເຮົາ​ໄດ້​ສຸມ​ໃສ່​ແກ້​ໄຂ​ສິ່ງ​ທີ່​ຄ້າງ​ຄາ, ຜົນ​ກະທົບ​ຂອງ​ບັນຫາ​ຕ່າງໆ​ທີ່​ພົ້ນ​ເດັ່ນ ​ເຊິ່ງ​ໄດ້​ແກ່ຍາວ ​ແລະ ຊ້ຳ​ເຮື້ອມາ​ຫລາຍ​ປີ ​ເປັນຕົ້ນ​ແມ່ນ​ເວົ້າ​ເຖິງ​ການ​ບໍລິຫານ​ລັດ, ​ບັນຫາ​ການ​ຊຸກຍູ້​ເສດຖະກິດ​ໃຫ້​ຂະຫຍາຍຕົວ​​ຕໍ່​ເນື່ອງ, ​ແກ້​ໄຂ​ບັນຫາ​ຄຸ້ມ​ຄອງ​ທີ່​ດິນ, ບັນຫາ​ເສັ້ນທາງ​ມູນ​ຄ່າ​ສູງ​ຄຸນ​ນະພາ​ບຕໍ່າ, ​ໂກ​ຕ້າ​ລັດຖະກອນ 3.000 ຄົນ, ແກ້​ໄຂ​ບັນຫາ​ກົງຈັກ​ຄຸ້ມ​ຄອງ​ວຽກ​ງານ​ພັດທະນາ​ຊົນນະບົດ ​ແລະ ລຶບລ້າງ​ຄວາມທຸກ​ຍາກ​ຂັ້ນສູນ​ກາງ ​ແລະ ທ້ອງ​ຖິ່ນ, ​ໂຄງການ​ນອກ​ແຜນ, ​ການ​ສົ່ງ​ເສີມ​ການ​ລົງທຶນ, ​ການ​ແກ້​ໄຂ​ຜົນ​ການ​ກວດກາ ​ແລະ ການຈັດຕັ້ງ​ແຜນ​ງົບປະມານ​ແຫ່ງ​ລັດ.

ສະນັ້ນ, ຈຶ່ງ​ເຫັນ​ໄດ້​ວ່າ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 3 ​ແມ່ນ​ສຸມ​ໃສ່​ວາງ​ຍຸດ​ທະ​ສາດ​ແຕ່ລະ​ໜ້າ​ວຽກ, ສ່ວນວ່າ​ຄັ້ງທີ 4 ​ແມ່ນ​ສຸມ​ໃສ່​ດຳ​ເນີນ​ມາດ​ຕະການ​ແກ້​ໄຂ​ຕໍ່​ຜົນ​ກະທົບ​ທາງ​ລົບ​ທີ່​​ຊ້ຳ​ເຮື້ອ​ແກ່ຍາວ​ມາ​ນານ​ຕໍ່​ປະ​ເທດ​ຊາດ​ບ້ານ​ເມືອງ​ດັ່ງ​ທ່ານ​ນາຍົກລັດຖະມົນຕີ​ເຮົາ​ໄດ້​ຕອບ​ຄຳ​ຊັກ​ຖາມ​ໃນ​ຈຳນວນ 9 ຂໍ້​ຂອງ​ຜູ້​ແທນ​ໃນ​ກອງ​ປະຊຸມ​ສະພາ​ທີ່​ຜ່ານ​ມາ.

- Wave100S AD to Website 2020 0 - ຄວາມຫວັງຂໍຝາກໄວ້ກັບຜູ້ແທນ

​ເຖິງ​ຢ່າງ​ໃດ​ກໍ​ດີ, ທຸກ​ສິ່ງ​ຢ່າງ​ຂອງ​ບັນຫາ​ທີ່​ໄດ້​ນຳ​ເອົາ​ມາສະ​ເໜີ, ປຶກສາ​ຫາລື ​ແລະ ​ໄດ້​ຕົກລົງ​ໃນ​ສະພາ​ຈະ​ກາຍ​ເປັນ​ຫລັກ​ປັດ​ຊະ​ຍາ​ທີ່​ສຳຄັນ​ກ້າວ​ໄປ​ເຖິງ​ຂອດ​ປະຕິບັດ​ໃຫ້​ເປັນ​ຮູບ​ປະ​ທຳນັ້ນກໍ​ແມ່ນ​ຂຶ້ນຢູ່​ກັບ​ທຸກ​ຄົນ​ໃນ​ຊາດ, ​ແຕ່​ອັນ​ສຳຄັນ​ຜູ້​ທີ່​ຈະ​ເປັນ​ບ່ອນ​ອີງ ​ແລະ ​ເສົາຄ້ຳອັນ​ແໜ້ນ​​ແກ່ນ​ນັ້ນກໍ​ແມ່ນ​ຜູ້​ເປັນ​ພະນັກງານ​ຫລັກ​ແຫ​ລ່ງ​ແກນ​ນຳ​ຢູ່​ແຕ່ລະ​ຂັ້ນ ນັບ​ແຕ່​ຂັ້ນສູນ​ກາງ​ລົງ​ຮອດ​ທ້ອງ​ຖິ່ນ, ​ແຕ່​ທີ່​ສຳຄັນ​ແມ່ນ​ນັບ​ທັງ​ຜູ້​ແທນ​ປະຊາຊົນ​ໃນ​ແຕ່ລະ​ເຂດ​ຈະ​ຕ້ອງ​ໄດ້​ພ້ອມ​ກັນ​ນຳ​ໜ້າ​ພາ​ທາງ ​ແລະ ​ເປັນ​ເຈົ້າການ​ຈຶ່ງ​ຈະ​ເຮັດ​ໃຫ້​ມະຕິ​ຄັ້ງທີ 10 ຂອງ​ພັກ, ​ແຜນ​ພັດທະນາ​ເສດຖະກິດ-ສັງຄົມ 5 ປີ​ແຫ່ງ​ລັດ​ສຳ​ເລັດ​ຜົນ​ຕາມ​ຄວາມ​ຄາດ​ຫວັງ​ທີ່​ຕັ້ງ​ໃຈ.

- WhatsApp Image 2020 05 27 at 5 - ຄວາມຫວັງຂໍຝາກໄວ້ກັບຜູ້ແທນ
- WhatsApp Image 2020 05 27 at 5 - ຄວາມຫວັງຂໍຝາກໄວ້ກັບຜູ້ແທນ
- WhatsApp Image 2020 05 27 at 5 - ຄວາມຫວັງຂໍຝາກໄວ້ກັບຜູ້ແທນ
- WhatsApp Image 2020 05 27 at 5 - ຄວາມຫວັງຂໍຝາກໄວ້ກັບຜູ້ແທນ
error: Alert: Content is protected !!