ເຄື່ອງພິມໂລຫະແບບ 3 ມິຕິ ທີ່ສາມາດພິມຊິ້ນສ່ວນເຮືອບິນໄດ້

- Untitled design - ເຄື່ອງພິມໂລຫະແບບ 3 ມິຕິ ທີ່ສາມາດພິມຊິ້ນສ່ວນເຮືອບິນໄດ້

GE ເປີດຕົວເຄື່ອງພິມໂລຫະ 3 ມິຕິ ​ເຊິ່ງມີຄວາມເໝາະສົມຫຼາຍທີ່ຈະນໍາໄປໃຊ້ໃນການຜະລິດຊິ້ນສ່ວນເຮືອບິນ ໃນງານຈັດສະແດງຜົນງານທີ່ປະເທດເຢຍລະມັນ ໂດຍທີມງານໄດ້ຈັດສະແດງເຄື່ອງຈັກທີ່ຍັງບໍ່ມີຊື່ເຄື່ອງນີ້ ແລະ ສາທິດໃຫ້ເຫັນເຖິງການພິມຊິ້ນສ່ວນຂະໜາດເສັ້ນຜ່າສູນກາງ 1 ແມັດ ຈາກໄຟລ໌ຄອມພິວເຕີໂດຍກົງ.

ເຄື່ອງພິມທີ່ວ່ານີ້ ຈະ​ເຮັດ​ວຽກໂດຍການຄ່ອຍໆຫລອມຜົງໂລຫະໃຫ້ລວມກັນເປັນຊັ້ນໆ ດ້ວຍພະລັງເລເຊີກໍາລັງ 1 ກິໂລວັດ ແລະ ເຄື່ອງມັນຍັງອອກແບບໃຫ້ເພີ່ມຈໍານວນຫົວເລເຊີ ເພື່ອເພີ່ມກໍາລັງໃນການພິມໄດ້ນຳອີກ.

Mohammad Ehteshami ໜຶ່ງໃນທີມຜູ້ຜະລິດໄດ້ລະບຸວ່າ ເຄື່ອງນີ້ສາມາດພິມຊິ້ນສ່ວນເຄື່ອງຍົນໄອພົ່ນໄດ້. ນອກຈາກນີ້ ຍັງສາມາດໃຊ້ໄດ້ທັງໃນອຸດສາຫະກໍາຍານຍົນພະລັງງານ ແລະ ອະວະກາດ

ແນວໃດກໍຕາມ ເຄື່ອງພິມໂລຫະ 3 ມິຕິທີ່ວ່ານີ້ກໍຍັງຢູ່ໃນລະຫວ່າງການພັດທະນາ ໂດຍມີແຜນຈະເຮັດໃຫ້ສາມາດນໍາໄປໃຊ້ໄດ້ກັບທຸລະກິດທີ່ຫຼາກຫຼາຍຂອງ GE ເຊັ່ນໃນຕອນນີ້ທີ່ທາງ GE Aviation ກໍາລັງດໍາເນີນການສ້າງ Advanced Turboprop ຕົວເອນຈິ້ນຍອດນິຍົມທີ່ໃຊ້ໃນເຮືອບິນ ​ເຊິ່ງຜະລິດຈາກຊິ້ນສ່ວນ  3D ດ້ວຍເຕັກໂນໂລຊີໃນການພິມນີ້ ມັນສາມາດຫຼຸດຈໍານວນຊິ້ນສ່ວນການຜະລິດຈາກ 855 ຊິ້ນ ໃຫ້ເຫຼືອພຽງ 12 ຊິ້ນເທົ່ານັ້ນ ແລະ Ehteshami ຍັງໄດ້ກ່າວເອົາໄວ້ວ່າ ເຄື່ອງພິມນີ້ຄືຄວາມຝັນຂອງບັນດາວິສະວະກອນ.

- Wave100S AD to Website 2020 0 - ເຄື່ອງພິມໂລຫະແບບ 3 ມິຕິ ທີ່ສາມາດພິມຊິ້ນສ່ວນເຮືອບິນໄດ້

 

 

- WhatsApp Image 2020 05 27 at 5 - ເຄື່ອງພິມໂລຫະແບບ 3 ມິຕິ ທີ່ສາມາດພິມຊິ້ນສ່ວນເຮືອບິນໄດ້
- WhatsApp Image 2020 05 27 at 5 - ເຄື່ອງພິມໂລຫະແບບ 3 ມິຕິ ທີ່ສາມາດພິມຊິ້ນສ່ວນເຮືອບິນໄດ້
error: Alert: ເນື້ອຫາຂ່າວມີລິຂະສິດ !!