ແຕ່ງຕັ້ງ ທ່ານ ພອນແກ້ວ ຂຸນພົນ ເປັນເຈົ້າເມືອງວັງວຽງ ຜູ້ໃໝ່

ວັນທີ 18 ທັນວາ 2024 ນີ້, ເມືອງວັງວຽງ ເເຂວງວຽງຈັນ ໄດ້ຈັດພິທີມອບ-ຮັບ ໜ້າທີ່ ເຈົ້າເມືອງໆວັງວຽງ ລະຫວ່າງ ທ່ານ ບຸນຈັນ ມາລາວົງ ເຈົ້າເມືອງໆວັງວຽງ (ຜູ້ເກົ່າ) ກັບ ທ່ານ ພອນແກ້ວ ຂຸນພົນ ເຈົ້າເມືອງວັງວຽງ ( ຜູ້ໃໝ່ ) ໂດຍການເປັນປະທານຂອງທ່ານ ຄຳພັນ ສິດທິດຳພາ ເຈົ້າແຂວງວຽງຈັນ ແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານ ຄໍາພັນ ສິດທິ ດໍາພາ ເຈົ້າແຂວງວຽງຈັນ ໄດ້ຮຽກຮ້ອງໃຫ້ ເຈົ້າເມືອງວັງວຽງ ຜູ້ໃໝ່ ຕ້ອງມີວິໄສທັດໃນການເບິ່ງບັນຫາ ເພີ່ມທະວີຄວາມສາມັກຄີເປັນເອກະພາບ ໃນການນຳພາໝູ່ຄະນະ ເສີມຂະ ຫຍາຍຈຸດດີ, ແກ້ໄຂຈຸດອ່ອນ ໃນການຄຸ້ມຄອງລັດ, ຄຸ້ມຄອງເສດຖະກິດສັງຄົມ ປັບປຸງແບບແຜນນຳພາ, ແບບແຜນດຳລົງຊີວິດ, ເປັນແບບຢ່າງແກ່ມະຫາຊົນ ສ້າງໄດ້ຄວາມເຊື່ອໝັ້ນ ແລະ ເສີມຂະຫຍາຍມູນເຊື້ອທີ່ດີຂອງເມືອງ ເພື່ອນຳພາ ແລະ ປຸກລະດົມກຳລັງແຮງຂອງສັງຄົມ ພ້ອມກັນສ້າງສາພັດທະນາເມືອງວັງວຽງ ໃຫ້ເດີນໄປຂ້າງໜ້າ ດ້ວຍບາດກ້າວທີ່ໜັກແໜ້ນ.

ທີ່ມາ: ວຽງຈັນໂພສ