ທ່ານ ອັດຊາດ ພົບທ່ານ ປູຕິນ ຄັ້ງທຳອິດ ໃນຮອບ 2 ປີ ເຈລະຈາສັນຕິພາບຊີຣີ

- 5a13d5d9fc7e9304188b4569 - ທ່ານ ອັດຊາດ ພົບທ່ານ ປູຕິນ ຄັ້ງທຳອິດ ໃນຮອບ 2 ປີ ເຈລະຈາສັນຕິພາບຊີຣີ
- AGL banner - ທ່ານ ອັດຊາດ ພົບທ່ານ ປູຕິນ ຄັ້ງທຳອິດ ໃນຮອບ 2 ປີ ເຈລະຈາສັນຕິພາບຊີຣີ

ປະທານາທິບໍດີ​ຊີຣີພົບ​ກັບ​ປະທານາທິບໍດີຣັດ​ເຊຍ​ເປັນ​ເທື່ອ​ທຳ​ອິດ​ນັບ​ແຕ່​ປີ 2015 ​ເພື່ອ​ຫາລື​ກ່ຽວ​ກັບ​ແຜນ​ຍຸດ​ທະ​ສາດຕາ​ມ​ແນວທາງ​ການ​ທູດ ​ເພື່ອ​ຫລຸດຜ່ອນ​ສົງຄາມ​ກາງ​ເມືອງ​ທີ່​ຍືດ​ເຍື້ອມາກ​ວ່າ 6 ປີ.

- 399069 - ທ່ານ ອັດຊາດ ພົບທ່ານ ປູຕິນ ຄັ້ງທຳອິດ ໃນຮອບ 2 ປີ ເຈລະຈາສັນຕິພາບຊີຣີ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມົດ​ສະ​ກູ ປະ​ເທດຣັດ​ເຊຍ ​ໃນ​ວັນ​ທີ 21 ພະຈິກ​ວ່າ: ທຳນຽບ​​​ແກຣມລິນອອກ​ຖະ​ແຫລ​ງການ​ວ່າ: ປະທານາທິບໍດີ ວະ​ລາ​ດິ​ເມຍ ປູ​ຕິນ ​ໃຫ້ການ​ຕ້ອນຮັບ​ປະທານາທິບໍດີ ບາ​ຊາ ອານ ອັດ​ຊາດ ຢູ່​ລີ​ສອດ​ແຫ່ງ​ໜຶ່ງ​ໃນ​ເມືອງ​ໂຊ​ຊິ ​ເຊິ່ງຕັ້ງຢູ່​​ແຄມ​ທະ​ເລ​ດຳ ​ໃນ​ວັນ​ທີ 20 ພະຈິກ ​ໂດຍ​ຜູ້ນຳຣັດ​ເຊຍ ​ແລະ ຜູ້ນຳ​ຊີຣີ​ໃຊ້​ເວລາ​ສົນທະນາ​ກັນ​ປະມານ 4 ຊົ່ວ​ໂມງ ​ເຊິ່ງຫົວ​ຂໍ້​ສຳຄັນ​ລວມ​ເຖິງ​ສະຖານະ​ການ​ການ​ສູ້​ຮົບ​ຕໍ່ຕ້ານ​ກຸ່ມ​ກໍ່​ການ​ຮ້າຍ ທີ່​ຜູ້ນຳຣັດ​ເຊຍ​ກ່າວ​ຍ້ອງຍໍ​ຄວາມ​ຄືບ​ໜ້າ​ຂອງ​ລັດຖະບານດາ​ມັດ​ກັດ ​ແລະ ພັນທະ​ມິດ ​ໃນ​ການ​ປາບ​ປາມ​ຜູ້​ຮຸກ​ຮານ ​ແລະ ​ເຫັນ​ພ້ອມ​ວ່າ​ສະຖານະ​ການ​ໃນ​ຕອນ​ນີ້​ປ່ຽນ​ຈາກ​ມຸ່ງ​ເນັ້ນປະຕິບັດ​ການ​ທາງ​ທະຫານ ມາ​ເປັນ​ການ​ໃຫ້​ຄວາມ​ສຳຄັນ​ຕໍ່​ການ​ສ້າງສັນ​ຕິ​ພາບ​ຕາມ​ຂະ​ບວນການ​ທາງ​ການ​ທູດ​ຫລາຍ​ຂຶ້ນ.

​ເຖິງ​ຢ່າງ​ໃດ​ກໍ​ຕາມ, ຖະ​ແຫລ​ງການ​ຂອງ​ທຳນຽບ​ແກຣມລິນ​ລະບຸ​ອີກ​ວ່າ: ຜູ້ນຳຣັດ​ເຊຍ​ມີ​ກຳນົດ​ຫາລື​ທາງ​ໂທລະສັບ​ກັບ​ປະທານາທິບໍດີ ​ໂດ​ນັນ ທຣຳ ຜູ້ນຳ​ອາ​ເມ​ລິ​ກາ, ປະມຸກ ​ແລະ ຜູ້ນຳ​ລັດຖະບານ​ຢູ່​ຕາ​ເວັນ​ອອກ​ກາງ​ອີ​ກຫລາຍ​ປະ​ເທດ, ຫລັງ​ການ​ພົບ​ປະ​ຫາລື​ກັບ​ຜູ້​ນຳ​ຊີຣີ​ໃນ​ຄັ້ງນີ້ ​ເຊິ່ງ​ເກີດ​ຂຶ້ນພຽງ 1 ອາທິດ​ກ່ອນ​ການ​ເຈລະຈາ​ສັນຕິພາບ​ຊີຣີຮອບ​ໃໝ່ ທີ່​ສະຫະ​ປະຊາ​ຊາດ (UN) ຈະ​ເປັນ​ເຈົ້າພາບ ຢູ່​ນະຄອນ​ເຈ​ນີວາ ​ປະ​ເທດ​ສະ​ວິດ ​ໃນ​ວັນ​ທີ 28 ພະຈິກ​ນີ້ ​ແລະ ກ່ອນ​ໜ້ານັ້ນ, ທ່ານ ປູ​ຕິນ ຈະ​ພົບ​ປະ​ຫາລື​ໄຕ​ພາຄີ​ກັບ​ປະທານາທິບໍດີ ຮັນ​ຊັນ ​ໂຣຮາ​ນີ ຜູ້ນຳ​ອີຣານ ​ແລະ ປະທານາທິບໍດີ ​ເຣ​ເຊ​ບ ​ເທ​ຍິບ ​ເອີ​ໂດ​ກັນ ຜູ້ນຳ​ຕວກກີ ຢູ່​ເມືອງ​ໂຊ​ຊິ ​ໃນ​ວັນ​ທີ 22 ພະຈິກ​ນີ້​ຕາມ​ເວລາ​ທ້ອງ​ຖິ່ນ.

- WhatsApp Image 2020 05 27 at 5 - ທ່ານ ອັດຊາດ ພົບທ່ານ ປູຕິນ ຄັ້ງທຳອິດ ໃນຮອບ 2 ປີ ເຈລະຈາສັນຕິພາບຊີຣີ
- WhatsApp Image 2020 05 27 at 5 - ທ່ານ ອັດຊາດ ພົບທ່ານ ປູຕິນ ຄັ້ງທຳອິດ ໃນຮອບ 2 ປີ ເຈລະຈາສັນຕິພາບຊີຣີ
- WhatsApp Image 2020 05 27 at 5 - ທ່ານ ອັດຊາດ ພົບທ່ານ ປູຕິນ ຄັ້ງທຳອິດ ໃນຮອບ 2 ປີ ເຈລະຈາສັນຕິພາບຊີຣີ
- WhatsApp Image 2020 05 27 at 5 - ທ່ານ ອັດຊາດ ພົບທ່ານ ປູຕິນ ຄັ້ງທຳອິດ ໃນຮອບ 2 ປີ ເຈລະຈາສັນຕິພາບຊີຣີ
error: Alert: Content is protected !!