ປະທານາທິບໍດີອີຣານປະກາດປິດສາກ IS

- 1511253733832 960x0 - ປະທານາທິບໍດີອີຣານປະກາດປິດສາກ IS
- AGL banner - ປະທານາທິບໍດີອີຣານປະກາດປິດສາກ IS

ປະທານາທິບໍດີ ຮຳ​ຊັນ ​ໂຣຮາ​ນີ ຂອງ​ອີຣານ ປະກາດ​ປິດ​ສາກ​ກຸ່ມ​ລັດ​ອິດສະ​ລາມ (IS) ລະຫວ່າງ​ການ​ກ່າວ​ປາ​ໄສ​ທີ່​ມີ​ການຖ່າຍ​ທອດ​ສົດ​ທາງ​ໂທລະພາບ​ຂອງ​ລັດ​ໃນ​ວັນ​ທີ 21 ພະຈິກ​ນີ້.

ປະທານາທິບໍດີ​ອີຣານປະກາດ​ດັ່ງກ່າວ ຂະນະ​ທີ່ ພົນ​ຕີ ກາສ​ເຊັມ ​ໂຊ​​ໄລ​ມາ​ນີ ຜູ້​ບັງຄັບ​ການ​ກອງ​ກຳລັງ​ກັດ ສັງກັດ​ກອງ​ກຳລັງ​ພິທັກ​ການ​ປະຕິວັດ​ອີຣານ ກໍ​ປະກາດ​ປິດ​ສາກ IS ​ເຊັ່ນ​ກັນ​ໃນ​ສານ​ທີ່​ສົ່ງ​ເຖິງ​ທ່ານ ຢາ​ຕໍ​ລາ ອາລີ ກາ​ເມ​ເນ​ອີ ຜູ້ນຳ​ສູງ​ສຸດ​ຂອງ​ປະ​ເທດ ​ໃນ​ວັນ​ທີ 21 ພະຈິກ ​ແລະ ມີ​ການ​ນຳ​ໄປ​ເຜີຍ​ແຜ່​ຕໍ່​ໃນ​ເວັບ​ໄຊ​ຂ່າວ​ຂອງ​ກອງ​ກຳລັງ​ພິທັກ​ການ​ປະຕິວັດ. ກອງ​ກຳລັງ​ກັດ​ມີໜ້າ​ທີ່​ປະຕິບັດ​ການ​ນອກ​ປະ​ເທດ ​ໄລຍະ​ຫລາຍ​ປີ​ມາ​ນີ້​ສື່​ອີຣານມັກ​ລົງ​ຮູບ ​ແລະ ຄລິບ ພົນ​ຕີ ​ໂຊ​ໄລ​ມານີ ຂະນະ​ຢູ່​ແນວ​ໜ້າ​ໃນ​ການ​ສູ້​ຮົບ​ກັບ IS ຢູ່​ຊີຣີ ​ແລະ ອີຣັກ. ຫລ້າ​ສຸດ​ໃນ​ອາທິດ​ຜ່ານ​ມາ​ຫາ​ກໍ​ລົງ​ຮູບ​ທ່ານ​ຢູ່​ເມືອງ​ອັດ​ບູ ກາ​ມັດ ທາງ​ຕາ​ເວັນ​ອອກ​ຂອງ​ຊີຣີ ​ເປ​ັນ​ເມືອງ​ທີ່​ທ່ານ​ອ້າງ​ວ່າ​ຍຶດຄືນ​ໄດ້​ຫລ້າ​ສຸດ​ຈາກ​ກຸ່ມ IS.

ຣອຍ​ເຕີ​ລະບຸ​ວ່າ: ກອງ​ກຳລັງ​ພິທັກ​ການ​ປະຕິວັດ​ອີຣານສົ່ງ​ກຳລັງ​ພົນ​ໄປ​ສູ້​ຮົບ​ເພື່ອ​ຊ່ວຍ​ເຫລືອ​ລັດຖະບານ​ ບາ​ຊາ ອານ​ອັດ​ຊາດ ຂອງ​ຊີຣີ ​ແລະ ລັດຖະບານ​ກາງ​ອີຣັກ ​ໂດຍ​ໄດ້​ສະຫລະ​ຊີບ​ທະຫານ​ໄປ​ແລ້ວ​ພັນ​ກວ່າ​ຄົນ ລວມທັງ​ນາຍ​ທະຫານ​ລະດັບ​ສູງ.

- Wave100S AD to Website 2020 0 - ປະທານາທິບໍດີອີຣານປະກາດປິດສາກ IS
- WhatsApp Image 2020 05 27 at 5 - ປະທານາທິບໍດີອີຣານປະກາດປິດສາກ IS
- WhatsApp Image 2020 05 27 at 5 - ປະທານາທິບໍດີອີຣານປະກາດປິດສາກ IS
- WhatsApp Image 2020 05 27 at 5 - ປະທານາທິບໍດີອີຣານປະກາດປິດສາກ IS
- WhatsApp Image 2020 05 27 at 5 - ປະທານາທິບໍດີອີຣານປະກາດປິດສາກ IS
error: Alert: Content is protected !!