ມອບ-ຮັບຫນ້າທີ່ເຈົ້າແຂວງອັດຕະປືຜູ້ໃຫມ່
ພິທີມອບ-ຮັບໜ້າທີ່ເຈົ້າ ແຂວງ ອັດຕະປື ລະຫວ່າງທ່ານ ນາມ ວິຍະເກດ ຜູ້ເກົ່າ ແລະ ທ່ານ ເລັດ ໄຊຍະພອນ ຜູ້ໃໝ່ ໄດ້ຈັດຂຶ້ນ ຢ່າງເປັນທາງການໃນຕອນບ່າຍ ວັນທີ 21 ພະຈິກນີ້ ທີ່ຫໍປະຊຸມ ໃຫຍ່ຂອງແຂວງ, ໂດຍການໃຫ້ ກຽດເຂົ້າຮ່ວມເປັນປະທານຂອງທ່ານ ພັນຄຳ ວິພາວັນ ກຳມະ ການກົມການເມືອງສູນກາງພັກ, ຜູ້ປະຈຳການຄະນະເລຂາທິການ ສູນກາງພັກ, ຮອງປະທານປະ ເທດ, ພ້ອມດ້ວຍບັນດາຄະນະ ນຳຈາກສູນກາງ ແລະ ອ້ອມ ຂ້າງແຂວງເຂົ້າຮ່ວມຢ່າງພ້ອມພຽງ.
ໃນພິທີທ່ານນາງ ບຸດສະດີ ທະນະເມືອງ ຫົວໜ້າກົມຄຸ້ມຄອງ ພະນັກງານຄະນະຈັດຕັ້ງສູນ ກາງພັກໄດ້ຂຶ້ນຜ່ານມະຕິຕົກລົງຂອງກົມການເມືອງ ສູນກາງພັກ ແລະ ຜ່ານລັດຖະດຳລັດຂອງນາ ຍົກລັດຖະມົນຕີວ່າດ້ວຍການຍົກຍ້າຍທ່ານ ນາມ ວິຍະເກດ ກຳມະ ການສູນກາງພັກ, ເລຂາພັກ ແຂວງ, ເຈົ້າ ແຂວງອັດຕະປືຜູ້ເກົ່າ ໄປຮັບໜ້າທີ່ໃໝ່່ຢູ່ສະພາວິທະ ຍາສາດສັງຄົມແຫ່ງຊາດ ແລະ ຕົກລົງແຕ່ງຕັ້ງທ່ານ ເລັດ ໄຊຍະ ພອນ ຮອງເລຂາພັກແຂວງ, ປະທານສະພາປະຊາຊົນແຂວງ ຂຶ້ນເປັນເລຂາພັກແຂວງ, ເຈົ້າ ແຂວງອັດຕະປືຜູ້ໃໝ່.
ໃນໂອກາດນີ້, ທ່ານ ພັນຄໍາ ວິພາວັນ ໄດ້ໃຫ້ກຽດໂອ້ລົມຊີ້ນຳ ໂດຍໄດ້ຍົກໃຫ້ເຫັນເຖິງຄວາມຈຳ ເປັນໃນການສັບຊ້ອນພະນັກງານ ການນຳຂັ້ນສູງໃນຄັ້ງນີ້, ບົນພື້ນ ຖານຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະ ໃໝ່, ພ້ອມທັງຮຽກຮ້ອງໃຫ້ເຈົ້າ ແຂວງຜູ້ໃໝ່ເພີ່ມທະວີຄວາມສາມັກຄີເປັນເອກະພາບໃນການນຳ ພາໝູ່ຄະນະ, ເສີມຂະຫຍາຍຈຸດ ດີ ແລະ ສືບຕໍ່ແກ້ໄຂຈຸດອ່ອນໃນ ການຄຸ້ມຄອງລັດ, ຄຸ້ມຄອງເສດ ຖະກິດ-ສັງຄົມ, ປັບປຸງແບບແຜນ ນໍາພາ, ແບບແຜນດຳລົງຊີວິດ, ເປັນແບບຢ່າງແກ່ມະຫາຊົນ, ສ້າງໄດ້ຄວາມເຊື່ອໝັ້ນ ແລະ ເສີມຂະຫຍາຍມູນເຊື້ອທີ່ດີຂອງ ແຂວງເພື່ອນຳພາ ແລະ ພ້ອມກັນ ສ້າງສາພັດທະນາແຂວງອັດຕະປືດ້ວຍບາດກ້າວທີ່ໜັກແໜ້ນ ເຂັ້ມແຂງ.
