4 ສິ່ງທີ່ຈະເກີດຂຶ້ນຜູ້ນຳໃຫ້ໃຈກັບວຽກ ແລະ ຜູ້ຮ່ວມວຽກ

ຕໍ່ໄປນີ້ແມ່ນ 4 ສິ່ງທີ່ຈະເກີດຂຶ້ນເມື່ອບັນດາຜູ້ນຳໃຫ້ໃຈກັບວຽກ ແລະ ຜູ້ຮ່ວມວຽກຢ່າງດຸ່ນດ່ຽງກັນ.

  1. ພວກເຂົາສະແດງຄວາມຄິດເຫັນໄດ້ຢ່າງບໍ່ມີບ່ອນຕິ : ການສະແດງຄວາມຄິດເຫັນຢ່າງສະຫລາດຫລັກແຫລມ ບໍ່ມີອັກຄະຕິ, ແຕ່ໃນຂະນະດຽວກັນກໍຍັງຄົງຮັກສານຳ້ໃຈ ແລະ ສ້າງແຮງບັນດານໃຈໃຫ້ຜູ້ອື່ນ ຖືເປັນຄວາມສາມາດຂອງຜູ້ນຳທີ່ມີໄຫວພິບດີເລີດ. ຜູ້ນຳທີ່ດີຈະຄຳນຶງເຖິງຄວາມຮູ້ສຶກນຶກຄິດຂອງລູກນ້ອງ ແລະ ຮູ້ວິທີສື່ສານເພື່ອໃຫ້ພວກເຂົາພັດທະນາຕົນເອງໄດ້.
  2. ພວກເຂົາຈັດທີມຜູ້ດຳເນີນງານໄດ້ຢ່າງເໝາະສົມ : ການວາງແຜນວຽກທີ່ດີນັ້ນ ອາໄສຄວາມໃສ່ໃຈຕໍ່ຜົນຮັບຢ່າງຮອບ ຄອບ ທ່ານຕ້ອງຄາດຄະເນອຸປະສັກທີ່ອາດເກີດຂຶ້ນ ຫາວິທີການດຳເນີນວຽກທີ່ເໝາະສົມ ລວມໄປເຖິງທີມຜູ້ດຳເນີນວຽກທີ່ຈະເຮັດໃຫ້ວຽກສຳເລັດລຸລ່ວງໄດ້, ມີຜູ້ນຳດີໆຫລວງຫລາຍທີ່ມີສັກກະຍະພາບໃນການວາງແຜນວຽກສູງ, ແຕ່ມີພຽງຜູ້ນຳທີ່ດີເລີດເທົ່ານັ້ນທີ່ຈະສາມາດລວບລວມຜູ້ຮ່ວມທີມທີ່ສົນໃຈ ແລະ ດຳເນີນການຕາມແຜນໄດ້ແທ້ໆ. ຜູ້ນຳທີ່ເຮັດວຽກດ້ວຍຄວາມໃສ່ໃຈທັງຜູ້ຮ່ວມວຽກ ແລະ ຜົນຮັບໄດ້ນັ້ນ ສາມາດສ້າງທີມທີ່ກົງຕາມອຸດົມຄະຕິ ທັງຍັງດຶງເອົາຈຸດແຂງ ແລະ ຈຸດອ່ອນຂອງສະມາຊິກໃນທີມມາໃຊ້ເພື່ອໃຫ້ເຮັດວຽກຮ່ວມກັນຢ່າງສຳເລັດລຸລ່ວງໄດ້.
  3. ພວກເຂົາແກ້ບັນຫາກັນເປັນທີມ : ບໍລິສັດທີ່ດີນັ້ນຄວນຕັ້ງຢູ່ເທິງພື້ນຖານຂອງລະບົບການຈ້າງງານທີ່ມີຄຸນນະພາບ ເພາະ ມັນຈະນຳໄປສູ່ການເຮັດວຽກທີ່ມີປະສິດທິພາບສູງ, ວັດທະນະທຳອົງກອນທີ່ເຂັ້ມແຂງ ແລະ ອັດຕາການຄົງຢູ່ (retention rate) ສູງ. ໃນສັງຄົມອົງກອນທີ່ມີທັງຄົນທີ່ເຮັດວຽກໄດ້ດີ, ແຕ່ບໍ່ສາມາດປັບໂຕເຂົ້າກັບຜູ້ຮ່ວມວຽກໄດ້ ແລະ ຄົນທີ່ເຂົ້າກັບຜູ້ຮ່ວມວຽກໄດ້ດີ ແຕ່ຊຳ້ພັດເຮັດວຽກບໍ່ມີຄຸນນພາບກໍມີ ຈຶ່ງຈຳເປັນຕ້ອງອາໄສຜູ້ນຳທີ່ມີສັກກະຍະພາບໃນການເລືອກຈ້າງພະນັກງານທີ່ທັງເກັ່ງ ແລະ ເຂົ້າກັບສັງຄົມໃນບໍລິສັດໄດ້ ເພື່ອສ້າງເສີມກຳລັງໃຈໃຫ້ພະນັກງານ ແລະ ພັດທະນາຜົນງານຂອງບໍລິສັດໃຫ້ດີຂຶ້ນ.
  4. ພວກເຂົາສ້າງຄວາມດຸ່ນດ່ຽງລະຫວ່າງການເຮັດວຽກ ແລະ ຄວາມຜ່ອນຄາຍ : ການຫາຫຍັງມ່ວນໆເຮັດບໍ່ແມ່ນເລື່ອງ ຍາກສຳລັບຫົວໜ້າຫລາຍໆຄົນ ແລະ ໂຊກຮ້າຍແດ່ທີ່ມັນອາດແລກມາດ້ວຍຜົນງານທີ່ບໍ່ໜ້າເພິງພໍໃຈ ຫົວໜ້າບາງຄົນກໍປ່ອຍສະ ບາຍຈົນເກີນໄປ, ໃນຂະນະດຽວກັນກໍມີຫົວໜ້າບາງຄົນທີ່ຈິງຈັງ ແລະ ເຄັ່ງຄັດເກີນໄປ ສະນັ້ນ ຈຶ່ງຕ້ອງອາໄສຜູ້ນຳທີ່ໃສ່ໃຈທັງຜົນຮັບ ແລະ ຜູ້ຮ່ວມວຽກ ຈຶ່ງຈະສາມາດຊຸກຍູ້ສ້າງແຮງກະຕຸ້ນໃຫ້ພະນັກງານສະແດງສັກກະຍະພາບອອກມາໄດ້ເຕັມທີ່ ແລະ ມີໂອກາດໄດ້ຜ່ອນຄາຍເພື່ອສະຫລອງໃຫ້ກັບຜົນສຳເລັດຈາກການເຮັດວຽກແດ່ ວິທີການນີ້ຈະຊ່ວຍໃຫ້ພະນັກງານບໍ່ເມື່ອຍຈົນເກີນໄປ, ສ້າງວັດທະນະທຳທີ່ດີໃນອົງກອນ ແລະ ຍັງນຳໄປສູ່ຜົນຮັບທີ່ໜ້າພໍໃຈນຳອີກ.

ຄວາມເປັນຜູ້ນຳກໍໍຄືອີກຫລາຍສິ່ງຫລາຍຢ່າງໃນຊີວິດຄົນເຮົາ ຄືຕ້ອງອາໄສຄວາມດຸ່ນດ່ຽງ ທ່ານບໍ່ສາມາດປະສົບຄວາມສຳເລັດໄດ້ ຫາກບໍ່ໃຫ້ຄວາມສຳຄັນກັບພະນັກງານຂອງໂຕເອງ ແລະ ພວກເຂົາກໍບໍ່ສາມາດເຮັດວຽກສຳເລັດໄດ້ຄືກັນ ຖ້າຫາກທ່ານບໍ່ໃຫ້ຄວາມສຳຄັນກັບຜົນຮັບທີ່ຈະຕາມມາ.

  • 1093 Posts
  • 0 Comments
iLike/LPN/20
error: Alert: Content is protected !!