ຄົນເຢຍລະມັນພ້ອມເລືອກຕັ້ງໃໝ່ ຫລັງນາງ ແມເຄິລ ຕັ້ງລັດຖະບານບໍ່ໄດ້

- 2017 09 24t140439z 1162848571 rc19158cdb40 rtrmadp 3 germany election merkel votes - ຄົນເຢຍລະມັນພ້ອມເລືອກຕັ້ງໃໝ່ ຫລັງນາງ ແມເຄິລ ຕັ້ງລັດຖະບານບໍ່ໄດ້
- AGL banner - ຄົນເຢຍລະມັນພ້ອມເລືອກຕັ້ງໃໝ່ ຫລັງນາງ ແມເຄິລ ຕັ້ງລັດຖະບານບໍ່ໄດ້

ຜົນສຳ​ຫລວດຄວາມ​ຄິດ​ເຫັນ​ຂອງ​ຊາວ​ເຢຍລະ​ມັນ​ໃນ​ອາທິດ​ນີ້​ພົບ​ວ່າ: ​ເຄິ່ງໜຶ່ງ​ຕ້ອງການ​ໃຫ້​ມີ​ການ​ເລືອກ​ຕັ້ງຄັ້ງ​ໃໝ່, ພາຍຫລັງ​ນາຍົກລັດຖະມົນຕີ ອັງ​ເກ​ລາ ​ແມ​ເຄິລ ລົ້ມ​ເຫ​ລວ​ໃນ​ການ​ເຈລະ​ຈາຕັ້ງລັດຖະບານ​ປະສົມ​ຮ່ວມ​ກັບ​ພັກ​ນ້ອຍ​ອີກ 2 ພັກ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເບີ​ລິນ ປະ​ເທດ​ເຢຍລະ​ມັນ ​ໃນ​ວັນ​ທີ 22 ພະຈິກ​ວ່າ: ຜົນສຳ​ຫລວດ​ຄວາມ​ຄິດ​ເຫັນ​ປະຊາຊົນ ​ໂດຍ​ສຳນັກ​ວິ​ໄຈ “ອິນ​ຊາ” ສຳລັບ​ໜັງສືພິມ “ບິ​ລ” ​ເຊິ່ງ​ເປັນ​ສື່​ສິ່ງ​ພິມ​ລາຍ​ໃຫຍ່​ທີ່​ສຸດ​ຂອງ​ເຢຍລະ​ມັນ ພົບ​ວ່າ: 49,9% ຕ້ອງການ​ໃຫ້​ມີ​ການ​ເລືອກ​ຕັ້ງທົ່ວ​ໄປ​ຄັ້ງ​ໃໝ່ ພາຍຫລັງ​ພັກ​ສະຫະພາບ​ປະຊາທິປະ​ໄຕຄຣິສຕຽນ​ແຫ່ງ​ເຢຍລະ​ມັນ (CDU) ພາຍ​ໃຕ້​ການ​ນຳພາ​ຂອງ​ນາຍົກລັດຖະມົນຕີ ອັງ​ເກ​ລາ ​ແມ​ເຄິລ ​ເຊິ່ງຊະນະ​ການ​ເລືອກ​ຕັ້ງ​ໃນ​ວັນ​ທີ 24 ກັນຍາ​ຜ່ານ​ມາ ປະສົບ​ຄວາມ​ລົ້ມ​ເຫ​ລວ​ໃນ​ການ​ເຈລະຈາ​ຕັ້ງລັດຖະບານ​ຮ່ວມ​ກັບພັກ​ປະຊາທິປະ​ໄຕ​ເສລີ (FDP) ​ເຊິ່ງມີ​ຖານ​ສຽງ​ຫລັກ​ເປັນ​ຂະ​ແໜງ​ທຸລະ​ກິດ​ເອກະ​ຊົນ ​ແລະ ພັກ​ກຣີນ.

- Wave100S AD to Website 2020 0 - ຄົນເຢຍລະມັນພ້ອມເລືອກຕັ້ງໃໝ່ ຫລັງນາງ ແມເຄິລ ຕັ້ງລັດຖະບານບໍ່ໄດ້

ຂະນະ​ທີ່ 48,5% ຂອງ​ຜູ້​ຕອບ​ແບບ​ສອບ​ຖາມ​ເບິ່ງ​ວ່າ: ພັກ​ສັງຄົມ​ປະຊາທິປະ​ໄຕ (SPD) ​ເຊິ່ງ​ເປັນ​ພັກ​ການ​ເມືອງ​ອັນ​ດັບ 2 “ຕັດສິນ​ໃຈ​ຖືກ​ແລ້ວ” ທີ່​ປະຕິ​ເສດ​ການ​ຮ່ວມ​ລັດຖະບານ​ກັບ​ພັກ CDU ​ໃນ​ຄັ້ງນີ້, ​ເຖິງ​ວ່າ​ຍັງ​ມີ​ອີກ 18% ຕ້ອງການ​ໃຫ້​ພັກ SPD ຮ່ວມ​ລັດຖະບານ​ໃນ​ຖານະ “ລັດຖະບານ​ປະສົມ​ໃໝ່”. ນອກຈາກ​ນີ້ 28% ​ເບິ່ງ​ຄວາມ​ລົ້ມ​ເຫ​ລວຂອງ​ການ​ເຈລະຈາ​ຕັ້ງລັດຖະບານ​ປະສົມ​ລະຫວ່າງ​ພັກ CDU ກັບ​ພັກ FDP ​ແລະ ພັກ​ກຣີນ ວ່າ​ເປັນ “ຄວາມ​ຜິດ” ຂອງ​ທ່ານ ຄຣິສຕຽນ ລິນ​ເນີ ຫົວໜ້າ​ພັກ FDP ​ເຊິ່ງບໍ່​ສາມາດ​ບັນລຸ​ມະຕິ​ຕໍ່​ນະ​ໂຍບາຍ​ຜູ້​ອົບ​ພະຍົບຕາມ​ແນວທາງ​ຂອງ​ພັກ CDU ​ໄດ້, ​ແຕ່​ອີກ 27% ​ເບິ່ງ​ເປັນ “ຄວາມ​ຜິດ” ຂອງ​ນາງ ​ແມ​ເຄິລ.

- WhatsApp Image 2020 05 27 at 5 - ຄົນເຢຍລະມັນພ້ອມເລືອກຕັ້ງໃໝ່ ຫລັງນາງ ແມເຄິລ ຕັ້ງລັດຖະບານບໍ່ໄດ້
- WhatsApp Image 2020 05 27 at 5 - ຄົນເຢຍລະມັນພ້ອມເລືອກຕັ້ງໃໝ່ ຫລັງນາງ ແມເຄິລ ຕັ້ງລັດຖະບານບໍ່ໄດ້
- WhatsApp Image 2020 05 27 at 5 - ຄົນເຢຍລະມັນພ້ອມເລືອກຕັ້ງໃໝ່ ຫລັງນາງ ແມເຄິລ ຕັ້ງລັດຖະບານບໍ່ໄດ້
- WhatsApp Image 2020 05 27 at 5 - ຄົນເຢຍລະມັນພ້ອມເລືອກຕັ້ງໃໝ່ ຫລັງນາງ ແມເຄິລ ຕັ້ງລັດຖະບານບໍ່ໄດ້
error: Alert: Content is protected !!