ມາເລເຊຍຈະນຳເຂົ້າເປັດ-ໄກ່ ຈາກອິນໂດເນເຊຍ

- advert banner 728 90 728x90 - ມາເລເຊຍຈະນຳເຂົ້າເປັດ-ໄກ່ ຈາກອິນໂດເນເຊຍ

ທ່ານ ອາ​ເດ ຊູ​ລກາ​ເນນ ຫົວໜ້າ​ກົມ​ລ້ຽງສັດອິນ​ໂດ​ເນ​ເຊຍ ກ່າວ​ກັບ​ໜັງສືພິມ​ຈາ​ກາ​ຕາ​ໂພດ​ວ່າ: ມາ​ເລ​ເຊຍ​ມີ​ແຜນ​ນຳ​ເຂົ້າ​ໄກ່ ​ແລະ ​ເປັດ​ຈາກ​ອິນ​ໂດ​ເນ​ເຊຍ ພາຍຫລັງ​ຄະນະ​ຜູ້​ແທນ​ອິນ​ໂດ​ເນ​ເຊຍ​ຢ້ຽມຢາມ​ມາ​ເລ​ເຊຍ.

- new3 - ມາເລເຊຍຈະນຳເຂົ້າເປັດ-ໄກ່ ຈາກອິນໂດເນເຊຍ

ຄະນະ​ຜູ້​ແທນ​ການ​ຄ້າ​ກະຊວງ​ກະສິກຳອິນ​ໂດ​ເນ​ເຊຍ ​ເດີນທາງ​ຢ້ຽມຢາມ​ມາ​ເລ​ເຊຍ ​ໃນ​ວັນ​ທີ 21 ພະຈິກ ​ໂດຍ​ສະ​ເໜີ​ຂາຍ​ສັດລ້ຽງ​ເຊັ່ນ: ​ໄກ່ ​ແລະ ​ເປັດ​ຈາກ​ທຸລະ​ກິດ​ຟາ​ມຂະໜາດ​ນ້ອຍ ​ແລະ ຂະໜາດ​ກາງ​ອິນ​ໂດ​ເນ​ເຊຍ​ໃຫ້​ມາ​ເລ​ເຊຍ ​ເຊິ່ງລັດຖະບານ​ມາ​ເລ​ເຊຍ​ເຫັນ​ພ້ອມ​ຕາມ​ຂໍ້​ສະ​ເໜີ​ດັ່ງກ່າວ ​ໂດຍ​ຄາດ​ວ່າ​ຜູ້​ປະກອບ​ການ​ນຳ​ເຂົ້າພາກ​ເອກະ​ຊົນ​ຈະ​ເລີ່​ມຈັດ​ຊື້​ໄດ້​ໃນ​ໄຕ​ມາດ​ທຳ​ອິດ​ຂອງ​ປີໜ້າ. ຄະນະ​ຜູ້​ແທນ​ລັດຖະບານ​ມາ​ເລ​ເຊຍ​ຈະ​ໄດ້​ກວດ​ສອບ​ລະບົບ​ດ້ານ​ການ​ຈັດການ​ຟາ​ມ​ໄກ່ ​ແລະ ​ເປັດ ​ເພື່ອ​ໃຫ້​ໝັ້ນ​ໃຈ​ວ່າ​ດຳ​ເນີນ​ການ​ຕາມ​ລະບຽບການ​ຂະຫຍາຍ​ພັນ​ສັດ ​ແລະ ​ເປັນ​ໄປ​ຕາມ​ມາດຕະຖານ​ຂອງ​ອົງການ​ສຸຂະພາບ​ສັດ​ໂລກ. ຟາ​ມບາງ​ແຫ່ງ​ຢູ່​ແຂວງ​ຊະວາ​ຕາ​ເວັນ​ຕົກ​ໄດ້​ຮັບ​ການ​ຮັບຮອງ​ຈາກ​ລັດຖະບານ​ອິນ​ໂດ​ເນ​ເຊຍ​ວ່າ​ປອດ​ເຊື້ອ​ໄຂ້ຫວັດ​ສັດ​ປີກ.

error: Content is protected !!