ເມືອງແອດ ສຳເລັດການແຂ່ງຂັນກິລາ 2 ປະເພດ ຊີງຂັນເຈົ້າເມືອງ

- petangue - ເມືອງແອດ ສຳເລັດການແຂ່ງຂັນກິລາ 2 ປະເພດ ຊີງຂັນເຈົ້າເມືອງ
- AGL banner - ເມືອງແອດ ສຳເລັດການແຂ່ງຂັນກິລາ 2 ປະເພດ ຊີງຂັນເຈົ້າເມືອງ

ການແຂ່ງຂັນກິລາຊີງຂັນ ທ່ານເຈົ້າເມືອງ ເມືອງແອດ ເພື່ອສະເຫລີມສະຫລອງວັນສ້າງຕັ້ງເມືອງແອດຄົບຮອບ 20 ປີ (10 ຕຸລາ 1997 – 10 ຕຸລາ 2017) ໄດ້ເລີ່ມແຂ່ງຂັນແຕ່ວັນທີ 9 ຕຸລາ 2017 ເປັນຕົ້ນມາ ເຊິ່ງໄດ້ຈັດ 2 ປະເພດກິລາແຂ່ງຂັນຄື: ເປຕັງຊາຍ-ຍິງ (ທີມ 3 ຄົນ) ແລະ ບານເຕະ ຊາຍ-ຍິງ (11 ຄົນ), ໃນນັ້ນມີທີມນັກກິລາກິລາເປຕັງຍິງເຂົ້າຮ່ວມ 9 ທີມ, ເປຕັງຊາຍມີ 24 ທີມ, ບານເຕະຍິງມີ 5 ທີມ ແລະ ບານເຕະຊາຍ 16 ທີມ ມີນັກກິລາເຂົ້າຮ່ວມທັງໝົດ 450 ກວ່າຄົນ, ຍິງ 100 ກວ່າຄົນ, ການແຂ່ງຂັນດໍາເນີນມາຮອດວັນທີ 21 ພະຈິກ 2017 ຈຶ່ງໄດ້ສຳເລັດລົງຢ່າງເປັນທາງການ

ຜົນຂອງການແຂ່ງຂັນກິລາແຕ່ລະປະເພດໄດ້ຄື: ປະເພດກິລາເປຕັງຍິງ ລາງວັນຊະນະເລີດໄດ້ແກ່ ທີມ ຫ້ອງການສຶກສາທິການ ແລະ ກິລາ, ອັນດັບທີ 2 ໄດ້ແກ່ທີມ ຫ້ອງການການເງິນ, ອັນດັບທີ 3 ຕົກເປັນ ທີມ ປກສ ເມືອງ; ເປຕັງຊາຍລາງວັນຊະນະເລີດໄດ້ແກ່ທີມ ຫ້ອງການສຶກສາທິການ ແລະ ກິລາເມືອງ, ອັນດັບທີ 2 ໄດ້ແກ່ທີມ ຫ້ອງການສຶກສາທິການ ແລະ ກິລາເມືອງ, ອັນດັບທີ 3 ໄດ້ແກ່ທີມ ກອງ 916 ປະຈໍາເຂດ ບ້ານເມືອງຊືມ, ອັນດັບທີ 4 ຕົກເປັນຫ້ອງວ່າການເມືອງ, ປະເພດບານເຕະຍິງ ລາງວັນຊະນະເລີດ ໄດ້ແກ່ທີມ ຫ້ອງການສຶກສາທິການ ແລະ ກິລາເມືອງ, ອັນດັບທີ 2 ໄດ້ແກ່ທີມ ມສ ເມືອງແອດ, ອັນດັບທີ 3 ໄດ້ແກ່ທີມ ປກສ ເມືອງ, ອັນດັບທີ 4 ຕົກເປັນຂອງທີມ ກຸ່ມວັດທະນະທຳ-ສັງຄົມ; ປະເພດບານເຕະຊາຍ ລາງວັນຊະນະເລີດ ໄດ້ແກ່ທີມ ມສ ຊຽງຄູນ, ອັນດັບທີ 2 ໄດ້ແກ່ທີມ ຊາວໜຸ່ມບ້ານເມືອງແອດ, ອັນດັບທີ 3 ໄດ້ແກ່ທີມ ກອງ 916 ປະຈຳເຂດ ບ້ານເມືອງຊືມ, ອັນດັບທີ 4 ຕົກເປັນຂອງທີມ ທະຫານຊາຍແດນ. ປະເພດກິລາບານເຕະຊາຍ-ຍິງ ຊະນະເລີດ ໄດ້ຮັບຂັນ 1 ໜ່ວຍ ພ້ອມດ້ວຍເງິນສົດ 1.000.000 ກີບ, ອັນດັບທີ 2 ໄດ້ຮັບເງິນສົດ 800.000 ກີບ, ອັນດັບທີ 3 ໄດ້ຮັບເງິນສົດ 600.000 ກີບ ແລະ ອັນດັບທີ 4 ໄດ້ຮັບເງິນສົດ 400.000 ກີບ; ປະເພດກິລາເປຕັງຊາຍ-ຍິງ ຊະນະເລີດ ໄດ້ຮັບຂັນ 1 ໜ່ວຍ ພ້ອມດ້ວຍເງິນສົດ 500.000 ກີບ, ອັນດັບທີ 2 ໄດ້ຮັບເງິນສົດ 300.000 ກີບ, ອັນດັບທີ 3 ໄດ້ຮັບເງິນສົດ 200.000 ກີບ ແລະ ອັນດັບທີ 4 ໄດ້ຮັບເງິນສົດ 100.000 ກີບ ໃຫ້ກຽດມອບຂັນ ແລະ ລາງວັນໂດຍທ່ານ ຕົງລີ ເຕັ່ງ ກຳມະການພັກແຂວງ, ເລຂາພັກເມືອງ, ເຈົ້າເມືອງເມືອງແອດ.

- Wave100S AD to Website 2020 0 - ເມືອງແອດ ສຳເລັດການແຂ່ງຂັນກິລາ 2 ປະເພດ ຊີງຂັນເຈົ້າເມືອງ
- WhatsApp Image 2020 05 27 at 5 - ເມືອງແອດ ສຳເລັດການແຂ່ງຂັນກິລາ 2 ປະເພດ ຊີງຂັນເຈົ້າເມືອງ
- WhatsApp Image 2020 05 27 at 5 - ເມືອງແອດ ສຳເລັດການແຂ່ງຂັນກິລາ 2 ປະເພດ ຊີງຂັນເຈົ້າເມືອງ
- WhatsApp Image 2020 05 27 at 5 - ເມືອງແອດ ສຳເລັດການແຂ່ງຂັນກິລາ 2 ປະເພດ ຊີງຂັນເຈົ້າເມືອງ
- WhatsApp Image 2020 05 27 at 5 - ເມືອງແອດ ສຳເລັດການແຂ່ງຂັນກິລາ 2 ປະເພດ ຊີງຂັນເຈົ້າເມືອງ
error: Alert: Content is protected !!