11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025

11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025 - 471661157 1142209867908270 4702007216804330639 n - 11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025
11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025 - kitchen vibe - 11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025

ວັນທີ 27 ທັນວາ 2024 ພັອ ຄໍາສອນ ສີດາວົງ ຫົວໜ້າກົມຕໍາຫລວດຈະລາຈອນ ກົມໃຫຍ່ຕໍາຫລວດ ກະຊວງ ປກສ ຜູ້ເຮັດໜ້າທີ່ຊີ້ນໍາມະຫາພາກຕາມສາຍຕັ້ງວິຊາສະເພາະໃຫ້ສໍາພາດຕໍ່ສື່ມວນຊົນວ່າ:  ເພື່ອເຮັດໃຫ້ການສະເຫຼີມສະຫຼອງສົ່ງທ້າຍປີເກົ່າ-ຕ້ອນຮັບປີໃໝ່ສາກົນ 2025 ໃຫ້ມີຄວາມເບີກບານມ່ວນຊື່ນ ແລະ ປາສະຈາກໄດ້ຜົນເສຍຫາຍທາງດ້ານຊີວິດ, ສຸຂະພາບ ແລະ ຊັບສິນ ທີ່ເກີດຈາກອຸບັດຕິເຫດຈະລາຈອນທາງບົກ, ກົມຕຳຫລວດຈະລາຈອນ ໄດ້ອອກຄຳແນະນຳເຖິງພະແນກຕຳຫລວດຈະລາຈອນທົ່ວປະເທດ ໃຫ້ເອົາໃຈໃສ່ຊີ້ນຳກຳລັງຂອງຕົນປະຕິບັດ ໜ້າທີ່ອຳນວຍຄວາມສະດວກໃຫ້ຜູ້ໃຊ້ລົດ-ໃຊ້ຖະໜົນ ແລະ ການກວດກາບັງຄັບໃຊ້ກົດໝາຍຕໍ່ຜູ້ທີ່ລະເມີດກົດຈະລາຈອນ ເພືີ່ອເປັນການປ້ອງກັນສະກັດກັ້ນບໍ່ໃຫ້ການເກີດອຸບັດຕິເຫດໃນໄລຍະການສົ່ງທ້າຍປີເກົ່າ 2024 ແລະ ຕ້ອນຮັບປີໝ່ ປີ 2025 ຢ່າງເຂັ້ມງວດ: 

1. ຜູ້ຂັບຂີ່ລົດຕ້ອງກຽມຄວາມພ້ອມ ດ້ານສຸຂະພາບຮ່າງກາຍ, ເອກະສານຂອງຜູ້ຂັບຂີ່ ແລະ ພາຫະນະ ໃຫ້ຄົບຊຸດຕາມລະບຽບການ ເຊັ່ນ: ໃບຂັບຂີ່, ໃບທະບຽນ, ໃບກວດກາເຕັກນິກ, ໃບຢັ້ງຢືນເສຍຄ່າຄຳນຽມທາງ, ປະກັນໄພ, ແລະ ໃບອະນຸຍາດດໍາເນີນທຸລະກິດ ສໍາລັບລົດຂົນສົ່ງສີນຄ້າ ແລະ ລົດໂດຍສານ.

11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025 - Visit Laos Visit SALANA BOUTIQUE HOTEL - 11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025
11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025 - Visit Laos Visit SALANA BOUTIQUE HOTEL - 11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025

2. ຜູ້ຂັບຂີ່ລົດຈັກ ຕ້ອງໃສ່ໝວກກັນກະທົບ ທັງຜູ້ຂັບ ແລະ ຜູ້ຊ້ອນທ້າຍ ເພື່ອຄວາມປອດໄພຂອງທ່ານ.

3. ຜູ້ຂັບຂີ່ລົດໃຫຍ່ ຕ້ອງຮັດສາຍແອວນິລະໄພ ເພື່ອຮັບປະກັນຄວາມປອດໄພໃຫ້ແກ່ຜູ້ຂັບຂີ່ ແລະ ຜູ້ໂດຍສານ.

4. ກ່ອນຈະນຳໃຊ້ພາຫະນະຕ້ອງກວດສະພາບເຕັກນິກ  ແລະ  ຄວາມພ້ອມຂອງພາຫະນະໃຫ້ມີຄວາມຮັບປະກັນເປັນຢ່າງດີ.

5. ລົດຂົນສົ່ງໂດຍສານທາງໄກ ຕ້ອງມີໂຊເຟີສຳຮອງທຸກຄັ້ງໃນເວລາເດີນທາງ.

6. ສະເພາະເສັ້ນທາງດ່ວນ , ການໃຊ້ຄວາມໄວສູງສຸດບໍ່ໃຫ້ເກີນ 120 km/ ຊົ່ວໂມງ ແລະ ຄວາມໄວຕໍ່າສຸດບໍ່ໃຫ້ຫຼຸດ 80 km/ຊົ່ວໂມງ.

7. ຜູ້ຂັບຂີ່ພາຫະນະຕ້ອງເຄົາລົບ ແລະ ປະຕິບັດຕາມກົດລະບຽບຈະລາຈອນ ຢ່າງເຂັ້ມງວດ, ກໍລະນີລະເມີດ ທາງເຈົ້າໜ້າທີ່ຈະນຳໃຊ້ມາດຕະການສຶກສາອົບຮົມ, ລະເມີດຫຼາຍມາດຕາແມ່ນຈະຂຽນໃບສັ່ງກັກເອກະສານທີ່ກ່ຽວຂ້ອງໄວ້ ( ຖ້າຫາກລະເມີດຮ້າຍແຮງມີຄວາມສ່ຽງທີ່ຈະພາໃຫ້ເກີດອຸບປະຕິເຫດ ເຈົ້າໜ້າທີ່ຈະໄດ້ກັກພາຫະນະໄວ້ຊົ່ວຄາວ ).

ສໍາລັບຂໍ້ຫ້າມສໍາລັບຜູ້ຂັບຂີ່ພາຫະນະຄື:

1. ຫ້າມຜູ້ຂັບຂີ່ພາຫະນະ ນໍາໃຊ້ໂທລະສັບ ໃນເວລາຂັບຂີ່ ຢ່າງເດັດຂາດ.

2. ຫ້າມຜູ້ຂັບຂີ່ດື່ມສິ່ງມຶນເມົາ ( ເມົາຫ້າມຂັບຂີ່ລົດ ) ຢ່າງເດັດຂາດ ຖ້າຫາກກວດກາພົບເຫັນ ເຈົ້າໜ້າທີ່ຕຳຫຼວດຈະລາຈອນຈະໄດ້ກັກໄວ້, ຊ່ວງເມົາແລ້ວຈື່ງອະນຸຍາດໃຫ້ໄປ ຫຼື ໃຫ້ຍາດພີ່ນ້ອງໝູ່ຄູ່ມາຮັບເອົາ ເພື່ອຮັບປະກັນຄວາມປອດໄພ.

3. ຫ້າມຂັບຂີ່ລົດໄວເກີນກົດໝາຍກຳນົດ ( ສຳລັບລົດຂົນສົ່ງໂດຍສານ ຫ້າມແລ່ນໄວເກີນ 80 Km/h ຕາມເສັ້ນທາງຫຼວງ ສະເພາະຢູ່ເຂດນອກເມືອງ )

4. ຫ້າມຜູ້ຂັບຂີ່ດັດແປງສະພາບເຕັກນິກຍານພາຫະນະໂດຍການຕິດຕັ້ງອຸປະກອນປະເພດໄຟສະປອດໄລ້ທີ່ມີຄວາມສະຫວ່າງສູງ (ສົ່ງຜົນກະທົບຕໍ່ຜູ້ຂັບຂີ່ທີ່ສັນຈອນຕາມເສັ້ນທາງໃນຍາມກາງຄືນ).

5. ຫ້າມຂັບຂີ່ພາຫະນະ ເປັນພືງເປັນແພ, ຊ່ວງຊີງກັນຕາມເສັ້ນທາງ ຢ່າງເດັດຂາດ.

6. ຫ້າມນຳໃຊ້ລົດກະບະ ບັນທຸກຄົນໂດຍສານໃສ່ກະບະ ຢ່າງເດັດຂາດ.

7. ຫ້າມນຳໃຊ້ລົດຂົນສົ່ງໂດຍສານ ບັນທຸກສີນຄ້າ ແລະ ບັນທຸກຜູ້ໂດຍສານເກີນກຳນົດ ແລະ ຊ່ວງຊີງເອົາຜູ້ໂດຍສານຢ່າງເດັດຂາດ.

8. ຫ້າມຜູ້ປົກຄອງປະປ່ອຍໃຫ້ເດັກນ້ອຍ ທີ່ອາຍຸບໍ່ເຖິງກະສຽນ ຂັບຂີ່ພາຫະນະຢ່າງເດັດຂາດ.

9. ຫ້າມຈອດລົດຕາມເສັ້ນທາງດ່ວນຢ່າງເດັດຂາດ ( ຍົກເວັ້ນກໍລະນີພາຫະນະເປ່ເພ ).

10. ທາງເຈົ້າໜ້າທີ່ຈະໄດ້ເພີ່ມມາດຕະການກວດກາ ຖ້າບຸກຄົນໃດລະເມີດ ຈະຖືກສຶກສາອົບຮົມ ແລະ ປັບໃໝຕາມລະບຽບກົດໝາຍ ຢ່າງເຂັ້ມງວດ.

11. ສ່ວນການສະເຫຼີມສະຫຼອງປີໃໝ່ ແມ່ນໃຫ້ຈັດຕັ້ງປະຕິບັດຕາມແຈ້ງການ ຂອງອໍານາດການປົກຄອງທ້ອງຖີ່ນ ຂອງຕົນໄດ້ກໍານົດໄວ້.

ຖ້າບຸກຄົນໃດທີ່ລະເມີດຕໍ່ດໍາລັດວ່າດ້ວຍກົດຈະລາຈອນທາງບົກ ຈະຖືກສຶກສາອົບຮົມ ແລະ ປັບໃໝຕາມລະບຽບກົດໝາຍ ຢ່າງເຂັ້ມງວດ.

ທ່ານຫົວໜ້າກົມຕໍາຫລວດຈະລາຈອນ ໃຫ້ຮູ້ວ່າ: ໃນປີ 2024 ທົ່ວປະເທດມີອຸບັດຕິເຫດເກີດຂຶ້ນທັງໝົດຈຳນວນ 6,100 ລາຍ, ພາຫະນະເປ່ເພ 10,818 ຄັນ, ຄົນໄດ້ຮັບບາດເຈັບ 9,261 ຄົນ, ເສຍຊີວິດ 837 ຄົນ, ສະເພາະໄລຍະປີໃໝ່ສາກົນ ຄສ 2024 ທີ່ຜ່ານມາ ມີອຸບັດຕິເຫດເກີດຂຶ້ນ ທັງໝົດ 148 ລາຍ, ພາຫະນະເປ່ເພ 269 ຄັນ, ຄົນໄດ້ຮັບບາດເຈັບ 227 ຄົນ, ຄົນເສຍຊີວິດ 21 ຄົນ ຍິງ 1 ຄົນ ເຊິ່ງສ້າງຜົນເສຍຫາຍທາງດ້ານສຸຂະພາບ, ຊີວິດ ແລະ ຊັບສິນຢ່າງມະຫາສານ.

ທີ່ມາ: ໜັງສືພິມປ້ອງກັນຄວາມສະຫງົບ

11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025 - 471677176 1141456267983630 5410290885210441092 n 2 - 11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025

11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025 - 5 - 11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025
11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025 - 3 - 11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025
11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025 - 4 - 11 ຂໍ້ຫ້າມ ສຳລັບຜູ້ຂັບຂີ່ລົດໃນໄລຍະສະຫລອງສົ່ງທ້າຍປີເກົ່າຕ້ອນຮັບປີໃຫມ່ສາກົນ 2025