ຄາດລາຄາສິນຄ້າ​ໃນໄລຍະປີໃໝ່ຈະຢູ່ໃນເກນປົກກະຕິດີ

- Untitled design - ຄາດລາຄາສິນຄ້າ​ໃນໄລຍະປີໃໝ່ຈະຢູ່ໃນເກນປົກກະຕິດີ

ຜ່ານການລົງຕິດຕາມສະພາບ​ລາຄາ​ສິນຄ້າ​ຢູ່ຕາມທ້ອງ​ຕະຫຼາ​ດ ໃນນະຄອນຫຼວງວຽງຈັນ ຂອງນັກຂ່າວພວກເຮົາເຊັ່ນ: ຕະຫຼາດໂພນສະຫວ່າງ,ສະພານທອງ,ຕະຫຼາດຂົວ ດິນ ແລະ ແຫ່ງອື່ນໆເຫັນວ່າ​ເຫັນ​ວ່າ​ລາຄາ​ສິນຄ້າ​ອຸປະ​ໂພ​ກ-ບໍລິໂພກທີ່​ຈຳ​ເປັນຫລາຍຢ່າງ ແມ່ນຢູ່ໃນ ເກນປົກກະຕິດີ​ເຊັນ: ຊີ້ນ​ງົວລາຄາຢູ່ໃນລະດັບເກົ່າ 70-75 ພັນກີບ/ກິໂລ, ຊີ້ນ​ໝູ 30-35 ພັນກີບ/ກິໂລ, ​ເປັ​ດ-​ໄກ່ 40-45 ພັນກີບ/ກິໂລ, ປາ​ນິນກະຊັງ 16-18 ພັນກີບ /ກິໂລ, ສ່ວນລາຄາພືດຜັກຕ່າງໆບາງຊະນິດມີລາຄາຫຼຸດລົງ ຫຼື ເພີ່ມຂື້ນ​ເລັກ​ໜ້ອຍພຽງປະມານ 1 – 2 ພັນ​ກີບ.ຕາມລະດູການຂອງມັນ​ເຊັ່ນ: ຜັກຫອມ, ໝາກເຜັດ, ໝາກນາວ ແລະ ອື່ນໆ, ຂະນະດຽວ​ກັນ​ກໍ​ສັງ​ເກດ​ເຫັນ​ວ່າມີຊາວ​ຄ້າຂາຍ​ຈຳນວນ​ຫຼາຍຕ່າງ​ກໍ​ໄດ້ກະກຽມ​ສິນຄ້າ​​ແຮ່ໄວ້​ຈຳໜ່າຍ​ໃນ​ໄລຍະ​ປີ​ໃໝ່,​ໂດຍ​ສະ​ເພາະ​ແມ່ນ​ສິນຄ້າ​​ໃຊ້​ສອຍ​ຕ່າງໆ ​ແລະ ຄາດ​ວ່າລາຄາ​ສິນ ຄ້າ​ບໍລິ​ໂພ​ກແມ່ນຢູ່ໃນເກນ​ປົກກະຕິ​ດີຕາມ​ກົນ​ໄກ​ຕະຫຼາ​ດ​,​ເນື່ອງ​ຈາກ​ປັດຈຸບັນພາກສ່ວນ​ກ່ຽວຂ້ອງ​ໄດ້ເອົາໃຈໃສ່ຕິດຕາມ,ກວດກາ ແລະ ຄວບຄຸມລາຄາສິນຄ້າຢ່າງ ເຂັ້ມງວດ,ທັງ​ຮັບປະກັນ​ການ​ຕອບ​ສະໜອງຄວາມຕ້ອງການຂອງຜູ້ບໍລິໂພກໄດ້ພຽງພໍ ແລະ ຮັບປະກັນບໍ່​ໃຫ້​ມີ​ບຸກຄົນ​ ລື ນິຕິບຸກຄົນ​ໃດ​ສວຍ​ໂອກາດ​ຂື້ນ​ລາຄາ​ສິນຄ້າ​ເພື່ອ​​ເກນ​ກຳ​ໄລ​ຢ່າງ​ເດັດຂາດ.

ດັ່ງ​ນັ້ນພາກສ່ວນກ່ຽວຂ້ອງກໍ​ຈະ​ຕ້ອງ​ໄດ້ສືບຕໍ່ຕິດຕາມ ແລະ ຄວບຄຸມລາຄາສິນຄ້າຢູ່ ຕາມ ທ້ອງຕະຫຼາດ​ໃຫ້ເຂັ້ມ​ງວດກວ່າ​ເກົ່າ,​ເພື່ອ​ຮັບປະກັນ​ໃຫ້ການ​ບໍລິ​ໂພ​ກຢູ່​ໃນ​ນະຄອນຫຼວງ​ວຽງ​ຈັນ​ມີ​ຄວາມ​ສະຫງົບ. ​

- Wave100S AD to Website 2020 0 - ຄາດລາຄາສິນຄ້າ​ໃນໄລຍະປີໃໝ່ຈະຢູ່ໃນເກນປົກກະຕິດີ
- WhatsApp Image 2020 05 27 at 5 - ຄາດລາຄາສິນຄ້າ​ໃນໄລຍະປີໃໝ່ຈະຢູ່ໃນເກນປົກກະຕິດີ
- WhatsApp Image 2020 05 27 at 5 - ຄາດລາຄາສິນຄ້າ​ໃນໄລຍະປີໃໝ່ຈະຢູ່ໃນເກນປົກກະຕິດີ
error: Alert: ເນື້ອຫາຂ່າວມີລິຂະສິດ !!