ເຈົ້າ​ຄອງ​​ເຕືອນໃຫ້​ສະຫລອງ​ປີ​ໃໝ່ດ້ວຍຈິດ​ໃຈຊື່​ນບານ

- Untitled design - ເຈົ້າ​ຄອງ​​ເຕືອນໃຫ້​ສະຫລອງ​ປີ​ໃໝ່ດ້ວຍຈິດ​ໃຈຊື່​ນບານ

​ເພື່ອ​ເຮັດ​ໃຫ້ການ​ສະ​ເຫລີ​ມສະຫລອງ​ປີ​ໃໝ່ລາວ ພສ 2560 ທີ່​ຈະ​ມາ​ໝູນ​ວຽນມາ​ບັນຈົບ​ຄົບຮອບ​ອີກ​ວາລະ​ໜຶ່ງດຳ​ເນີນ​ໄປ​ດ້ວຍບັນຍາກາດ​ເບີກບານ​ມ່ວນ​ຊື່ນ, ຮັກສາ​ໄດ້​ມູນ​ເຊື້ອ​ວັດທະນະທຳຮີດຄອງປະ​ເພນີ​ອັນ​ດີງາມ​ຂອງ​ຊາດ, ​ເສີມ​ສ້າງ​ຄວາມ​ສາມັກຄີໄມຕີ​ຈິດ​ມິດຕະພາບ​ຂອງ​ຊາວ​ນະຄອນຫລວງ​ກັບ​ແຂກ​​ບ້ານ​ແຂກເມືອງ, ຮັບ​ປະກັນ​ຄວາມ​ສະຫງົບ​​ປອດ​ໄພ, ​ເປັນ​ລະບຽບ​ຮຽບຮ້ອຍ​ໃນ​ສັງຄົມ ​ແລະ ຄວາມ​ສວຍ​ງາມ​ຂອງ​ເມືອງ​ຫລວງ​ໃຫ້​ດີ, ​ເຈົ້າ​ຄອງນະຄອນຫລວງ​ວຽງ​ຈັນຈຶ່ງອອກ​ຄຳ​ສັ່ງຄື​: ​ໃຫ້ພ້ອມ​ກັນປະຕິບັດ​ຕາມ​ແຈ້ງ​ການ​ຂອງລັດຖະບານ​ໃຫ້​ພັກ​ເວລາ 5 ມື້ແຕ່ວັນ​ທີ 13 ​ແລະ 17 ​ເມສາ, ສໍາລັບການສະ​ເຫລີ​ມສະຫລອງ​ແມ່ນ​ໃຫ້​ເນັ້ນ​ໃສ່​​ສົ່ງ​ເສີມ​ກິດ​ຈະ​ກຳທີ່​ເປັນ​ປະ​ເພນີ​ອັນ​ດີງາມ​ຄື: ຈັດ​ພິທີບາສີສູ່ຂວັນ​,​ຫົດ​ນ້ຳ​ອວຍ​ໄຊ​ໃຫ້​ພອນ​ຜູ້​ອາວຸ​ໂສ, ພໍ່​ແມ່, ຄູບາ​ອາ​ຈານ, ການ​ເຂົ້າ​ວັດ​ຫົດສົງ​ພະພຸດທະ​ຮູບ, ຕົບ​ພະທາດ​ຊາຍ ​ແລະ ກິດຈະກຳ​ປິ່ນ​ອ້ອມ​ອື່ນ​ໆ, ໃຫ້​ທຸກ​ພາກສ່ວນ ​ແລະ ທຸກ​ເພດ​ໄວສົ່ງ​ເສີມ, ​ເຜີຍ​ແຜ່​ວັດທະນະທຳ ​ແລະ ມາລະຍາດ​ທີ່​ດີງາມ​ຂອງ​ຊາດ​ລາວ​ໃນ​ການ​ຈັດ​ກິດຈະກຳ ​ແລະ ການ​ປະພຶດ​ຕ່າງໆ ​ໂດຍ​ສ່ອງ​ແສງ​ໃຫ້​ເຫັນ​ເຖິງ​ຄວາມ​ຮັກ, ຄວາມ​ກະຕັນຍູ​ຮູ້​ບຸນຄຸນ​ຜູ້​ອາວຸ​ໂສ, ຄວາມ​ສຸພາບ​ອ່ອນ​ໂຍນ, ຄວາມ​ມີ​ສະ​ເໜ່, ສະອາດບໍລິ​ສຸດ​ຜຸດ​ຜ່ອງ ​ແລະ ສີວິ​ໄລ, ຢັບຢັ້ງ​ສິ່ງ​ອັບປະມຸງຄຸນ​ບໍ່​​ໃຫ້​ເກີດ​ຂຶ້ນ​ເຊັ່ນ: ອັກຄີ​ໄພ, ສຽງ​ແຕກ, ຕົວະ​ຍົວະ, ອາ​ລະວາ​ດຕີ​ກັນ, ມືນ​ເມົາ ​ແລະ ອຸປະຕິ​ເຫດ​ຕ່າງໆ, ສຳລັບ​ເວລາ​ຫົດສົງ​ນ້ຳ​ແບບ​ມວນ​ຊົນ​​ໃຫ້ເລີ່​ມ​ແຕ່​ເວລາ 9:00-18:00 ​ໂມງ, ຫ້າມ​ເອົາ​ນ້ຳ​ສີ, ນ້ຳ​ເປື້ອນ, ນໍ້າກ້ອນດຶກ​ແກວ່ງໃສ່​ກັນ, ຫ້າມຕໍ່​ທໍ່​ນ້ຳ​ຫົດ​ຕາມ​ແຄມ​ທາງ, ຫ້າມ​ນຸ່ງ​ເຄື່ອງ​ໂປ້​ເປືອຍ​ເຂົ້າ​ວັດ, ຫ້າມ​ຂາຍ ​ແລະ ຈູດ​ໝາກ​ກາ​ໂພ​ກ ​ແລະ ວັດຖຸ​ອຸປະກອນ​ທີ່​ກໍ​ໃຫ້​ເກີດ​ສຽງ​ແຕກ​ທຸກ​ຊະນິດ, ຫ້າມ​ເສບ​ດົນຕີ​ແລະ ເປີດ​ເຄື່ອງ​ສຽງດັງ​ເນືອງ​ນັນ​ບ້ານ​ເມືອງ​ເກີນ​ຂອບ​ເຂດ ​ເພື່ອ​ໃຫ້ການ​ສະຫລອງ​ປີ​ໃໝ່​​ເຕັມ​ໄປ​ດ້ວຍ​ບັນຍາ

ກາດອັນ​ຊື່ນ​ບານ.

- Wave100S AD to Website 2020 0 - ເຈົ້າ​ຄອງ​​ເຕືອນໃຫ້​ສະຫລອງ​ປີ​ໃໝ່ດ້ວຍຈິດ​ໃຈຊື່​ນບານ
- WhatsApp Image 2020 05 27 at 5 - ເຈົ້າ​ຄອງ​​ເຕືອນໃຫ້​ສະຫລອງ​ປີ​ໃໝ່ດ້ວຍຈິດ​ໃຈຊື່​ນບານ
- WhatsApp Image 2020 05 27 at 5 - ເຈົ້າ​ຄອງ​​ເຕືອນໃຫ້​ສະຫລອງ​ປີ​ໃໝ່ດ້ວຍຈິດ​ໃຈຊື່​ນບານ
error: Alert: ເນື້ອຫາຂ່າວມີລິຂະສິດ !!