ໄຊຍະບູລີເຜີຍແຜ່ວິໄສທັດ ແລະ ແຜນດຳເນີນງານເພື່ອຄວາມສະເໝີພາບຍິງ-ຊາຍ ວຽກງານແມ່ ແລະ ເດັກຂອງຂະແໜງການສຶກສາ ແລະ ກິລາ

ກອງປະຊຸມເຜີຍແຜ່ວິໄສທັດຮອດປີ 2030 ຍຸດທະສາດຮອດ ປີ2025 ແລະ ແຜນດຳເນີນ ງານ ເພື່ອຄວາມສະເໝີພາບຍິງ- ຊາຍ, ວຽກງານແມ່ ແລະ ເດັກໃນຂະ ແໜງການສຶກສາ ແລະ ກິລາ 5 ປີ ຂອງ ສກຂ ແຂວງໄຊຍະບູລີກອງປະຊຸມເຜີຍ ແຜ່ວິໄສທັດ ຮອດປີ 2030, ຍຸດທະສາດຮອດ ປີ 2025 ແລະ ແຜນດຳເນີນງານ ເພື່ອຄວາມສະເໝີພາບຍິງ-ຊາຍ, ວຽກງານແມ່ ແລະ ເດັກໃນຂະ ແໜງການສຶກສາ ແລະ ກິລາ ແຂວງໄຊຍະບູລີ, ໄດ້ຈັດຂຶ້ນ ໃນ ວັນທີ 16 ພະຈິກນີ້, ຢູ່ທີ່ສູນໄອ ຊີທີ, ແຂວງດັ່ງກ່າວໂດຍ ການເປັນປະທານຂອງທ່ານ ກາບແກ້ວ ສີບຸນມາ, ຫົວໜ້າ ພະແນກ ສຶກສາທິການ ແລະ ກິລາ ແຂວງ, ມີຫົວໜ້າ-ຮອງຫົວໜ້າ ຂະແໜງການ, ຫ້ອງການສຶກສາທິການ ແລະ ກິລາ ເມືອງ ຕ່າງໆ ເຂົ້າຮ່ວມ.

+ ກອງປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວ ຄັ້ງທີ 3 ສະໄໝທີ VII

+ ກະຊວງກະສິກຳ ແລະ ປ່າໄມ້ຫາລື ວຽກງານບົດບາດ ຍິງ-ຊາຍ

ທ່ານ ກາບແກ້ວ ສີບຸນມາ ກ່າວວ່າ: ກອງປະຊຸມຄັ້ງນີ້ ມີ ຄວາມໝາຍຄວາມສຳຄັນເພື່ອຮັບປະກັນໃຫ້ວຽກງານບົດບາດ ຍິງ-ຊາຍ, ວຽກງານແມ່ ແລະ ເດັກໄດ້ຮັບການ ຈັດຕັ້ງປະຕິບັດ ເປັນຮູບປະທຳ, ສາມາດເຊື່ອມ ສານເຂົ້າກັບແຜນພັດທະນາ ການສຶກສາ ແລະ ກິລາແຕ່ ລະ ໄລຍະ, ທັງເປັນການສ້າງທັດ ສະນະສຶກສາຂອງຜູ້ບໍລິຫານ ການສຶກສາ ແລະ ກິລາກ່ຽວ ກັບບົດບາດຍິງ-ຊາຍ, ວຽກງານແມ່ ແລະ ເດັກ ທັງຮັບປະ ກັນໃຫ້ມີຄວາມເທົ່າທຽມກັນ ໃນການບໍລິຫານຄຸ້ມຄອງການ ສຶກສາ ແລະ ກິລາໃນອະນາຄົດ, ສາມາດບັນລຸໄດ້ບັນດາຄາດ ໜາຍສູ້ຊົນໃນການພັດທະນາ ການສຶກສາ ແລະ ກິລາ 5 ປີ ຄັ້ງ ທີ 8 ແລະ ເປົ້າໝາຍການພັດທະ ນາແບບຍືນຍົງ, ຮັບປະກັນໃຫ້ ພົນລະເມືອງລາວທັງຍິງ ແລະ ຊາຍມີຄວາມສະເໜີພາບກັນໃນການໄດ້ຮັບການສຶກສາ ແລະ ມີ ສ່ວນຮ່ວມໃນການພັດທະນາ ການສຶກສາຢ່າງເທົ່າທຽມ, ສົ່ງ ເສີມຄວາມກ້າວໜ້າຂອງແມ່ຍິງໃນຂະແໜງການ ສຶກສາຕິດພັນກັບແຜນງານຂະຫຍາຍໂອກາດໃນການປັບປຸງຄຸນນະພາບ ແລະ ສອດຄ່ອງກັບວຽກງານຕົວຈິງ ໃນການສົ່ງເສີມຄວາມກ້າວໜ້າຂອງແມ່ຍິງເພື່ອຍົກຖານະບົດ ບາດຂອງແມ່ຍິງໃນສັງຄົມສູງ ຂຶ້ນເປັນລຳດັບ.