ຍທຂ ນະຄອນຫລວງ​ຫ້າມ​ຜູ້​ປະກອບ​ການ​​ສວຍ​ໂອກາດ​ຂຶ້ນຄ່າ​ໂດຍສານ

- Untitled design - ຍທຂ ນະຄອນຫລວງ​ຫ້າມ​ຜູ້​ປະກອບ​ການ​​ສວຍ​ໂອກາດ​ຂຶ້ນຄ່າ​ໂດຍສານ

ພະ​ແນ​ກ​ໂຍທາ​ທິການ ​ແລະ ຂົນ​ສົ່ງ​ນະຄອນຫລວງ​ວຽງ​ຈັນ​ໄດ້​ອອກ​ແຈ້ງ​ການຫ້າມ​ຜູ້ປະກອບ​ການ​ສວຍ​ໂອກາດ​ຂຶ້ນລາຄາຄ່າ​ໂດຍສານທຸກ​ປະ​ເພດຢ່າງ​ເດັດຂາດ​​ໃນ​ໄລຍະ​ປີ​ໃໝ່​ລາວ ​ແລະ ​ກໍລະນີ​ພົບ​ເຫັນ​ບຸກຄົນ ຫລື ຜູ້​ປະກອບ​ການ​ໃດ​ລະ​ເມີດ​ແມ່ນ​ຈະ​​ໃຫ້​ຢຸດ​ເຊົາ​ແລ່ນ​ລົດ​ໃນ​ໄລຍະດັ່ງກ່າວ, ພ້ອມ​ທັງ​ສຶກສາ​ອົບຮົມ ​ແລະ ປັບ​ໃໝ​ຕາມ​ລະບຽບ​ການ, ​ໂດຍມອບ​ໃຫ້​ຂະ​ແໜງ​ຄຸ້ມ​ຄອງ​ການ​ຂົນ​ສົ່ງ​ສົມທົບ​ກັບ​ເຈົ້າ​ໜ້າ​ທີ່​ຕໍາຫລວດ​ຈະລາຈອນນະຄອນຫລວງ​ຕັ້ງ​ໜ່ວຍ​ງານ​ກວດກາ​ປະ​ຈໍາ​ສະຖານີ​ຂົນ​ສົ່ງ​ໂດຍສານ​ໃນ​ນະຄອນຫລວງພ້ອມ​ຕິດຕາມ​ກວດກາ​ຜູ້​ຂັບ​ຂີ່, ກວດກາລົດ​ຂົນ​ສົ່ງ​ໂດຍສານປະ​ຈໍາ​ທາງທຸກ​ປະ​ເພດ​ທັງ​ພາຍ​ໃນ ​ແລະ ຕ່າງປະ​ເທດ ​ເພື່ອ​​ໃຫ້​ຮັບປະກັນ​ການ​ບໍລິການ​ທີ່​ສະດວກ​ວ່ອງ​ໄວ, ປອດ​ໄພ ​ແລະ ບໍ່​ໃຫ້​ມີ​ຜູ້​ໂດຍສານ​ຕົກ​ຄ້າງ​ຢູ່​ສະຖານີ​ໃນ​ໄລຍະ​ເທດສະການ​ປີ​ໃໝ່.

ຂະ​ນະ​ດຽວ​ກັນ, ​ເຈົ້າ​ຂອງ​ສະ​ຖານີຂົນ​ສົ່ງ​ໂດຍສານ​ສາຍ​ເໜືອ​ກໍໄດ້​ຢືນຢັນຕໍ່​ນັກ​ຂ່າວ​ພວກ​ເຮົາ​ວ່າ: ​ໃນ​ໂອກາດ​ບຸນປີ​ໃໝ່​​ນີ້, ສະຖານີ​ຂອງຕົນໄດ້​ມີ​ການ​ກະກຽມ​ລົດ​ໂດຍສານຮອງ​ຮັບ​​ໄວ້ຈຳນວນຫລາຍເພື່ອຕອບສະໜອງການ​ບໍລິການ​ຂອງ​ສັງຄົມ​​ໃຫ້​ພຽງພໍ ແລະ ​ເພີ່ມ​ມາດ​ຕະການ​ກວດກາດ້ານ​​ເຕັກນິກ​ລົດໃຫ້ຮັບປະກັນ​ດີ, ພ້ອມ​ທັງເອົາ​ໃຈ​ໃສ່​ສຶກສາອົບຮົມ​ພະນັກງານ​ຂັບ​ລົດ​ທຸກ​ຄົນ​ໃຫ້​ມີ​ຄວາມ​ພ້ອ​ມບໍລິການ​ຜູ້ໂດຍສານ​ໃຫ້ສະດວກ​ປອດ​ໄພ ​ແລະ ອີກ​ບັນຫາ​ໜຶ່ງ​ແມ່ນບໍ່ອະນຸຍາດໃຫ້​ຜູ້​ຂັບ​ລົດ ​ແລະ ພະນັກງານ​ບໍລິການສວຍ​ໂອກາດ​​ເກັບ​ຄ່າ​ໂດຍສານ​ຕາມ​ລໍາພັງ​ໃຈ​ໂດຍເດັດຂາດ.

- Wave100S AD to Website 2020 0 - ຍທຂ ນະຄອນຫລວງ​ຫ້າມ​ຜູ້​ປະກອບ​ການ​​ສວຍ​ໂອກາດ​ຂຶ້ນຄ່າ​ໂດຍສານ
- WhatsApp Image 2020 05 27 at 5 - ຍທຂ ນະຄອນຫລວງ​ຫ້າມ​ຜູ້​ປະກອບ​ການ​​ສວຍ​ໂອກາດ​ຂຶ້ນຄ່າ​ໂດຍສານ
- WhatsApp Image 2020 05 27 at 5 - ຍທຂ ນະຄອນຫລວງ​ຫ້າມ​ຜູ້​ປະກອບ​ການ​​ສວຍ​ໂອກາດ​ຂຶ້ນຄ່າ​ໂດຍສານ
error: Alert: ເນື້ອຫາຂ່າວມີລິຂະສິດ !!