ກອງປະຊຸມໂຕມົນປະຈຳປີ 2017 ຈະສຸມໃສ່ປຶກສາຫາລືການພັດທະນາເປັນຫລັກ
ກອງປະຊຸມໂຕມົນແມ່ນເວທີສໍາຄັນຢ່າງຍິ່ງ ເຊິ່ງຈະສ້າງໂອກາດໃຫ້ແກ່ລັດຖະບານ ແລະ ຄູ່ຮ່ວມພັດທະນາ, ພາກສ່ວນກ່ຽວຂ້ອງໃນລະດັບສູນກາງ ແລະ ທ້ອງຖິ່ນໄດ້ມີການທົບທວນປຶກສາຫາລືບັນຫາສຳຄັນຕ່າງໆເພື່ອສ້າງຄວາມເຂົ້າໃຈ ແລະ ໄດ້ໃຫ້ຄໍາໝັ້ນສັນຍານໍາກັນ ໃຮການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດພາຍໃຕ້ຄວາມເປັນເຈົ້າການຂອງ ແລະ ຕາມການຖະແຫລງຂອງກະຊວງແຜນການ ແລະ ການລົງທຶນ ໃນວັນທີ 23 ພະຈິກນີ້ ທີ່ສະມາຄົມນັກຂ່າວແຫ່ງ ສປປ ລາວ ໂດຍ ທ່ານ ກິແກ້ວ ຈັນທະບູຣິ ຮອງລັດຖະມົນຕີ ກະຊວງດັ່ງກ່າວ ໃຫ້ຮູ້ວ່າ : ກອງປະຊຸມໂຕມົນປະຈໍາປີ 2017 ຈະໄດ້ຈັດຂຶ້ນໃນວັນທີ 22-23 ພະຈິກນີ້ ທີ່ແຂວງຈໍາປາສັກ ລະຫວ່າງລັດຖະບານ ສປປ ລາວ ແລະ ຄູ່ຮ່ວມພັດທະນາພາຍໃຕ້ຫົວຂໍ້ (ເພີ່ມທະວີການເປັນຄູ່ຮ່ວມໃນການຈັດຕັ້ງປະຕິບັດແຜນພັດທະນາເສດຖະກິດແຫ່ງຊາດ 5 ປີຄັ້ງທີ VIII, ເພື່ອບັນລຸເປົ້າໝາຍການຫລຸດພົ້ນອອກຈາກສະຖານະພາບດ້ອຍພັດທະນາ ແລະ ເປົ້າໝາຍການພັດທະນາແບບຍືນຍົງ ກອງປະຊຸມດັ່ງກ່າວຈະໄດ້ສຸມໃສ່ປຶກສາຫາລື 4 ຫົວຂໍ້ກ່ຽວກັບການລົງທຶນໃສ່ການພັດທະນາສີມືແຮງງານ ແລະ ການພັດທະນາຊັບພະຍາກອນມະນຸດ, ການລົງທຶນທີ່ມີຄຸນນະພາບຂອງເອກະຊົນ, ສໍາລັບການພັດທະນາການຮ່ວມມືແບບໃຕ້-ໃຕ້ການຮູ່ວມມືແບບສາມຫລ່ຽມ, ການຫລຸດພົ້ນອອກຈາກສະຖານະພາບປະເທດດ້ອຍພັດທະນາ ແລະ ການເເຊື່ອມສານເປົ້າໝາຍການພັດທະນາແບບຍືນຍົງ, ນອກຈາກນັ້ນຍັງຈະໄດ້ປຶກສາຫາລືກ່ຽວກັບຄວາມຄືບໜ້າຂອງການຈັດຕັ້ງປະຕິບັດວຽກງານ ໃນປີ 2017 ພ້ອມທັງຖອດຖອນບົດຮຽນ, ຄົ້ນຄວ້າ ກໍານົດບູລິມະສິດສໍາລັບປີ 2018 ເຊິ່ງຈະໄດ້ມີການດໍາເນີນກາງສະໄໝການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີຄັ້ງທີ VIII ( 2016-2020 ) ແລະ ເປັນປີທໍາອິດຂອງ ສປປ ລາວ ໃນການກະກຽມບົດລາຍງານແບບສະໝັກໃຈກ່ຽວກັບເປົ້າໝາຍການພັດທະນາຍືນຍົງ ເພື່ອລາຍງານຕໍ່ກອງປະຊຸມລະດັບສູງຂອງອົງການສະຫະປະຊາຊາດ, ພ້ອມນັ້ນກໍ່ຈະໄດ້ປະເມີນສະຖານະພາບ ໃນການຫລຸດພົ້ນອອກຈາກປະເທດດ້ອຍພັດທະນາ, ເຊິ່ງ ສປປ ລາວໄດ້ວາງເປົ້າໝາຍໄວ້ໃນປີ 2020.
ໃນວາລະກອງປະຊູມແມ່ນຈະໄດ້ນໍາພາບັນດາຄູ່ຮ່ວມພັດທະນາຢ້ຽມຢາມໂຄງການເກັບກູ້ລະເບີດ, ໂຄງການປູກກາເຟຂອງສະຫະກອນຜະລິດກາເຟ ສູນພັດທະນາສີມືແຮງງານ ຂອງແຂວງພາກໃຕ້ ແລະ ຈະໄດ້ຈັດງານວາງສະແດງຜົນງານການຮ່ວມມືເພື່ອພັດທະນາຂອງໜ່ວຍງານ ແລະ ພະແນກການອ້ອມຂ້າງແຂວງເວົ້າລວມແລ້ວມາຮອດປັດຈຸບັນກະຊວງແຜນການ ແລະການລົງທຶນໄດ້ສົມທົບກັບພາກສ່ວນທີ່ກ່ຽວຂ້ອງສາມາດກະກຽມດ້ານເນື້ອໃນສະຖານທີ່ ແລະ ດ້ານອື່ນໆມີຄວາມພ້ອມຮອບດ້ານແລ້ວ.
