ສະຫວັນນະເຂດຫວນຄືນວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ

- 24008665 1674362059283186 1638283122 n - ສະຫວັນນະເຂດຫວນຄືນວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ
- Untitled design - ສະຫວັນນະເຂດຫວນຄືນວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ

ເຊົ້າວັນທີ 24 ພະຈິກນີ້, ທີ່ສະໂມສອນເມືອງໄກສອນ ພົມວິຫານ ແຂວງສະຫວັນນະ ເຂດ, ສະຫະພັນແມ່ຍິງແຂວງ ດັ່ງກ່າວໄດ້ຈັດພິທີປາຖະກະ ຖາລະນຶກວັນສາກົນຢຸດຕິການ ນຳໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍຄົບຮອບ 17 ປີ (25/11/2000-25/11/ 2017) ໂດຍການປາຖະກະ ຖາຂອງ ທ່ານ ນາງ ບຸນ ເຢື້ອນ ທິດພຸດທະວົງ ກຳມະການປະ ຈຳພັກແຂວງ ປະທານກວດກາ ພັກ-ລັດແຂວງ, ມີເອື້ອຍນ້ອງ ແມ່ຍິງຈາກພະແນກການ, ກົມ ກອງ ແລະ ເມືອງເຂົ້າຮ່ວມ ເກືອບ 400 ຄົນ.

 

+ ເມືອງກະລຶມກະກຽມສະເຫລີມສະຫລອງວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ

+ ກະຊວງແຮງງານຫວນຄືນວັນສຳຄັນຂອງຊາດ

- Wave100S AD to Website 2020 0 - ສະຫວັນນະເຂດຫວນຄືນວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ

ໂອກາດນີ້ທ່ານນາງ ບຸນ ເຢື້ອນ ທິດພຸດທະວົງ ໄດ້ຍົກໃຫ້ ເຫັນຄວາມໝາຍຄວາມສຳຄັນ ໂດຍສັງເຂບວ່າ: ຍາມໃດພັກ- ລັດຖະບານຂອງພວກເຮົາກໍ ໄດ້ເອົາໃຈໃສ່ສຶກສາອົບຮົມຖັນ ແຖວພະນັກງານເອື້ອຍນ້ອງແມ່ ຍິງໃຫ້ມີຄຸນສົມບັດ ແລະ ຄວາມ ສາມາດຮອບດ້ານເພື່ອເຂົ້າ ຮ່ວມຄຽງບ່າຄຽງໄຫລ່ກັບເພດ ຊາຍໃນທຸກຂົງເຂດວຽກງານ ຂອງຊາດ, ແນໃສ່ສົ່ງເສີມ ຄວາມກ້າວໜ້າຂອງແມ່ຍິງ ແລະ ເຊື່ອມຊຶມລະບຽບກົດ ໝາຍຕ່າງໆພ້ອມຮັບຮູ້, ແຜນ ພັດທະນາເສດຖະກິດ- ສັງຄົມ ແຫ່ງຊາດ ແລະ ແຜນງານ ຕ່າງໆກໍຄືບັນດາສົນທິສັນຍາສາກົນກ່ຽວກັບການສົ່ງເສີມ ຄວາມສະເໝີພາບ ຍິງ-ຊາຍ ຄືປີ 2015 ປະທານປະເທດ ແຫ່ງ ສປປ ລາວ ໄດ້ອອກລັດ ຖະດຳລັດສະບັບ ເລກທີ 031/ ປປທ ກ່ຽວກັບການນຳໃຊ້ ກົດ ໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມຮຸນ ແຮງຕໍ່ແມ່ ຍິງ ແລະ ເດັກນ້ອຍ; ໃນໄລຍະຜ່ານມາບັນດາຂະ ແໜງການ, ອົງການ ແລະ ທ້ອງຖິ່ນຕ່າງໆ ກໍໄດ້ອອກ ແຮງເຄື່ອນໄຫວຕ້ານສິ່ງຫຍໍ້ ທໍ້ດັ່ງກ່າວໂດຍມິ ນິຕິກຳຕ່າງໆ ແລະ ຂະບວນຍຸຕິທຳເພື່ອປົກ ປ້ອງ ແລະ ໃຫ້ການຊ່ວຍເຫລືອ ແມ່ຍິງຜູ້ທີ່ຖືກເຄາະຮ້າຍຈາກ ຄວາມຮຸນແຮງ, ນຳເອົາຜູ້ທີ່ ກະທຳຄວາມຮຸນແຮງຕໍ່ແມ່ ຍິງມາລົງໂທດຕາມລະບຽບ ກົດໝາຍ.

ການນຳໃຊ້ຄວາມຮຸນ ແຮງຕໍ່ແມ່ຍິງມີຫລາຍຮູບການ ຄື: ຄວາມຮຸນແຮງທາງດ້ານ ຮ່າງກາຍ (ທຸບຕີ, ກັກຂັງ, ທໍ ລະມານໃນຮູບການຕ່າງໆ), ຄວາມຮຸນແຮງທາງດ້ານຈິດ/ ຄວາມຮູ້ສຶກ (ດູໝີ່ນກຽດສັກສີ, ປ້ອຍດ່າ, ເມີນເສີຍ, ປ່ອຍປະ ລະເລີຍ, ນອກໃຈ…), ຄວາມ ຮຸນແຮງທາງເພດ (ຂົ່ມຂືນ ກະທຳຊຳເລົາ, ລ່ວງລະເມີດ ທາງເພດ, ລວນລາມທາງ ເພດ) ແລະ ການເອົາລັດເອົາປຽບ, ກົດຂີ່ຂູດຮີດປະຕິເສດບໍ່ໃຫ້ແມ່ ຍິງມີສ່ວນຮ່ວມໃນການຄຸ້ມ ຄອງການເງິນໃນຄອບຄົວ, ບໍ່ ອະນຸຍາດໃຫ້ໄປເຮັດວຽກ, ບັງ ຄັບໃຫ້ແມ່ຍິງເປັນຜູ້ສ້າງລາຍ ຮັບເຂົ້າເຮືອນເປັນຕົ້ນຕໍ, ບໍ່ໃຫ້ເຂົ້າ ເຖິງແຫລ່ງທຶນ, ບໍ່ໃຫ້ ແມ່ຍິງເຂົ້າ ເຖິງມູນມໍລະດົກ ແລະ ອື່ນໆ.

ຂ່າວໃຫ້ຮູ້ອີກວ່າ: ໃນວັນ ທີ 22 ພະຈິກນີ້, ວິທະຍາໄລ ຄູສະຫວັນນະເຂດ ໄດ້ຈັດພິທີ ປາຖະກະຖາວັນມະຫາປະ ຕິວັດ ເດືອນຕຸລາລັດເຊຍຄົບຮອບ 100ປີ (7/11/1917- 7/11/ 2017) ແລະ ວັນເກີດ ທ່ານ ຟຣິດຣີກອັງແກນ ຄົບ ຮອບ197ປີ(28/11/1820- 28/11/2017) ທັງນີ້ກໍເພື່ອ ສຶກສາອົບຮົມການເມືອງ- ແນວຄິດໃຫ້ຖັນແຖວພະນັກ ງານ, ຄູອາຈານຕະຫລອດ ຮອດນັກຮຽນ- ນັກສຶກສາ ພາຍໃນວິທະຍາໄລຂອງຕົນ ໄດ້ຮັບຮູ້ເຊື່ອມຊືມ.

- WhatsApp Image 2020 05 27 at 5 - ສະຫວັນນະເຂດຫວນຄືນວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ
- WhatsApp Image 2020 05 27 at 5 - ສະຫວັນນະເຂດຫວນຄືນວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ
error: Alert: ເນື້ອຫາຂ່າວມີລິຂະສິດ !!