ໂອຍ ! ພາສີທີ່ດິນ

- Untitled design - ໂອຍ ! ພາສີທີ່ດິນ

- Untitled 1 1 275x300 - ໂອຍ ! ພາສີທີ່ດິນ       ສະບາຍດີ ເພື່ອນຜູ້ອ່ານທີ່ຮັກແພງ, ເຮົາມາເວົ້າກັນເລື່ອງສົ່ງເສີມການປະຢັດ ແລະ ຕ້ານການຟຸມເຟືອຍ ຕາມຄຳສັ່ງແນະນຳຂອງທ່ານນາຍົກລັດຖະມົນຕີກໍຈົນນັບບໍ່ຖ້ວນແລ້ວ ແລະ ມື້ນີ້ ທ່ຽງທຳ ຂໍເວົ້າເຖິງວ່າເຮົາມີ ຫຍັງຈະປະຢັດແດ່ ? ຕາມເຮົາວ່າ ອັນຕົ້ນຕໍກໍອາດຈະແມ່ນການປະຢັດລາຍຮັບຂອງຊາດ, ເຮົາຕ້ອງຮູ້ນຳໃຊ້ມັນ ໃຫ້ຖືກຕ້ອງ ແລະ ນຳຜົນປະໂຫຍດມາໃຫ້ຊາດບ້ານເມືອງ, ບໍ່ແມ່ນວ່າຈະນຳໃຊ້ລາຍຮັບດັ່ງກ່າວໄປເປັນເຫລົ້າເປັນ ເບຍ, ເປັນສິນຄ້າຫລູຫລາ ແລະ ເພື່ອຜົນປະໂຫຍດໃຜຜູ້ໜຶ່ງ… ໃນຂະນະທີ່ການເກັບລາຍຮັບດັ່ງກ່າວກໍມີຄວາມ ຫຍຸ້ງຍາກລຳບາກຢູ່ແລ້ວ ກໍດັ່ງເຮົາເຫັນຜ່ານມາ ສູນກາງກໍວ່າເກັບລາຍຮັບບໍ່ໄດ້ຕາມແຜນ, ຫລາຍຂະແໜງ ການ ແລະ ທ້ອງຖິ່ນກໍວ່າເກັບລາຍຮັບບໍ່ໄດ້ຕາມເປົ້າ ແລະ ໜຶ່ງໃນລາຍຮັບຕົ້ນຕໍຂອງຊາດກໍແມ່ນມາຈາກພາສີ ແລະ ອາກອນ ແລະ ໜຶ່ງໃນນັ້ນກໍແມ່ນລາຍຮັບຈາກພາສີທີ່ດິນ. ຕາມສະຖິຕິຂອງຂະແໜງຊັບພະຍາກອນ ໃຫ້ຮູ້ ວ່າ: ປັດຈຸບັນຢູ່ປະເທດເຮົາມີທີ່ດິນທີ່ຈະຕ້ອງໄດ້ເສຍພາສີທັງໝົດປະມານ 2 ແສນກວ່າຕອນ, ແຕ່ເກັບຕົວຈິງໄດ້ ພຽງປະມານ 4-50 ພັນຕອນເທົ່ານັ້ນ ໂດຍສະເລ່ຍບັນລຸໄດ້ພຽງ 1/4 ຂອງຈຳນວນທີ່ດິນດັ່ງກ່າວ ສິ່ງນີ້ແມ່ນ ຍ້ອນຫຍັງ ? ເຊິ່ງເຫດຜົນຂອງມັນບໍ່ພຽງແຕ່ມີຂະແໜງການກ່ຽວຂ້ອງຮັບຮູ້ເທົ່ານັ້ນ ເຊິ່ງສັງຄົມສ່ວນຫລາຍກໍ ຈະຮັບຮູ້-ດິນຕອນໃດ, ສວນບ່ອນໃດກໍລ້ວນແລ້ວແຕ່ມີເຈົ້າຂອງ, ແຕ່ເປັນຫຍັງຈຶ່ງເກັບພາສີດິນດັ່ງກ່າວນຳເຂົາ ບໍ່ໄດ້ ອັນນີ້ກໍຄວນພິຈາລະນາ, ໄດ້ຍິນຫລາຍຄົນໂສເລກັນວ່າ: ຈະໃຫ້ເກັບໄດ້ແນວໃດ, ດິນຕອນໃດກໍມີເຈົ້າມີຈອມ ທັງນັ້ນ. ເອົາລະ ! ເວົ້າມາຮອດນີ້ກໍຫວັງວ່າສັງຄົມຈະເຂົ້າໃຈ ແລະ ຂໍຮຽກຮ້ອງໃຫ້ຂະແໜງກ່ຽວຂ້ອງຈັດຕັ້ງປະຕິ ບັດການເກັບພາສີທີ່ດິນ ເພື່ອລາຍຮັບຂອງຊາດນັ້ນໃຫ້ມີຄວາມຖືກຕ້ອງເປັນທຳ ແລະ ໂປ່ງໃສ ເພື່ອພວກເຮົາຈະ ໄດ້ມີລາຍຮັບໃຫ້ກັນປະຢັດມັດທະຍັດ, ຢ່າໃຫ້ເປັນດັ່ງເລື່ອງມື້ລາງ “ໃຜແຂນຍາວ ສາວໄດ້ສາວເອົາ” ພະຍາບຸນອຸ້ມ ກໍຈົນທ້ອງແຕກ.

- Wave100S AD to Website 2020 0 - ໂອຍ ! ພາສີທີ່ດິນ
- WhatsApp Image 2020 05 27 at 5 - ໂອຍ ! ພາສີທີ່ດິນ
- WhatsApp Image 2020 05 27 at 5 - ໂອຍ ! ພາສີທີ່ດິນ
error: Alert: ເນື້ອຫາຂ່າວມີລິຂະສິດ !!