ພູເບ້ຍມາຍນິງມອບເຄື່ອງກັນໜາວໃຫ້ກາແດງລາວ

ວັນທີີ 28 ພະຈິກນີ້, ທ່ານ ແອນດິວ ມອນຄຼິບ ຜູ້ຈັດການພະ ແນກບຸກຄະລາກອນ ແລະ ເຝຶກ ອົບຮົມ, ບໍລິສັດພູເບ້ຍມາຍນິງ, ພ້ອມຄະນະ ໄດ້ນຳເອົາຜ້າຫົ່ມ ຈຳນວນ 214 ຜືນ ລວມມູນຄ່າ 2.568 ໂດລາສະຫະລັດ, ມອບ ໃຫ້ອົງການກາແດງລາວເພື່ອ ນຳໄປຊ່ວຍປະຊາຊົນໃນເຂດ ຫ່າງໄກສອກຫຼີກທາງພາກເໜືອຂອງລາວ ເພື່ອຕ້ານກັບສະພາບ ອາກາດໜາວເຢັນໃຫ້ຜ່ອນຄາຍ.

+ ມອບເຄື່ອງກົນຈັກກະສິກຳ ໃຫ້ແຂວງເປົ້າໝາຍຂອງໂຄງການ

+ ອົງການກາແດງລາວ ສືບຕໍ່ປັບປຸງຮ່າງກົດໝາຍກາ​ແດງ​ລາວ

ໃນປີຜ່ານມາ, ບໍລິສັດພູເບ້ຍ ມາຍນິງກໍໄດ້ບໍລິຈາກໝວກກັນ ກະທົບໃຫ້ໜ່ວຍກູ້ໄພ ອົງການກາ ແດງລາວຈຳນວນໜຶ່ງ. ດັ່ງນັ້ນ ເພື່ອເປັນການຈາລຶກຄຸນງາມ ຄວາມດີຂອງ ບໍລິສັດ ດັ່ງກ່າວ ທີ່ມີນ້ຳໃຈມະນຸດສະທຳຊ່ວຍ ເຫຼືອຜູ້ດ້ອຍໂອກາດ ແລະ ອົງ ການກາແດງລາວໄດ້ມອບໃບ ຍ້ອງຍໍຂອງທ່ານປະທານອົງ ການກາແດງລາວເພື່ອເປັນ ກຽດໃຫ້ແກ່ບໍລິສັດ.

ອົງການກາແດງລາວ ໃນ ນາມຕົວແທນປະຊາຊົນບັນດາ ເຜົ່າໃນເຂດຫ່າງໄກສອກຫຼີກ ໄດ້ສະແດງຄວາມຂອບອົກ ຂອບໃຈມາຍັງປະທານບໍລິສັດທີ່ມີນ້ຳໃຈແບ່ງປັນຄວາມອົບ ອຸ່ນໃນຄັ້ງນີ້ ຂໍໃຫ້ທ່ານຈົ່ງມີສຸ ຂະພາບແຂງແຮງນຳພາບໍລິ ສັດເຕີບໃຫຍ່ຂະຫຍາຍຕົວ ແລະ ຫວັງວ່າຈະໄດ້ຮັບການຮ່ວມ ມືຊ່ວຍເຫລືອຈາກບໍລິສັດຕະ ຫລອດໄປ.