ທ່ຽວນ້ຳຕົກຕາດນ້ຳດີ ແລະ ຜາເຍືອງຫລວງນ້ຳທາ

ນ້ຳຕົກຕາດນ້ຳດີເປັນ ແຫລ່ງທ່ອງທ່ຽວ ທີ່ມີຊື່ສຽງ ແຫ່ງໜຶ່ງຂອງແຂວງຫລວງນ້ຳ ທາ, ເຊິ່ງຕັ້ງຢູ່ເຂດບ້ານນ້ຳດີຫ່າງ ຈາກຕົວເມືອງຫລວງນ້ຳທາ ໄປປະມານ 7 ກິໂລແມັດ. ນ້ຳ ຕົກຕາດແຫ່ງນີ້ຖືກຄົ້ນພົບໃນປີ 1995 ແລະ ຕໍ່ມາກໍຖືກພັດທະນາ ເພື່ອໃຫ້ແຂກສາມາດເຂົ້າໄປທ່ຽວ ຊົມ, ເຊິ່ງໃນນັ້ນໄດ້ມີການສ້າງ ສິ່ງອຳນວຍຄວາມສະດວກເຊັ່ນ: ເສັ້ນທາງ, ສາລາພັກຜ່ອນ, ຫ້ອງ ນ້ຳ ແລະ ຮ້ານຈຳໜ່າຍຜະລິດ ຕະພັນຫັດຖະກຳຂອງຊາວບ້ານ. ນັກທ່ອງທ່ຽວສາມາດລົງຫລິ້ນ ນ້ຳທີ່່ເຢັນສະບາຍໄດ້ຢູ່ບໍລິເວນ ກ້ອງນ້ຳຕົກຕາດອັນສວຍງາມ ດັ່ງກ່າວ.

+ ປີທ່ອງທ່ຽວລາວ 2018 ອັດຕະປືຈະຈັດບຸນນະມັດສະການພະເຈົ້າໄຊຍະເສດຖາທິລາດໃຫ້ຄຶກຄື້ນ

+ ແຂວງເຊກອງມີຫລາຍກິດຈະກຳທີ່ໜ້າທ່ຽວຊົມໃນປີທ່ອງທ່ຽວ

ສ່ວນຢູ່ດ້ານລຸ່ມຂອງຕາດ ກໍມີສາລາໄວ້ໃຫ້ທ່ານໄດ້ນັ່ງ ພັກຜ່ອນຢ່ອນໃຈ, ພ້ອມການບໍລິ ການເຄື່ອງກິນ, ເຄື່ອງດື່ມ ແລະ ເຄື່ອງຫັດຖະກຳທ້ອງຖິ່ນໄວ້ ຢ່າງຫລວງຫລາຍ.
ສ່ວນນ້ຳຕົກຕາດຜາເຍືອງ ແມ່ນຕັ້ງຢູ່ໃນປ່າສະຫງວນແຫ່ງ ຊາດນ້ຳຫ້າບົນເສັ້ນທາງເລກທີ 18 ຫ່າງຈາກຕົວເມືອງຫລວງ ນ້ຳທາ ໄປເມືອງສິງປະມານ 40 ກິໂລແມັດ ກໍເຖິງນ້ຳຕົກຕາດ ດັ່ງກ່າວທີ່ຖືກຄົ້ນພົບໂດຍກຳລັງ ປ້ອງກັນຄວາມສະຫງົບຂອງ ແຂວງເປັນເວລາຫລາຍປີມາ ແລ້ວ ແລະ ຕົກມາປີ 2005, ກອງບັນຊາການທະຫານ ແຂວງຫລວງນ້ຳທາໄດ້ປັບປຸງ ເສັ້ນທາງ ແລະ ເປີດບໍລິການ ໃຫ້ນັກທ່ອງທ່ຽວເຂົ້າຊົມນ້ຳ ຕົກຕາດແຫ່ງນີ້ດ້ວຍຄວາມ ປະທັບໃຈ.

ປັດຈຸບັນ, ນ້ຳຕົກຕາດຜາ ເຍືອງໄດ້ກາຍເປັນສະຖານທີ່ ທ່ອງທ່ຽວທາງທຳມະຊາດ ອັນສວຍສົດງົດງາມ ແລະ ເຕັມ ໄປດ້ວຍບັນຍາກາດອັນອົບອຸ່ນ ແລະ ປອດໄພສຳລັບການພັກ ຜ່ອນຢ່ອນອາລົມຢູ່ນ້ຳຕົກຕາດ ແຫ່ງນີ້.