ການນໍາແຂວງຈໍາປາສັກ ຕິດຕາມ ແລະ ໃຫ້ກຳລັງໃຈຜູ້ເຄາະຮ້າຍອຸປະຕິເຫດ ທີ່ປິ່ນປົວຢູ່ໂຮງໝໍແຂວງ

ໜັງສືພິມຈໍາປາໃໝ່ ລາຍງານວ່າ: ວັນທີ 27 ມັງກອນ 2025 ນີ້ ການນໍາແຂວງຈໍາປາສັກໂດຍມີທ່ານ ສຸກກະເສີມ ສີຫານຸວົງ ຫົວໜ້າຫ້ອງວ່າການແຂວງ, ທ່ານ ວັນນະໄຊ ຊາດຕະກຸນ ຫົວໜ້າພະແນກຖະແຫລງຂ່າວ, ວັດທະນະທໍາ ແລະ ທ່ອງທ່ຽວແຂວງ, ທ່ານ ດຣ ຄໍາສິງ ແກ້ວທອງກຸ ຜູ້ອໍານວຍການໂຮງໝໍແຂວງຈໍາປາສັກ, ພ້ອມດ້ວຍຄະນະ ໄດ້ຕາງໜ້າໃຫ້ຄະນະພັກ-ຄະນະນໍາຂອງແຂວງຈໍາປາສັກ ຕິດຕາມເບິ່ງອາການບາດເຈັບ ແລະ ຢື້ຢາມຖາມຂ່າວຜູ້ທີ່ຖືກບາດເຈັບ ຈາກການເກີດອຸປະຕິເຫດລົດເມໂດຍສານ ວຽງຈັນ-ປາກເຊ ເສຍຫຼັກລົງຂ້າງທາງໄປຕໍາໃສ່ຕົ້ນໄມ້ ໃນວັນທີ 26 ມັງກອນ 2025ຜ່ານມາ.

ປັດຈຸບັນ ຜູ້ປະສົບອຸບັດເຫດ 3 ຄົນທີ່ນອນປິ່ນປົວຢູ່ໂຮງໝໍແຂວງຈໍາປາສັກ, ເຫັນວ່າມີອາການດີຂຶ້ນ. ພ້ອມດຽວກໍມອບຂອງຂວັນເພື່ອເປັນກໍາລັງໃຈອີກດ້ວຍ.

ທີ່ມາ: ໜັງສືພິມຈໍາປາໃໝ່