ເກີດເຫດຖ້ຽວບິນ 5342 ຂອງ American Airlines ຕໍາກັບເຮລີຄັອບເຕີກອງທັບ ກາງອາກາດ ໃກ້ນະຄອນຫລວງວໍຊິຕັນ

ສໍານັກຂ່າວຣອຍເຕີລາຍງານ ເວລາ 9:00 ໂມງ ວັນທີ 30 ມັງກອນ 2025 (ຕາມເວລາທ້ອງຖິ່ນ ແມ່ນກາງຄືນວັນທີ 29 ມັງກອນ) ເຮືອບິນຂອງສາຍການບິນ American Airlines ຖ້ຽວບິນ 5342 ຕໍາກັບເຮລີຄັອບເຕີ Black Hawk ຂອງກອງທັບອາເມລິກາກາງອາກາດ ໃນຂະນະທີ່ຖ້ຽວບິນ 5342 ກໍາລັງມຸ່ງໜ້າໄປຣັນເວຂອງສະໜາມບິນເຣແກນ ໃນນະຄອນຫລວງວໍຊິງຕັນ ດີ.ຊີ )ກ່ອນຈະຕົກລົງແມ່ນໍ້າໂປໂຕແມກ, ໃນຂະນະນີ້ເຈົ້າໜ້າທີ່ກໍາລັງດໍາເນີນປະຕິບັດການຄົ້ນຫາ ແລະ ຊ່ວຍເຫລືອຜູ້ໂດຍສານ.

ຖ້ຽວບິນ 5342 ເປັນເຮືອນບິນ Bombardier CRJ700 ທີ່ໄວ້ບໍລິການໃນປະເທດ ເຊິ່ງມີຜູ້ໂດຍສານ 60 ຄົນ ແລະ ຈຸເຮືອບິນ 4 ຄົນ ໂດຍໄດ້ອອກເດີນທາງຈາກເມືອງວິຊິຕາ ລັດແຄນຊັດມຸ່ງໜ້າສູ່ນະຄອນຫລວງວໍຊິງຕັນ.

ປັດຈຸບັນສະໜາມບິນເຣແກນ ໄດ້ສັ່ງລະງັບການລົງຈອດ ແລະ ຂຶ້ນບິນຂອງຖ້ຽວບິນທັງໝົດ, ສ່ວນທາງສໍານັກງານບໍລິຫານອົງກອນການບິນແຫ່ງອາເມລິກາ (FAA) ກໍາລັງສອບສວນຫາສາເຫດຄັ້ງນີ້.