ຣັດເຊຍເປີດໂຕໂປສເຕີບານເຕະໂລກ 2018 ຂອງທາງຟີຟາ
ສະຫະພັນບານເຕະສາກົນ ຫລື ຟີຟາ ເປີດໂຕໂປສເຕີບານເຕະໂລກ 2018 ຢ່າງເປັນທາງການແລ້ວ ໃນວັນທີ 28 ພະຈິກນີ້.
ໃນຮູບປະກອບມີຜູ້ຮັກສາປະຕູທີ່ຍິ່ງໃຫຍ່ຂອງສະຫະພາບໂຊວຽດ ເລຟ ຢາຊິນ ຫລິ້ນໃຫ້ກັບ ດິນາໂມ ມອສໂກ ຕະຫລອດອາຊີບ ປີ 1950-1970, ຮັກສາປະຕູຊ່ວຍທີມ 326 ນັດ, ຄວ້າແຊ້ມລີກສູງສຸດສະຫະພາບໂຊວຽດ 5 ສະໄໝ (1954, 1955, 1957, 1959 ແລະ 1963), ລົງຮັບໃຊ້ທີມຊາດ 74 ນັດ ໃນໄລຍະປີ 1954-1967.
ເລຟ ຢາຊິນ ເປັນຜູ້ຮັກສາປະຕູພຽງຄົນດຽວນັບແຕ່ອະດີດເຖິງປັດຈຸບັນ ທີ່ເຄີຍຄວ້າ ບັນລັງດໍ ໃນປີ 1963, ໜຶ່ງໃນລູກທີມສະຫະພາບໂຊວຽດຊຸດແຊ້ມຢູໂຣ 1960 ເຊິ່ງຈັດຂຶ້ນຢູ່ປະເທດຝຣັ່ງ ແລະ ຊຸດຄວ້າແຊ້ມໂອລິມປິກ ປີ 1956.
ໂດຍການແຂ່ງຂັນບານເຕະໂລກ 2018 ຈະຈັດຂຶ້ນລະຫວ່າງວັນທີ 14 ມິຖຸນາ ຫາ 15 ກໍລະກົດ 2018. ສຳລັບຮອບແບ່ງກຸ່ມ 32 ທີມສຸດທ້າຍຈະມີຂຶ້ນຢູ່ປະເທດຣັດເຊຍ ໃນວັນທີ 1 ທັນວານີ້.
