ເມືອງຮົ່ມປະກາດໃຫ້ບ້ານນ້ຳຄຽນເປັນບ້ານປ້ອງກັນຄວາມສະຫງົບດີ

ພິທີປະກາດບ້ານນໍ້າຄຽນ ເມືອງຮົ່ມ ແຂວງໄຊສົມບູນ, ເປັນ ບ້ານປ້ອງກັນຄວາມ ສະຫງົບດີ ໄດ້ຈັດຂຶ້ນເມື່ອທ້າຍອາທິດຜ່ານມານີ້, ທີ່ສະໂມສອນເມືອງ ດັ່ງກ່າວ, ໂດຍການ ເຂົ້າຮ່ວມ ຂອງທ່ານ ບູນສົງ ເບຼ່ຍຢ່າທໍ່ເພຍ ຫຼວງ ເຈົ້າເມືອງຮົ່ມ, ທ່ານ ບູນຜັນ ພົມມະຈັນ ປະທານ ກວດກາ ພັກ-ລັດ ແຂວງໄຊສົມບູນ ແລະ ຮອງຫົວໜ້າກອງບັນ ຊາ ການ ປກສ ແຂວງໄຊສົມບູນ ເຂົ້າຮ່ວມນຳ.

+ ປະກາດແຕ່ງຕັ້ງຮອງປະທານສານປະຊາຊົນແຂວງເຊກອງ

+ ເມືອງຮົ່ມສະຫລອງວັນສັກຢາກັນພະຍາດແຫ່ງຊາດຄົບຮອບ 9 ປີ

ທ່ານຫົວໜ້າກອງບັນຊາ ການ ປກສ ເມືອງຮົ່ມ ມີຄຳເຫັນ ວ່າ:ຜ່ານການຈັດຕັ້ງປະຕິບັດ ວຽກງານສ້າງບ້ານນໍ້າຄຽນ ເປັນບ້ານປ້ອງກັນຄວາມສະ ຫງົບດີ, ສາມາດຕີ ລາຄາໄດ້ ຕາມມາດຖານຄື: ປະຊາຊົນທຸກ ຄອບ ຄົວມີຄວາມຕື່ນຕົວ, ເຊື່ອມ ຊືມແນວທາງນະໂຍບາຍຂອງ ພັກລະບຽບກົດໝາຍຂອງລັດ, ມີສະຕິ ປະກອບສ່ວນເຂົ້າໃນ ວຽກງານຕ່າງໆຂອງບ້ານເປັນຕົ້ນແມ່ນການອອກແຮງງານ ລວມ, ເຂົ້າຮ່ວມວຽກງານປ້ອງ ກັນຊາດ-ປ້ອງການຄວາມສະຫງົບ; ຈໍານວນສະມາຊິກໃນ ບ້ານໄດ້ຈົດທະບຽນສຳມະໂມ ຄົວ 97% ແລະ ມີບັດປະຈຳຕົວ ສະເລ່ຍ 90%, ອຳນາດການ ປົກຄອງບ້ານ, ອົງການຈັດຕັ້ງ ມະຫານຊົນ, ປກສ, ກອງຫຼອນ ບ້ານ ມີແບບແຜນ ວິທີເຮັດວຽກ ເຂົ້າໃນການສຶກສາອົບຮົມ, ປຸກ ລະດົມກຳລັງຂອງປະຊາຊົນ ໃຫ້ຮັບຮູ້ເຂົ້າໃຈກ່ຽວກັບວຽກ ງານສ້າງຄອບຄົວ ແລະ ບ້ານ ປ້ອງກັນຄວາມສະຫງົບດີ ໄດ້ 90%, ບ້ານສາມາດຮັກສາ ຄວາມສະຫງົບຂອງບ້ານ ໄດ້ 99%,   ສະນັ້ນ ຈຶ່ງໄດ້ປະກາດ ບ້ານນ້ຳຄຽນເປັນບ້ານປ້ອງ ກັນຄວາມສະຫງົບດີ.

ປະທານກວດກາພັກ- ລັດ ແຂວງໄຊສົມບູນ ກ່າວວ່າ: ການສ້າງບ້ານປ້ອງກັນຄວາມ ສະຫງົບແມ່ນຕິດພັນກັບ 2 ໜ້າ ທີ່ຍຸດທະສາດຄື: ປົກປັກຮັກ ສາ ແລະ ສ້າງສາພັດທະນາ ປະເທດຊາດ. ສະນັ້ນ ໃຫ້ອໍາ ນາດການປົກຄອງເມືອງ ສົມ ທົບກັບ ປກສ ບ້ານ, ສືບຕໍ່ກວດ ຄືນກ່ຽວກັບກຸ່ມຄົນບໍ່ດີເຊັ່ນ: ຄົນຂີ້ລັກ, ພວກເສບ ແລະ ຂາຍຢາບ້າ, ຂໍ້ຂັດແຍ່ງພາຍ ໃນຄອບຄົວ ເພື່ອນຳມາແກ້ໄຂ ໃຫ້ໝົດໄປ, ອີກຢ່າງໜຶ່ງຕ້ອງ ເອົາໃຈໃສ້ປັບປຸງລະບົບການຈັດຕັ້ງ, ຂອງບ້ານໃຫ້ມີຄວາມ ໜັກແໜ້ນເຂັ້ມແຂງ, ເຕົ້າໂຮມ ຄວາມສາມັກຄີຊ່ວຍເຫຼືອ ເຊິ່ງ ກັນ ແລະ ກັນພາຍໃນບ້ານ ແລະ ຮັກສາບ້ານປ້ອງກັນ ຄວາມສະຫງົບນີ້ໃຫ້ຍືນຍົງ ຄົງຕົວຕະຫຼອດໄປ.