ເກີດເຫດຄົນຮ້າຍບຸກຍິງໃນໂຮງຮຽນປະເທດສະວີເດັນ ເສຍຊີວິດ 11 ຄົນ
February 5, 2025 - 12:13 PM

ສໍານັກຂ່າວຣອຍເຕີລາຍງານວັນທີ 4 ກຸມພາ ເວລາປະມານ 12:30 ນາທີ (ຕາມເວລາທ້ອງຖິ່ນ) ເກີດເຫດຄົນຮ້າຍບຸກເຂົ້າໄປ ແລະ ໃຊ້ປືນກວາດຍິງໃສ່ຜູ້ຄົນ ໃນສູນການສຶກສາສໍາລັບຜູ້ໃຫຍ່ Risbergska ເຊິ່ງຢູ່ໃນເຂດທີ່ມີຫລາຍໂຮງຮຽນລວມກັນ ລວມທັງໂຮງຮຽນສໍາລັບເດັກ ໃນເມືອງໂອເຣໂບ ຕອນກາງຂອງປະເທດສະວີເດັນ ເຮັດໃຫ້ມີຜູ້ເສຍຊີວິດ 11 ຄົນ ລວມທັງຜູ້ກໍ່ເຫດ.
ຕາມການລາຍງານຂອງຕໍາຫລວດທ້ອງຖິ່ນ ເຊື່ອວ່າຄົນຮ້າຍລົງມືພຽງລໍາພັງ ແລະ ບໍ່ມີຄວາເຊື່ອມໂຍງກັບກຸ່ມແກັ໋ງໃດໆ ແລະ ຕໍາຫລວດບໍ່ເຊື່ອວ່າການກໍ່ເຫດຄັ້ງນີ້ບໍ່ແມ່ນການກໍ່ການຮ້າຍ ແນວໃດກໍຕາມຕໍາຫລວດຈະຍັງສືບຕໍ່ສືບສວນອີກຕໍ່ໄປ.