ບໍລິສັດ​ ມາລີ​ນີ ມີ​ທ່າ​​ແຮງ​ ປະກອບສ່ວນ​​ພັດທະນາ​ປະ​ເທດ​ຊາດ

- advert banner 728 90 728x90 - ບໍລິສັດ​ ມາລີ​ນີ ມີ​ທ່າ​​ແຮງ​ ປະກອບສ່ວນ​​ພັດທະນາ​ປະ​ເທດ​ຊາດ

​ໃນ​​ໄລຍະ​ ​ແຫ່ງ​ການສ້າງສາ​ພັດທະນາປະ​ເທດ​ຊາດ42ປີ​ມາ​ນີ້ ພັກ-​ລັດ ຖະບານ ​ມີ​ນະ​ໂຍບາຍ​ສົ່ງ​ເສີມ​ເສດຖະກິດ ​ເພື່ອ​ເປັນ​ກຳລັງ​ແຮງ​​ໃຫ້​ແກ່​ການ​ສ້າງ​ເສດຖະກິດ​ແຫ່ງ​ຊາດ​ແລະ​ຜັນ​ຂະຫຍາຍ​ແນວທາງ​ນະ​ໂຍບາຍ​ຂອງ​ພັກ​-ລັດຖະບານ​​ເຂົ້າ​ສູ່​ການ​ຜະລິດທຸລະ​ກິດ​ຢ່າງ​ຕັ້ງໜ້າ​​ແລະ​ມີ​ຄວາມ​ເຕີບ​ໃຫຍ່​ເປັນ​ກ້າວໆມາ. ບໍລິສັດ​ ມາລີ​ນີ  ເປັນ​ບໍລິສັດ​ໜຶ່ງທີ່​ໄດ້​ຖື​ເອົາ​ແນວທາງ​ນະ​ໂຍບາຍ​ນັ້ນ ​ເປັນ​ແຮງ​ຜັກ​ດັນ​ພັດທະນາ​ຕົນ​ເອງ​ຈາກ​ບໍລິສັດ​ກໍ່ສ້າງ​ນ້ອຍໆ ຈົນ​ກາຍ​ມາ​ເປັນ ກຸ່ມ​ບໍລິສັດ​ໃຫຍ່ ທຸລະ​ກິດ​ກວມ​ເອົາ​ຫຼາຍ​ຂະ​ແໜງ​ການ.

- new3 - ບໍລິສັດ​ ມາລີ​ນີ ມີ​ທ່າ​​ແຮງ​ ປະກອບສ່ວນ​​ພັດທະນາ​ປະ​ເທດ​ຊາດ

​ພວມ​ຍັງ​ຢູ່​ໃນ​ບັນຍາກາດການ​ສ້າງ​ຂະ​ບວນການ​ຄຳນັບ​ຮັບ​ຕ້ອນ ວັນ​ສະຖາປະນາ​ສາທາລະນະ​ລັດ ປະຊາ​ທີ​ປະ​​ໄຕ ປະຊາຊົນ​ລາວ ຄົບຮອບ42​ປີ(2/12/1975-2/12/2017) ທ່ານ ພຸດສະດຸ ອິນທະວົງ, ປະທານ ກຸ່ມບໍລິສັດ ມາລີນີ ຈຳກັດ ​ໄດ້​ໃຫ້​ສຳພາດ​ວ່າ:ບໍລິສັດ​ພວກ​ເຮົາ ມີ​ຄວາມ​ເຕີບ​ໃຫຍ່​ເຂັ້ມ​ແຂງ​ໄດ້​ກໍ່​ຍ້ອນ ພັກ-​ລັດ​ມີ​ນະ​ໂຍບາຍ​ທີ່​ດີ ສະໜັບສະໜູນ​ການ​ດຳ​ເນີນ​ທຸລະ​ກິດ, ສ້າງ​ແຮງ​ບັນດານ​ໃຈ ​ເຮັດ​ໃຫ້ຂ້າພະ​ເຈົ້າກ້າ​ເຮັດກ້າ​ລົງທຶນ ​ແລ້ວ​ສ້າງ​ຕັ້ງບໍລິສັດ ມາລີນີ ຈຳກັດ ຂຶ້ນມາ​ໃນປີ 1992 ໂດຍເລີ່ມຈາກບໍລິສັດກໍ່ສ້າງນ້ອຍໆ ແລະ ຄ່ອຍໆພັດທະນາຂຶ້ນ ຈົນກາຍມາເປັນກຸ່ມບໍລິສັດ ມາລີນີ ກວມ​ຫລາຍ​ຂະ​ແໜງ​ການ​ເຊັ່ນ:ບໍລິສັດ ກໍ່ສ້າງ-ຂົວທາງ-​ເຄຫາ​ສະຖານ​ແລະ​ຊົນລະປະທານ, ບໍລິສັດ ຄອນກຼີດສຳເລັດຮູບ2​ແຫ່ງ, ໂຮງຮຽນປະຖົມ-ມັດທະຍົມ​ມາລີ​ນີ, ບໍລິສັດ ພັດທະນາກະສິກຳຝຸ່ນຊີວະພາບ, ບໍລິສັດ ພັດທະນາແຫຼ່ງທ່ອງທ່ຽວບ້ານ​ເກິ​ນ, ບໍລິສັດອະສັງຫາລິມະຊັບ ແລະ ອື່ນໆ,ຫຼ້າ​ສຸດ​ກຳ​ລົງທຶນ​ເຂົ້າ​ໃນ​ການ​ສ້າງ​ຕຶກ​ນອນ​ຄົນ​ເຈັບ​ໂຮງໝໍ​ມິດຕະພາບ150​ຕຽງຕື່ມ​ອີກ.

​ແນວ​ໃດ​ກໍ່ຕາມການ​ດຳ​ເນີນ​ທຸລະ​ກິດ​ກໍ່​ມີ​ທັງ​ຄວາມ​ສະດວກ​ແລະ​ຄວາມ​ຫຍຸ້ງ​ຍາກ-ອຸປະສັກ​ຕ່າງໆ​ນາໆ ​ແຕ່​ກໍ່ຄ່ອຍ​ແກ້​ທັງ​ຫັນ​ອຸປະສັກ​ໃຫ້​ເປັນ​​ໂອກາດ ຈົນ​ສາມ​າດຜ່ານ​ບັນຫາ​ຕ່າງໆ​ໄປ​ໄດ້;ປະຈຸ​ບັນ ບໍລິສັດ ມີ​ຄວາມ​ພ້ອມ​ທີ່​ຈະ​ລົງທຶນ ຂໍ​ພຽງ​ແຕ່​ລັດຖະບານ​ສືບ​ຕໍ່​ສະໜັບສະໜູນ​ໂຄງການ​ໃຫຍ່-​ນ້ອຍ​ຕ່າງໆ​ໃຫ້​ລົງທຶນ​ເປີດ​ໂອກາດ​ໃຫ້​ຄົນ​ລາວ,ນັກທຸລະກິດ​ລາວສ້າງ​ຜົນງານປະກອບສ່ວນ​​ເຂົ້າ​ໃນການ​ສ້າງສາ​ພັດທະນາ,ທັງ​ເປັນ​ການ​ຍົກລະດັບ​ຄວາມ​ສາມາດ​ແລະພາລະ​ບົດ​ບາດ​ບໍລິສັດຂອງ​ຄົນລາວ​ໃຫ້​ສາມາດ​ແຂ່ງຂັນ​ໄດ້​ກັບ​ບໍລິສັດ​ຂອງ​ຕ່າງປະ​ເທດ​ແລະ​ສາມາດ​ຂະຫຍາຍ​ທຸລະ​ກິດ​ອອກ​ໄປ​ສູ່​ຕ່າງປະ​ເທດ​ໄດ້.

ຜ່ານ​ມາ ການ​ດຳ​ເນີນ​ທຸລະ​ກິດ​ຂອງ​ບໍລິສັດ​ໄດ້​ຖື​ເປັນ​ຈິດ​ໃຈ ຄື​ຈັນ​ຍາ​ບັນ​ຄວາມ​ເປັນນັກທຸລະກິດ,ມີ​ຄວາມ​ຕັ້ງ​ໃຈ​ຕໍ່​ສິ່ງ​ທີ່​ເຮັດ,​ເອົາ​ຄວາມ​ຖືກຕ້ອງຕັດສິນ​ບັນຫາ,ມີສັດຈະທຳຈິງ​ໃຈ​ກັບ​ຄູ່ຮ່ວມ​ທຸລະ​ກິດ​,ກ່ອນ​ຈະ​ລົງມື​ເຮັດ​ອັນ​ໃດ​ແມ່ນຄຳນຶງເຖິງຜົນ​ໄດ້​ແລະ​ຜົນ​ເສຍທີ່ຈະຕາມມາ​ໂດຍ​ບໍ່​ຫວັງ​ແຕ່​ຜົນ​ປະ​ໂຫຍ​ດສ່ວນ​ຕົວຫຼາຍ​ເກີນ​ໄປ ສຳຄັນ​ຕ້ອງ​ເພື່ອສ່ວນລວມເປັນຫຼັກ.ຈຶ່ງ​ສ້າງ​ຄວາມ​ເຊື່ອ​ໝັ້ນ​ຕໍ່​ບັນດາ​ພະນັກງານ​ຈິງ​ໃຈ​ເຮັດ​ວຽກ​ຢ່າງ​ມີ​ຄວາມ​ຮັບຜິດຊອບ​ສູງ ຈິ່ງ​ເປັນ​ເງື່ອນ​ໄຂ​ເຮັດ​ໃຫ້​ບໍລິສັດ​ມີ​ການ​ພັດທະນາ​ເປັນ​ກ້າວໆ​ມາ ​ແລະ​ໄດ້​ຮັບ​ການ​ຍ້ອງ​ຍໍ​ຈາກ​ພາກ​ລັດ​ໃນ​ລະດັບ​ເມືອງ,​ແຂວງ​ແລະ​ລັດຖະບານ​ແລະ​ເມື່ອ​ປີ2016ກໍ່​ໄດ້​ຮັບ​ສອງ​ລາງວັນ ຄື:ລາງວັນ 40 YEARS AWARDS, Lao Business Awards 2016 ແລະ ລາງວັນ ASEAN BUSINESS AWARDS LAO PDR 2016, SME Excellence Awards.​ ຢັ້ງຢືນ​ໃຫ້​ເຫັນ​ຜົນງານ​ແລະ​ເປັນ​ກຳລັງ​ໃຈ​ທີ່​ຈະ​ພັດທະນາ​ທຸລະ​ກິດ​ຕໍ່​ໄປ.

error: Content is protected !!