ແຈ້ງການ ຊ່ວຍຕິດຕາມການເຄື່ອນໄຫວຂອງຊ່າງຖ່າຍຮູບ ພາຍໃນນະຄອນຫລວງພະບາງ ແລະ ອອກໃບອະນຸຍາດໃໝ່ ຫລື ສືບຕໍ່ ທຸລະກິດຖ່າຍຮູບ ປະຈໍາປີ 2025
ຫ້ອງການ ຖະແຫລງຂ່າວ, ວັດທະນະທຳ ແລະ ທ່ອງທ່ຽວ ນະຄອນ ຫລວງພະບາງ ອອກແຈ້ງການ ຊ່ວຍຕິດຕາມການເຄື່ອນໄຫວຂອງຊ່າງຖ່າຍຮູບ ພາຍໃນນະຄອນຫລວງພະບາງ. ເພື່ອເຮັດໃຫ້ວຽກງານການຄຸ້ມຄອງ ແລະ ການຕິດຕາມກວດກາ ເກັບກຳກ່ຽວກັບກິດຈະການຖ່າຍຮູບ ໃຫ້ມີປະສິດ ທິພາບ ແລະ ມີຄວາມເປັນລະບຽບຮຽບຮ້ອຍພາຍໃນນະຄອນຫລວງພະບາງ.
ຫ້ອງການ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ນະຄອນຫລວງພະບາງ ຂໍຖືເປັນກຽດແຈ້ງການ ມາຍັງທ່ານ ນາຍບ້ານ, ພະນັກງານຂາຍປີ້ເຂົ້າຊົມແຫຼ່ງທ່ອງທ່ຽວ ຢູ່ນະຄອນຫລວງພະບາງ ຊາບວ່າ: ໃຫ້ທ່ານຊ່ວຍຕິດຕາມຜູ້ປະກອບການ ຖ່າຍຮູບເຄື່ອນທີ່ຢູ່ຕາມແຫຼ່ງທ່ອງທ່ຽວ, ຊ່າງຖ່າຍຮູບອິດສະຫລະ ທີ່ເຄື່ອນ ໄຫວຖ່າຍຮູບພິເວດດຶງ(ຄູ່ບ່າວສາວ), ຖ່າຍຮູບທົ່ວໄປ ຢູ່ຕາມແຫລ່ງທ່ອງທ່ຽວ ວັດຊຽງທອງ, ວັດວິຊຸນ, ວັດໃໝ່, ຫໍພິພິດທະ ພັນ ແລະ ແຫ່ງອື່ນໆພາຍໃນນະຄອນຫລວງພະບາງ ຖ້າຫາກພາກສ່ວນໃດ ຫລື ບຸກຄົນໃດ ຫາກບໍ່ມີບັດອະນຸຍາດດໍາເນີນກິດ ຈະການຖ່າຍຮູບ ແມ່ນບໍ່ອະນຸຍາດໃຫ້ ເຂົ້າຖ່າຍຢູ່ສະຖານທີ່ທ່ອງທ່ຽວຢ່າງເດັດຂາດ. ເລີ່ມແຕ່ວັນທີ 1 ມີນາ 2025 ເປັນ ຕົ້ນໄປ.
ສະເໜີໃຫ້ບ້ານຊ່ວຍແນະນໍາໃຫ້ເຂົ້າມາພົວພັນປະກອບເອກະສານ ເພື່ອຂໍອະນຸຍາດ ເຄື່ອນໄຫວຖ່າຍຮູບ ນໍາຫ້ອງ ການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ນະຄອນຫລວງພະບາງ ໃຫ້ຖືກຕ້ອງຕາມລະບຽບກົດໝາຍ ທີ່ວາງອອກ ໃນໂມງລັດຖະການ. ດັ່ງນັ້ນ, ຈຶ່ງອອກແຈ້ງການສະບັບນີ້ມາຍັງທ່ານເພື່ອຊາບ ແລະ ຂໍການຮ່ວມມືໃນການຈັດຕັ້ງປະຕິບັດໃຫ້ຖືກຕ້ອງ ຕາມລະບຽບການ.
ທີ່ມາ: ນະຄອນຫລວງພະບາງ
