ເລີ່ມເຈາະອຸມົງ ໂຄງການກໍ່ສ້າງເສັ້ນທາງລົດໄຟລາວ-ຈີນ ຊ່ວງຜ່ານແຂວງອຸດົມໄຊ

- Untitled design - ເລີ່ມເຈາະອຸມົງ ໂຄງການກໍ່ສ້າງເສັ້ນທາງລົດໄຟລາວ-ຈີນ ຊ່ວງຜ່ານແຂວງອຸດົມໄຊ

ພິທີເປີດການກໍ່ສ້າງເຈາະມົງຂອງໂຄງການກໍ່ສ້າງເສັ້ນທາງລົດໄຟ ລາວ-ຈີນ ຊ່ວງຜ່ານແຂວງອຸດົມໄຊ ໄດ້ມີຂຶ້ນຢ່າງເປັນທາງການໃນເຊົ້າຂອງວັນທີ 6 ເມສານີ້ ທີ່ສະໜາມພູວັດ ບ້ານທ້ຽວ ເມືອງໄຊ ແຂວງອຸດົມໄຊ ໂດຍການເຂົ້າຮ່ວມຂອງທ່ານ ເພັດສາຄອນ ຫຼວງອາໄພ ເຈົ້າແຂວງອຸດົມໄຊ, ທ່ານ ໜີ່ປ່າກວາງ ກົງສູນໃຫຍ່ແຫ່ງ ສປ ຈີນ ປະຈຳແຂວງຫຼວງພະບາງ ກໍໄດ້ເຂົ້າຮ່ວມ.

ພິທີໄດ້ເລີ່ມຈາກການທໍາພິທີທາງສາສະໜາຕາມຮີດຄອງປະເພນີຂອງລາວ ເພື່ອໃຫ້ການກໍ່ສ້າງໂຄງການດັ່ງກ່າວໄດ້ດຳເນີນໄປດ້ວຍດີ ພ້ອມໄດ້ຮັບຊົມການສະແດງສິລະປະວັນນະຄະດີຈາກກອງສິລະປະກອນແຂວງ ເພື່ອສ້າງບັນຍາກາດເບີກບານມ່ວນຊື່ນໃຫ້ແກ່ການກໍ່ສ້າງດັ່ງກ່າວ ແລະ ໃນໂອກາດນີ້, ທ່ານຮອງເຈົ້າແຂວງອຸດົມໄຊ ກໍໄດ້ຂຶ້ນມີຄວສາມຄຳເຫັນວ່າ: ໂຄງການກໍ່ສ້າງທາງລົດໄຟ ລາວ-ຈີນ ເປັນໂຄງການສຳຄັນອັນດັບໜຶ່ງ ເຊິ່ງໃນນັ້ນມີແລວທາງແລ່ນຜ່ານແຂວງອຸດົມໄຊຍາວ 126,6 ກມ ກວມເອົາ 30,6% ຂອງເສັ້ນທາງຍາວທັງໝົດ, ໃນນັ້ນກວມເອົາ 3 ສັນຍາການກໍ່ສ້າງ ຄືສັນຍາທີໜຶ່ງແມ່ນເລີ່ມແຕ່ກິໂລແມັດທີ 16+900 ຫາ ກິໂລແມັດ 68+730 (ຍາວ 51,83 ກມ) ແມ່ນບໍລິສັດວິສະວະກໍາທາງລົດໄຟເລກ 5 ເປັນຜູ້ຮັບເໝົາ, ສັນຍາທີສອງແມ່ນເລີ່ມແຕ່ ກມ ທີ 68+730 ຫາ ກມ 137+580 (ຍາວ 68,85 ກມ) ແມ່ນບໍລິສັດວິສະວະກຳສາກົນເປັນຜູ້ຮັບເໝົາ ແລະ ສັນຍາທີ 3 ແມ່ນເລີ່ມແຕ່ ກມ ທີ 137+580 ຫາ ກມ 143+500 (ຍາວ 5,92 ກມ) ໂດຍແມ່ນບໍລິສັດວິສະວະກໍາທາງລົດໄຟເລກ 8 ເປັນຜູ້ຮັບເໝົາ, ໃນນີ້ລວມມີຂົວ 57 ແຫ່ງ, ມີຄວາມຍາວທັງໝົດ 12,69 ກມ, ອຸມົງມີ 34 ຈຸດມີຄວາມຍາວທັງໝົດ 75,72 ກມ, ມີ 9 ສະຖານນີ ໃນນີ້ຢູ່ເມືອງນາໝໍ້ມີສອງຈຸດ, ເມືອງງາມີ 4 ຈຸດ ແລະ ເມືອງໄຊ 3 ຈຸດ. ນອກນີ້ຍັງໄດ້ຮັບຟັງການມີຄວາມເຫັນຂອງຜູ້ຕາງໜ້າບໍລິສັດຜູ້ຮັບເໝົາ ໂດຍໄດ້ໃຫ້ປະຕິຍານວ່າ: ຈະປະຕິບັດໂຄງການນີ້ໃຫ້ດີ ແລະ ມີປະສິດທິພາບ, ໃສ່ໃຈຄວາມປອດໄພ ແລະ ສິ່ງແວດລ້ອມ, ພາຍຫຼັງສຳເລັດພິທີທາງການແລ້ວ ທັງສອງຝ່າຍກໍໄດ້ຮ່ວມກັນຕັດແຖບຜ້າ ລັ່ນຄ້ອງ 9 ບາດ ເພື່ອເປັນສັນຍານໃຫ້ແກ່ການເປີດໂຄງການດັ່ງກ່າວ.

- Wave100S AD to Website 2020 0 - ເລີ່ມເຈາະອຸມົງ ໂຄງການກໍ່ສ້າງເສັ້ນທາງລົດໄຟລາວ-ຈີນ ຊ່ວງຜ່ານແຂວງອຸດົມໄຊ
- WhatsApp Image 2020 05 27 at 5 - ເລີ່ມເຈາະອຸມົງ ໂຄງການກໍ່ສ້າງເສັ້ນທາງລົດໄຟລາວ-ຈີນ ຊ່ວງຜ່ານແຂວງອຸດົມໄຊ
- WhatsApp Image 2020 05 27 at 5 - ເລີ່ມເຈາະອຸມົງ ໂຄງການກໍ່ສ້າງເສັ້ນທາງລົດໄຟລາວ-ຈີນ ຊ່ວງຜ່ານແຂວງອຸດົມໄຊ
error: Alert: ເນື້ອຫາຂ່າວມີລິຂະສິດ !!