14 ສິ່ງນ້ອຍໆ ທີ່ພໍ່ແມ່ຄວນເຮັດ ເພື່ອສື່ສານກັບລູກວ່າພໍ່ແມ່ຮັກລູກ

ພໍ່ແມ່ບາງຄົນອາດຈະອາຍ ແລະ ບໍ່ກ້າສະແດງອອກກັບລູກວ່າຮັກລູກ ຖ້າລູກໃຫຍ່ຂຶ້ນຄວາມຫ່າງ​ເຫີ​ນຍິ່ງເພີ່ມຂຶ້ນ ​ແລະ ລູກມີໝູ່ເພື່ອນ, ມີສັງຄົມໃຫມ່ໆທີ່ເຂົາພົບໄດ້ ອາດຈະເຮັດໃຫ້ພໍ່ແມ່ບໍ່ໄດ້ສື່ສານກັບລູກເທົ່າທີ່ຄວນ. ມາປ່ຽນນິໄສຂອງພໍ່ ແລະ ແມ່ດີກວ່າ ຫາກບໍ່ກ້າບອກກັບລູກວ່າຮັກເຂົາ ລອງມາເຮັດສິ່ງນີ້ ເພື່ອບອກກັບລູກວ່າ ເຈົ້າຮັກ ແລະ ເປັນຫ່ວງເຂົາພຽງໃດ.

1. ບໍ່ຫຼິ້ນໂທລະສັບຕອນທີ່ຢູ່ກັບລູກ: ເມື່ອພໍ່ແມ່ກັບໄປ​ເຮືອນ ຫຼື ລູກກັບມາແຕ່ໂຮງຮຽນ ພໍ່ແມ່ຄວນໃຫ້ຄວາມສໍາຄັນກັບເຂົາ ກ່ອນຈະໃສ່ໃຈໂທລະສັບ (ຖາມເລື່ອງທຸກສຸກຂອງລູກ)
2. ປິດໂທລະພາບ ຫຼື ສື່ຕ່າງໆ: ຕອນເຊົ້າຄວນເປັນເວລາທີ່ພໍ່ແມ່ຈະໄດ້ໃຫ້ເວລາກັບລູກ, ໃຫ້ກໍາລັງໃຈກ່ອນຈະອອກໄປຜະເຊີນກັບເລື່ອງລາວໃນມື້ນີ້.
3. ໃຫ້ເວລາໄລຍະກ່ອນນອນກັບລູກ: ໄລຍະທີ່ດີອີກໜຶ່ງຢ່າງກໍຄື “ກ່ອນນອນ” ຄວນເລົ່ານິທານໃຫ້ລູກຟັງກ່ອນນອນນັ້ນຈະຊ່ວຍສ້າງຄວາມສໍາພັນໃຫ້ກັບລູກ ແລະ ພໍ່ແມ່ ຍິ່ງໄປກວ່ານັ້ນຍັງຊ່ວຍເສີມສ້າງສະໝອງອີກດ້ວຍ.
4. ສະແດງຄວາມຮັກ
5. ໃຊ້ເວລາກັບລູກ: ຫຼິ້ນກິລາ, ແຕ່ງກິນ, ອ່ານໜັງສື, ລົມກັບລູກ ຫຼື ອື່ນໆ ຈົ່ງໃຊ້ເວລາກັບເຂົາໃຫ້ຄືເຈົ້າເປັນໝູ່ເພື່ອນຂອງລູກຄົນໜຶ່ງ.
6. ລົງໂທດດ້ວຍຄວາມຮັກ: ຍັງມີພໍ່ແມ່ຫຼາຍຄົນທີ່ເຊື່ອວ່າການລົງໂທດດ້ວຍວິທີຮຸນແຮງນັ້ນຈະຊ່ວຍໃຫ້ລູກຈື່ຈໍາ ແລະ ບໍ່ເຮັດອີກ ແຕ່ຮູ້ຫຼືບໍ່ວ່າ ມັນພັດກາຍເປັນການສອນໃຫ້ລູກຮຽນຮູ້ວ່າ ຄວາມຮຸນແຮງນັ້ນ ສາມາດແກ້ໄຂບັນຫາຄວາມບໍ່ເຂົ້າໃຈກັນໄດ້ ຊຶ່ງເປັນອັນຕະລາຍກັບລູກໃນອະນາຄົດຂ້າງໜ້າ ເພາະສະນັ້ນຈົ່ງລົງໂທດຢ່າງມີເຫດ ແລະ ຜົນ ແລະ ໃຫ້ເຂົາຮຽນຮູ້ຈາກຄວາມຜິດພາດນັ້ນ.
7. ຂຽນຂໍ້ຄວາມຕາຫຼົກໆ ຫຼື ໃຫ້ກໍາລັງໃຈເຂົາ: ສະໄໝນີ້ ພໍ່ແມ່ສົ່ງຂໍ້ຄວາມຫາລູກຢູ່ແລ້ວ ກໍຢ່າລືມສົ່ງແຕ່ເລື່ອງວຽກ ຈົນລືມຄົນໃນເຮືອນ.
8. ຍິ້ມໃຫ້ຫຼາຍກວ່າເກົ່າ: ພໍ່ແມ່ອາດຈະຄຽດຈາກວຽກງານ ຫຼື ຈາກເລື່ອງອື່ນໆ ຈົນລືມທີ່ຈະມີຄວາມສຸກ ການເປີດປະຕູຫ້ອງຂອງລູກໄປພ້ອມຮອຍຍິ້ມ ຈະເຮັດໃຫ້ລູກຢາກລົມນໍາຫຼາຍຂຶ້ນ ແລະ ຮູ້ສຶກສະບາຍໃຈ.
9. ຈົ່ງເປັນຕົວຢ່າງທີ່ດີ.
10. ປ່ອຍໃຫ້ລູກຕັດສິນໃຈບາງເລື່ອງດ້ວຍຕົວເອງ.
11. ໃຊ້ເວລາຫວ່າງຫຼິິິິິິິິິິິິິິິິ້ນກັບລູກ: ເດັກນ້ອຍສະໄໝນີ້ ຖືກພໍ່ແມ່ຍັດຍຽດກິດຈະກໍາດ້ານວິຊາການໃຫ້ຫຼາຍເກີນໄປ ຈົນລືມໄລຍະເວລາພັກຜ່ອນຂອງເຂົາ ທັງທີ່ການຫຼິ້ນຕ່າງໆກໍສາມາດເປັນການຮຽນຮູ້ໄດ້ເຊັ່ນກັນ ເພາະສະນັ້ັນ ຈົ່ງຫຼິ້ນກັບລູກໃຫ້ລູກໄດ້ຫົວ ແລະ ໄດ້ເປັນຕົວຂອງຕົວເອງ.
12. ເຂົ້າຫາທັນທີ ເມື່ອເຈົ້າເຫັນວ່າລູກບໍ່ສະບາຍໃຈ.
13. ເກັບຂອງຂວັນທີ່ລູກໃຫ້ໄວ້.
14. ຢ່າແຊກໃນເລື່ອງທີ່ລູກກໍາລັງເວົ້າ ແລະ ຄວນໃສ່ໃຈໃນເລື່ອງທີ່ລູກກໍາລັງເລົ່າຢູ່.