ຜູ້ຜະລິດເສື້ອຜ້າກຳປູເຈຍຮຽກຮ້ອງ ບັນດາປະເທດຢ່າລົງໂທດເພາະການເມືອງ

- advert banner 728 90 728x90 - ຜູ້ຜະລິດເສື້ອຜ້າກຳປູເຈຍຮຽກຮ້ອງ ບັນດາປະເທດຢ່າລົງໂທດເພາະການເມືອງ

ຜູ້​ຜະລິດ​ເສື້ອຜ້າກຳປູ​ເຈຍ​ຮຽກຮ້ອງ​ຜູ້​ຊື້ຕ່າງປະ​ເທດ​ຢ່າ​ຫັນ​ໄປ​ຊື້ສິນຄ້າ​ຈາກ​ບ່ອນ​ອື່ນ, ພາຍຫລັງ​ມີ​ກະ​ແສ​ກັງວົນ​ວ່າ​ກຳປູ​ເຈຍ​ອາດ​ຈະ​ຖືກ​ຕັດ​ສິດ​ພິ​ເສດ​ທາງ​ການ​ຄ້າ​ຂອງ​ສະຫະພາບ​ເອີຣົບ (EU) ​ເພື່ອ​ລົງ​ໂທດ​ທີ່​ສານ​ກຳປູ​ເຈຍ​ສັ່ງ​ຍຸບ​ພັກ​ຝ່າຍ​ຄ້ານ.

- new3 - ຜູ້ຜະລິດເສື້ອຜ້າກຳປູເຈຍຮຽກຮ້ອງ ບັນດາປະເທດຢ່າລົງໂທດເພາະການເມືອງ

ສະມາຄົມ​ຜູ້​ຜະລິດ​ເສື້ອຜ້າ​ຢູ່ກຳ​ປູ​ເຈຍ (GMAC) ​ເຊິ່ງ​ເປັນ​ຕົວ​ແທນ​ໂຮງງານ 600 ​ແຫ່ງ​ທີ່​ຈ້າງ​ແຮງ​ງານ​ຊາວ​ກຳປູ​ເຈຍ 700.000 ຄົນ ອອກ​ຖະ​ແຫລ​ງການ​ຮຽກຮ້ອງ​ຜູ້​ຊື້ຕ່າງປະ​ເທດ​ໃຫ້ການ​ສະໜັບສະໜູນ​ກຳປູ​ເຈຍ ​ແລະ ​ໂຮງງານ​ຕໍ່​ໄປ ​ເພື່ອ​ບັນລຸ​ເປົ້າໝາຍ​ທາງ​ເສດຖະກິດ ​ເລື່ອງ​ການ​ເຮັດ​ໃຫ້​ຊາວ​ກຳປູ​ເຈຍ​ທັງ​ໝົດ​ມີ​ຊີວິດ​ການ​ເປັນ​ຢູ່​ທີ່​ດີ ​ເພາະ​ທຸລະ​ກິດ​ຕັດຫຍິບ​ຊ່ວຍ​ໃຫ້​ຊາວ​ກຳປູ​ເຈຍ​ຫລາຍ​ລ້ານ​ຄົນ​ຫລຸດ​ພົ້ນຈາກ​ຄວາມທຸກ​ຍາກ. GMAC ອອກ​ຖະ​ແຫລ​ງການ​ນີ້​ພາຍຫລັງ​ອາ​ເມ​ລິ​ກາ​ຢຸດ​ການ​ສະໜັບສະໜູນ​ເລືອກ​ຕັ້ງກຳປູ​ເຈຍ​ທີ່​ຈະ​ມີ​ຂຶ້ນ​ໃນ​ວັນ​ທີ 29 ກໍລະກົດ​ປີໜ້າ ​ແລະ EU ຂູ່​ຈະ​ຕັດ​ສິດ​ພິ​ເສດ​ທາງ​ການ​ຄ້າ ​ເນື່ອງ​ຈາກ​ສານ​ກຳປູ​ເຈຍ​ມີ​ຄຳສັ່ງ​ຍຸບ​ພັກ​ກູ້​ຊາດ​ກຳປູ​ເຈຍ (CNRP) ​ໃນ​ວັນ​ທີ 16 ພະຈິກ​ແລ້ວ​ນີ້ ຕາມ​ທີ່​ລັດຖະບານ​ຍື່ນ​ຄຳ​ຮ້ອງ.

ການ​ສົ່ງ​ອອກ​ເຄື່ອງ​ຕັດຫຍິບ ​ແລະ ​ເສື້ອຜ້າ​ນຳ​ລາຍ​ຮັບ​ເຂົ້າກຳປູ​ເຈຍ​ປີ​ລະ 6.000 ລ້ານ​ໂດ​ລາ​ສະຫະລັດ ຖື​ເປັນ​ສິນຄ້າ​ສົ່ງ​ອອກ​ອັນ​ດັບ​ໜຶ່ງ​ຂອງ​ປະ​ເທດ. EU ​ເປັນ​ຕະຫລາດ​ສົ່ງ​ອອກ 40% ຂອງ​ຍອດ​ສົ່ງ​ອອກ​ໃນ​ປີຜ່ານມາ, ຮອງ​ລົງ​ມາ​ຄື​ອາ​ເມ​ລິ​ກາ 20% ​ແລະ ຈີນ 6%.

error: Content is protected !!