ຟີລິບປິນລະງັບໃຊ້ວັກແຊງປ້ອງກັນ ໄຂ້ເລືອດອອກຊຸດທຳອິດຂອງໂລກ

- 1512123690971 960x0 - ຟີລິບປິນລະງັບໃຊ້ວັກແຊງປ້ອງກັນ ໄຂ້ເລືອດອອກຊຸດທຳອິດຂອງໂລກ
- Untitled design - ຟີລິບປິນລະງັບໃຊ້ວັກແຊງປ້ອງກັນ ໄຂ້ເລືອດອອກຊຸດທຳອິດຂອງໂລກ

ຟີ​ລິບ​ປິນສັ່ງ​ລະງັບ​ການ​ໃຊ້​ວັກ​ແຊງ​ປ້ອງ​ກັນ​ໄຂ້​ເລືອດ​ອອກ​ຊຸດ​ທຳ​ອິດ​ຂອງ​ໂລກ, ພາຍຫລັງ​ຜູ້​ຜະລິດ​ເຕືອນ​ວ່າ​ວັກ​ແຊງ​ນີ້​ອາດ​ເຮັດ​ໃຫ້​ຜູ້​ບໍ່​ເຄີຍ​ຕິດ​ເຊື້ອມາ​ກ່ອນ​ມີ​ອາການ​ໜັກ​ກວ່າ​ເກົ່າ.

ທ່ານ ຊາ​ໂນ​ຟີ ຜູ້​ຜະລິດ​ຢາ​ລາຍ​ໃຫຍ່​ຂອງຝຣັ່ງ ​ແຈ້ງ​ວ່າ: ​ເດ​ງວ່າ​​ເຊຍ ​ເຊິ່ງ​ເປັນ​ວັກ​ແຊງ​ປ້ອງ​ກັນ​ໄຂ້​ເລືອດ​ອອກ​ຂອງ​ບໍລິສັດ​ອາດ​ເຮັດ​ໃຫ້​ຜູ້​ບໍ່​ເຄີຍ​ຕິດ​ເຊື້ອ​ໄວຣັດ​ໄຂ​​້​ເລືອດ​ອອກ​ມາ​ກ່ອນ​ມີ​ອາການ​ໜັກ​ກວ່າ​ເກົ່າ. ຟີ​ລິບ​ປິນ ​ເຊິ່ງ​ເປັນ​ປະ​ເທດ​ທຳ​ອິດ​ທີ່​ເລີ່​ມ​ໃຊ້​ວັກ​ແຊງ​ຊຸດ​ນີ້​ ​ໂດຍ​ໄດ້​ສັກ​ໃຫ້​ແກ່​ເດັກ​ແລ້ວ​ຫລາຍ​ກວ່າ 733.000 ຄົນ ນັບ​ແຕ່​ປີ​ກ່ອນ​ປະກາດ​ລະງັບ​ການ​ສັກ​ວັກ​ແຊງ​ນັບ​ແຕ່​ວັນ​ທີ 1 ທັນວາ. ທ່ານ ຟຣັນຊິ​ສ​ໂກ ດູ​ເກ ລັດຖະມົນຕີ​ສາທາລະນະ​ສຸກ​ຟີ​ລິບ​ປິນ ກ່າວ​ວ່າ: ກະຊວງ​ຈະ​ຫາລື​ກັບ​ຜູ້​ຊ່ຽວຊານ, ຜູ້ກ່ຽວ​ຂ້ອງ ​ແລະ ອົງການ​ອະນາ​ໄມ​ໂລກ. ​ເຖິງ​ຢ່າງ​ໃດ​ກໍ​ດີ ຮອດ​ປັດຈຸບັນ​ກະຊວງ​ຍັງ​ບໍ່​ໄດ້​ຮັບ​ລາຍ​ງານ​ວ່າ​ມີ​ຜູ້​ຮັບ​ວັກ​ແຊງ​ຕິດ​ເຊື້ອ​ໄຂ້​ເລືອດ​ອອກ​ຮຸນ​ແຮງ ​ແລະ ການ​ທີ່​ທ່ານ ຊາ​ໂນ​ຟີ ​ແຈ້ງວ່າ: ວັກ​ແຊງ​ນີ້​ເປັນ​ປະ​ໂຫຍ​ດຕໍ່​ຜູ້​ເຄີຍ​ຕິດ​ເຊື້ອ​ໄຂ້​ເລືອດ​ອອກ​ມາ​ກ່ອນ, ​ແຕ່​ຜູ້​ທີ່​ບໍ່​ເຄີຍ​ຕິດ​ເຊື້ອມາ​ກ່ອນ​ອາດ​ມີ​ອາການ​ໜັກ​ກວ່າ​ເກົ່າ​ເມື່ອ​ຕິດ​ເຊື້ອ​ໃນ​ພາຍຫລັງ, ນັ້ນບໍ່​ໄດ້ໝາຍ​ຄວາມ​ວ່າ​ຈະ​ເກີດ​ຂຶ້ນກັບ​ທຸກ​ຄົນ. ​ເຖິງ​ຢ່າງ​ໃດ​ກໍ​ຕາມ, ກະຊວງ​ຈະ​ເພີ່ມ​ການ​ເຝົ້າຕິດຕາມ​ຜູ້​ຮັບ​ວັກ​ແຊງ ​ແລະ ຈະ​ສືບສວນ ຖ້າ​ພົບ​ວ່າ​ມີ​ຜູ້​ປ່ວຍ​ໜັກ​ຫລັງ​ສັກ​ວັກ​ແຊງ. ປີຜ່ານມາ​ຟີ​ລິບ​ປິນມີ​ຜູ້​ເສຍ​ຊີວິດ​ເພາະ​ພະຍາດ​ໄຂ້​ເລືອດ​ອອກ​ກວ່າ​ພັນ​ຄົນ​ຈາກ​ຜູ້​ຕິດ​ເຊື້ອກວ່າ 21.000 ຄົນ.

- Wave100S AD to Website 2020 0 - ຟີລິບປິນລະງັບໃຊ້ວັກແຊງປ້ອງກັນ ໄຂ້ເລືອດອອກຊຸດທຳອິດຂອງໂລກ

ສ່ວນ​ອົງການ​ອະນາ​ໄມ​​ໂລກ​ຖະ​ແຫລ​ງວ່າ: ​ເພື່ອ​ເປັນ​ການ​ປ້ອງ​ກັນ​ລ່ວງ​ໜ້າ ​ຂໍ​ແນະນຳ​ໃຫ້​ໃຊ້​ວັກ​ແຊງ​ເດ​ງວາ​ເຊຍ​ກັບ​ຜູ້​ທີ່​ເຄີຍ​ຕິດ​ເຊື້ອມາ​ກ່ອນ​ເທົ່າ​ນັ້ນ. ກຸ່ມ​ທີ່​ປຶກສາ​ເລື່ອງ​ວັກ​ແຊງ​ຂອງ​ອົງການ​ອະນາ​ໄມ​ໂລກ​ຈະ​ຫາລື​ພາຍ​ໃນ​ສອງ​ອາທິດ​ວ່າ​ຄວນ​ຢຸດ​ການ​​ໃຊ້​ວັກ​ແຊງ​ຊຸດ​ນີ້​ຕໍ່​ໄປ ຫລື ບໍ່.

- WhatsApp Image 2020 05 27 at 5 - ຟີລິບປິນລະງັບໃຊ້ວັກແຊງປ້ອງກັນ ໄຂ້ເລືອດອອກຊຸດທຳອິດຂອງໂລກ
- WhatsApp Image 2020 05 27 at 5 - ຟີລິບປິນລະງັບໃຊ້ວັກແຊງປ້ອງກັນ ໄຂ້ເລືອດອອກຊຸດທຳອິດຂອງໂລກ
error: Alert: ເນື້ອຫາຂ່າວມີລິຂະສິດ !!