ລູກທໍລະພີ ກິນເຫລົ້າເມົາແລ້ວທຳຮ້າຍຮ່າງກາຍແມ່ຈົນເສຍຊີວິດ ເຄີຍຈູດເຮືອນຕົນເອງມາແລ້ວເທື່ອໜຶ່ງ

ເຈົ້າໜ້າທີ່ ປກສ ແຂວງສາລະວັນ ລາຍງານ ຕໍ່ໜັງສືພິມຄວາມສະຫງົບວ່າ: ເວລາ 14:30 ນາທີ 15 ກຸມພາ 2025 ເກີດເຫດຊາຍໜຸ່ ຜິດຖຽງກັນກັບແມ່ ແລ້ວທຳຮ້າຍຮ່າງກາຍແມ່ຈົນເສຍຊີວິດ ຢູ່ບ້ານ ວັງເປືອຍ ເມືອງເລົ່າງາມ ແຂວງສາລະວັນ.

ຜູ້ກໍ່ເຫດຊື່ທ້າວ ສິນອາຍຸ 40 ປີ ໄດ້ດື່ມເຫລົ້າ ກັບຄົນບ້ານດຽວກັນຈົນເມົາ, ແລ້ວເກີດເຫດຜິດຖຽງກັນ ກັບ ນາງ ຈັນໄທ ອາຍຸ 68 ປີ (ຜູ້ເປັນແມ່) ແລ້ວໃຊ້ງ່າກົກລຳໄຍ ຍາວປະມານ 50 ຊັງຕີແມັດ, ຕີໃສ່ງ່ອນ ຂອງແມ່ຈົນເຮັດໃຫ້ຫົວແຕກ.

ຈາກນັ້ນ, ທ້າວ ສິນ ກໍໄດ້ຍ່າງອອກຈາກເຮືອນໄປ, ຕໍ່ມາກຫລານຂອງແມ່ເຖົ້າ ຈັນໄທ, ມາເຫັນແລ້ວຮ້ອງບອກພໍ່,ແມ່ ແລ້ວພາ ນາງ ຈັນໄທ ໄປໂຮງຫມໍ ແຕ່ກໍ່ບໍ່ສາມາດ ຊ່ວຍຊີວິດໄດ້ນາງ ຈັນໄທ ແມ່ນໄດ້ເສຍຊີວິດ.

ເຈົ້າໜ້າທີ່ຈຶ່ງໄດ້ຈັບຕົວຜູ້ກໍ່ເຫດມາສອບສວນ ແລະ ດຳເນີນຄະດີຕາມກົດໝາຍ ໂດຍຜູ້ກ່ຽວມີປະຫວັດ ຕິດຢາເສບຕິດຢ່າງຮຸນແຮງ, ອາລະວາດຄອບຄົວ, ເຄີຍຈູດເຮືອນເອງ ແລະ ເຄຍຖືກດັດສ້າງທີ່ສູນບັງເຍາະ 1ຄັ້ງ ແລະ ໄປບຳບັດ ຢູ່ຄ້າຍຄຸມຂັງນາໄຊ 1 ຄັ້ງ.