ຫ້ອງການກອງທຶນປະກັນສັງຄົມ ປຶກສາຫາລືເພື່ອຄວາມເປັນເອກະພາບໃນວຽກງານ
ວັນທີ 29 ພະຈິກ-2 ທັນວາຜ່ານມານີ້, ຫ້ອງການກອງທຶນປະກັນສັງຄົມແຫ່ງຊາດ ໄດ້ຈັດກອງປະຊຸມປຶກສາຫາລືວຽກງານປະກັນສັງຄົມ ຂຶ້ນທີ່ແຂວງວຽງຈັນ, ໂດຍການເປັນປະທານຂອງທ່ານ ຄຳແກ້ວ ສານບຸນຄູນໄຊ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ.
ທ່ານ ປະເດີມພອນ ສົນທະນີ ອຳນວຍການຫ້ອງການກອງທຶນປະກັນສັງຄົມ ກ່າວວ່າ: ເພື່ອຄວາມເປັນເອກະພາບໃນຈັດຕັ້ງປະຕິບັດວຽກງານຂອງຕົນໃນຕໍ່ໜ້າ, ພາຍຫລັງ ລະບົບປະກັນສັງຄົມ ໄດ້ໂຮມໂຕເຂົ້າກັນເປັນກອງທຶນປະກັນສັງຄົມແຫ່ງຊາດມາຕັ້ງ ແຕ່ປີ 2015, ຫ້ອງການກອງທຶນປະກັນສັງຄົມແຫ່ງຊາດ ກໍໄດ້ຕັ້ງໜ້າໃນການຄົ້ນຄວ້າ, ປັບປຸງ ແລະ ພັດທະນາລະບອບກົນໄກການຄຸ້ມຄອງບໍລິຫານ ແລະ ການສະໜອງບໍລິ ການແກ່ຜູ້ປະກັນຕົນຢ່າງເປັນລະບົບ ແລະ ຮັບປະກັນການຈ່າຍເງິນອຸດໜູນຕ່າງໆ ໄດ້ທ່ວງທັນເວລາ, ໂດຍສະເພາະກົນໄກການຈ່າຍເງິນບຳນານ, ເສຍອົງຄະ ແລະ ສະມາຊິກຄອບຄົວຂອງພາກລັດຖະກອນຜ່ານລະບົບ ATM ຂອງທະນາ, ການຄຸ້ມຄອງລາຍຮັບ-ລາຍຈ່າຍລວມສູນຜ່ານຄັງເງິນແຫ່ງຊາດເຊັ່ນ: ທະບຽນ, ເງິນສົມທົບ, ຂໍ້ມູນຂ່າວສານການແພດ (ATD) ແລະ ໂປຼແກຼມບັນຊີ ກໍໄດ້ຮັບການປັບປຸງ ແລະ ພັດທະນາ, ຊຶ່ງຈະໄດ້ນໍາເອົາໄປໃຫ້ບັນດາສູນ ບໍລິການນຳໃຊ້ໃນສົກປີ 2018 ນີ້.
ຜ່ານການຮັບຟັງລາຍງານຈາກຫ້ອງການກອງທຶນ, ໃນການຈັດຕັ້ງປະຕິບັດວຽກ ງານໃນ 10 ເດືອນ ສົກປີ 2017 ເຫັນວ່າມີຫລາຍດ້ານສາມາດເຮັດໄດ້ດີ ແລະ ຄາດວ່າ ໃນທ້າຍປີນີ້ ຈະສາມາດບັນລຸໄດ້ຕາມລະດັບຄາດໝາຍທີ່ວາງໄວ້ ແຕ່ຄຽງຄູ່ກັນນັ້ນ ກໍ່ຍັງມີບາງດ້ານຍັງມີປະສິດທິພາບຕ່ຳ, ໂດຍສະເພາະແມ່ນການຂະຫຍາຍຂອບເຂດ ການຄຸ້ມຄອງຂອງລະບົບປະກັນສັງຄົມ, ຊຶ່ງແມ່ນພາລະກິດຫລັກທີ່ໄດ້ກໍານົດແຈ້ງໃນ ແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນພັດທະນາວຽກງານແຮງງານ ແລະ ສະຫວັດດີການສັງຄົມ. ເນື່ອງມາຈາກຫລາຍປັດໄຈທັງໃນຕົວ ແລະ ນອກຕົວຂອງມັນ, ລວມທັງມາດຕະການບັງຄັບ, ການກຳນົດແຜນງານຂອງກຸ່ມເປົ້າໝາຍແຕ່ລະແຂວງບໍ່ສອດຄ່ອງ ແລະ ອື່ນໆ. ແຕ່ແນວໃດກໍ່ຕາມພວກ ທ່ານກໍ່ໄດ້ຈິງໃຈແລກປ່ຽນບັນຫາຮ່ວມກັນຕື່ມອີກ ເພື່ອທຸກຄົນ ຈະໄດ້ນໍາເອົາບັນຫາທີ່ໄດ້ປຶກສາຫາລື ແລະ ຕົກລົງຮ່ວມກັນນີ້ໄປເຜີຍແຜ່ຕໍ່ອ້າຍເອື້ອຍນ້ອງວິຊາ ການ ແລະ ພາກສ່ວນຕ່າງໆທີ່ກ່ຽວຂ້ອງໃຫ້ເຂົ້າໃຈເລິກເຊິງ ແລະ ພ້ອມກັນຈັດຕັ້ງ ປະຕິບັດໃຫ້ສໍຳເລັດຜົນຕາມລະດັບຄາດໝາຍ.
