ຄົນຕາບອດອາດມີປະສາດສຳຜັດໃນການຟັງທີ່ດີກ່ວາ

- advert banner 728 90 728x90 - ຄົນຕາບອດອາດມີປະສາດສຳຜັດໃນການຟັງທີ່ດີກ່ວາ

ນັກວິໄຈສະຫະລັດອາເມລິກາວິໄຈຄົ້ນຫາຄຳຕອບໃນເລື່ອງຄົນທີ່ພິການທາງສາຍຕາມີປະສາດສຳຜັດດ້ານການໄດ້ຍິນດີກ່ວາຄົນປົກກະຕິແທ້ຫລືບໍ່ ໂດຍຄະນະນັກວິໄຈຊຸດນີ້ໃຊ້ວິທີຫລຸດຄວາມສາມາດທາງການເບິ່ງເຫັນຂອງໜູທົດລອງ ໂດຍການປ່ອຍໜູ ທົດລອງທີ່ມີປະສາດສຳຜັດປົກກະຕິດີເຂົ້າໄປໃນຫ້ອງມືດ ແລະ ໃຫ້ອາສາສະໝັກຢູ່ໃນນັ້ນເປັນເວລາ 1 ອາທິດເຕັມ, ຫລັງຈາກຄົບ 1 ອາທິດ ນັກວິໄຈໄດ້ເອົາໜູທົດລອງໂຕນັ້ນມາວັດແທກຄວາມສາມາດໃນການໄດ້ຍິນ ແລ້ວປະມວນຜົນ ເຊິ່ງການທົດລອງພົບວ່າ ໜູທົດລອງໂຕນັ້ນມີປະສາດສຳຜັດດ້ານການໄດ້ຍິນດີຂຶ້ນ ແລະ ການເຊື່ອມໂຍງຂອງວົງຈອນຄວບຄຸມການໄດ້ຍິນໃນສະໝອງກໍປ່ຽນໄປນຳ ຜົນຮັບທີ່ອອກມານັ້ນໜ້າແປກໃຈ ເພາະສະແດງໃຫ້ເຫັນເຖິງການປັບໂຕຢ່າງຈະແຈ້ງວ່າ ຫາກຄວາມສາມາດທາງການເບິ່ງເຫັນຫລຸດລົງ ຄວາມສາມາດທາງການໄດ້ຍິນຈະເພີ່ມຂຶ້ນ.

- new3 - ຄົນຕາບອດອາດມີປະສາດສຳຜັດໃນການຟັງທີ່ດີກ່ວາ

ນັກວິໄຈລະບຸວ່າໜູທົດລອງທີ່ຜ່ານປະສົບການຢູ່ໃນຫ້ອງມືດມານັ້ນ ມີພັດທະນາການເຊື່ອມໂຍງຂອງລະບົບປະສາດຫລາຍຂຶ້ນຈົນສາມາດໄຈ້ແຍກສຽງໃນລະດັບຕ່າງໆໄດ້ດີຂຶ້ນ ແລະ ຍັງໄດ້ຍິນສຽງເບົາໆໄດ້ດີຂຶ້ນນຳອີກ ໂດຍສຽງທີ່ໜູທົດລອງໄດ້ຍິນນັ້ນເປັນສຽງທີ່ໜູເຕີບໃຫຍ່ມາຢ່າງປົກກະຕິບໍ່ສາມາດບອກໄດ້ວ່າໜູທົດລອງທີ່ຖືກປ່ອຍໃຫ້ຢູ່ໃນຫ້ອງມືດນັ້ນສາມາດໄຈ້ແຍກຄວາມຖີ່ຂອງຄື້ນສຽງໄດ້ດີຂຶ້ນ ແລະ ຫາກເປັນແນວນັ້ນແທ້ ການຄົ້ນພົບເທື່ອນີ້ກໍຈະເປັນປະໂຫຍດສຳຄັນສຳລັບຜູ້ມີບັນຫາດ້ານການໄດ້ຍິນປະມານ 360 ລ້ານຄົນທົ່ວໂລກຢ່າງແນ່ນອນ.

- lattana 1 - ຄົນຕາບອດອາດມີປະສາດສຳຜັດໃນການຟັງທີ່ດີກ່ວາ
error: Content is protected !!