ພືດຊະນິດໃດແດ່ດີຕໍ່ລະບົບຍ່ອຍອາຫານ ?

ສຳລັບທ່ານໃດທີ່ມັກມີບັນຫາໃນເລື່ອງຂອງການຍ່ອຍອາຫານ ແລະ ການດູດຊຶມອາຫານຢູ່ຕະຫລອດ ທຸກໆຄາບອາຫານລອງກິນຜັກ ຫລື ພືດພື້ນເມືອງເຫລົ່ານີ້ ຈະຊ່ວຍຫລຸດອາການໃນຜົ້ງທ້ອງໄດ້ດີ.

  1. ໝາກເຜັດຂີ້ໜູ : ຄວາມເຜັດຮ້ອນຂອງໝາກເຜັດຊ່ວຍໃຫ້ຜົ້ງປາກຫລັ່ງນຳ້ລາຍອອກມາຫລາຍຂຶ້ນ ຈຶ່ງເຮັດໃຫ້ແປ້ງຖືກ ຍ່ອຍ ແລະ ດູດຊຶມໃນປາກໄດ້ດີ, ກະເພາະອາຫານ ແລະ ລຳໄສ້ ຈຶ່ງເຮັດວຽກໜ້ອຍລົງ.
  2. ຜັກກະເພົາ : ເຖິງວ່າເຂົ້າຜັດກະເພົາຈະເປັນອາຫານກິ່ນຂິວສຳລັບບາງຄົນ, ແຕ່ສັບພະຄຸນຂອງຜັກຊະນິດນີ້ມີເຫລືອຫລາຍ ເພາະຊ່ວຍໃຫ້ກະເພາະອາຫານໄລ່ນຳ້ບີອອກມາຫລາຍຂຶ້ນ ຈຶ່ງສາມາດຍ່ອຍອາຫານເຮົາໄດ້ຫລາຍຂຶ້ນ, ຊ່ວຍຍ່ອຍໄຂມັນ ແລະ ລະບາຍແກ໊ສໄດ້ ຈຶ່ງຫລຸດອາການຈຸກແໜ້ນໄປໃນໂຕ.
  3. ຜັກທຽມ : ການກິນຜັກທຽມດິບທັນທີຫລັງອາຫານຈະຊ່ວຍໃຫ້ກະເພາະອາຫານຂອງທ່ານຍ່ອຍອາຫານໄດ້ດີຂຶ້ນ ເໝາະ ສົມກັບຜູ້ທີ່ມີບັນຫາກະເພາະບໍ່ຍ່ອຍອາຫານ ແລ້ວຍັງຊ່ວຍແກ້ອາການຍື່ງທ້ອງ, ໄລ່ລົມໄດ້ນຳ.
  4. ຜັກອີ່ຕູ່ : ເປັນຢາຊ່ວຍຍ່ອຍທີ່ດີຫລາຍ ທັງຍັງຊ່ວຍຫລຸດຜ່ອນອາການຍື່ງທ້ອງ, ແໜ້ນທ້ອງໄດ້ພຽງແຕ່ກິນໃບຜັກອີ່ຕູ່ດິບ ຄາບລະ4 – 5 ໃບ ຈະສະບາຍທ້ອງຂຶ້ນ.
  5. ຫົວຜັກບົ່ວແດງ : ມີສານຟລາໂວນອຍ, ເພັກຕິນ, ໄກລໂຄໄຊ ແລະ ກລູໂຄຄິນິນຫລາຍ ຊ່ວຍບຳລຸງລຳໄສ້ ແລະ ຊ່ວຍຍ່ອຍອາຫານ ເຮັດໃຫ້ຈະເລີນອາຫານ ຫລື ກິນເຂົ້າແຊບນຳອີກ.
  6. ຫົວສີໄຄ : ຫາກກິນດິບໆເຮັດໃຫ້ຮູ້ສຶກວ່າກິນຍາກ ລອງເອົາມາຊອຍແລ້ວຕຳ ຫລື ເອົາມາເຮັດເປັນນຳ້ຊາຫົວສີໄຄດື່ມກໍໄດ້ ຈະຊ່ວຍໄລ່ນຳ້ບີອອກມາຍ່ອຍອາຫານ, ປິ່ນປົວອາການເຈັບກະເພາະ ແລະ ຊ່ວຍໄລ່ນຳ້ຍ່ຽວໄດ້.

  • 1093 Posts
  • 0 Comments
iLike/LPN/20
error: Alert: Content is protected !!