ນອນເດິກຕື່ນສວາຍເຮັດໃຫ້ພູມຕ້ານທານອ່ອນແອ

- advert banner 728 90 728x90 - ນອນເດິກຕື່ນສວາຍເຮັດໃຫ້ພູມຕ້ານທານອ່ອນແອ

ຈາກປົກກະຕິທີ່ຕ້ອງຕື່ນເຊົ້າໄປເຮັດວຽກ ຫລື ໄປໂຮງຮຽນ ນັບແຕ່ວັນຈັນເຖິງວັນສຸກນັ້ນ ເມື່ອຮອດວັນເສົາ – ອາທິດ ກໍມັກຈະພັກຜ່ອນ, ເບິ່ງຮູບເງົາຈົນເດິກດື່ນແລ້ວຕື່ນສວາຍ ຫລື ຕື່ນຕອນທ່ຽງເລີຍກໍມີ, ບາງຄົນກໍເອົາວັນເສົາ – ອາທິດໄວ້ສຳລັບນອນຊົດເຊີຍກໍມີ ເຊິ່ງການນອນເດິກຕື່ນສວາຍເຖິງຈະເປັນໃນມື້ພັກກໍຕາມ ລ້ວນແຕ່ສ້າງບັນຫາໃຫ້ກັບສຸຂະພາບໄດ້ຄືກັນ ເພາະເປັນວົງຈອນທີ່ຜິດທຳມະຊາດ ຍິ່ງຖ້ານອນເດິກຕື່ນສວາຍຫລາຍໆ ເຊັ່ນ : ຕື່ນຫລັງຈາກ 9:00 ໂມງໄປແລ້ວ ອາດເຮັດໃຫ້ຮ່າງກາຍທ່ານມີບັນຫາໄດ້ດັ່ງຕໍ່ໄປນີ້ :

- new3 - ນອນເດິກຕື່ນສວາຍເຮັດໃຫ້ພູມຕ້ານທານອ່ອນແອ
  1. ຕື່ນສວາຍກໍບໍ່ໄດ້ກິນເຂົ້າເຊົ້າ ເພາະຄາບນີ້ເປັນຄາບສຳຄັນທີ່ສຸດ ເຖິງວ່າທ່ານຈະນອນຈົນກາຍເວລາກິນເຂົ້າເຊົ້າໄປຈົນບໍ່ຮູ້ສຶກຫິວເລີຍ, ແຕ່ຮ່າງກາຍຂອງທ່ານຍັງຕ້ອງການເຂົ້າເຊົ້າຢູ່ ເຂົ້າເຊົ້າເປັນຄາບທີ່ຈະໄດ້ຮັບການດູດຊຶມໄດ້ດີທີ່ສຸດ ເພື່ອສົ່ງໄປຫລໍ່ລ້ຽງອະໄວຍະວະຕ່າງໆ ຫາກທ່ານບໍ່ກິນເຂົ້າເຊົ້າ ແຕ່ຂ້າມໄປກິນເຂົ້າແລງແທນ ຮ່າງກາຍຈະຍ່ອຍ ແລະ ດູດຊຶມໄດ້ບໍ່ດີ, ອະໄວຍະວະຕ່າງໆແທນທີ່ຈະໄດ້ພັກຜ່ອນຕາມເວລາກໍຕ້ອງລຸກຂຶ້ນມາເຮັດວຽກ ກໍເຮັດວຽກໄດ້ບໍ່ເຕັມທີ່, ພະລັງງານຈຶ່ງເຫລືອຕົກຄ້າງຢູ່ໃນຮ່າງກາຍຫລາຍ ເຊິ່ງຈະສະສົມຈົນກາຍເປັນພະຍາດຕຸ້ຍໄດ້ໃນທີ່ສຸດ.
  2. ໃນຕອນເຊົ້າອາກາດໃນຫ້ອງນອນຈະເປັນພິດຫລາຍທີ່ສຸດ ຈຶ່ງຄວນລຸກຂຶ້ນມາເປີດປ່ອງຢ້ຽມລະບາຍອາກາດ, ປ່ອຍໃຫ້ແສງຕາເວັນສ່ອງເຂົ້າໄປທຳລາຍເຊື້ອພະຍາດ ແລະ ລະບາຍອາກາດບໍ່ດີອອກໄປຈາກຫ້ອງ ຫາກມີແຕ່ນອນໝົກໂຕຢູ່ໃນຫ້ອງຈະເຮັດໃຫ້ເປັນພະຍາດພູມແພ້, ໄອ ແລະ ອື່ນໆ ຍິ່ງຖ້າຫ້ອງນອນເໝັນອັບ, ເປິເປື້ອນ, ອາກາດຖ່າຍເທບໍ່ດີ, ບໍ່ໄດ້ຮັບແສງແດດຊ່ວຍຊ້າເຊື້ອແດ່ ກໍຈະເຮັດໃຫ້ບໍ່ສະບາຍ, ເຈັບປ່ວຍຕະຫລອດໄດ້.
  3. ສຳລັບໃຜທີ່ຕ້ອງເຮັດວຽກເດິກໆນັ້ນ ແນະນຳໃຫ້ນອນກ່ອນ ເພື່ອເກັບພະລັງງານໄວ້ແລ້ວຕື່ນເຊົ້າໄປເຮັດວຽກ ຈະເຮັດໄດ້ດົນກ່ວາ ສະໝອງປອດໂປ່ງກ່ວາ, ການດື່ມກາເຟໃຫ້ຕາແຈ້ງເຖິງເວລາ 3:00 – 4:00 ໂມງເຊົ້ານັ້ນເປັນການດຶງເອົາພະລັງານທີ່ບໍ່ໄດ້ຖືກສະສົມໄວ້ມາໃຊ້ ເມື່ອດົນໄປຈຶ່ງເຮັດໃຫ້ຮ່າງກາຍເສື່ອມໂຊມໄດ້.

4. ການນອນເດິກຕື່ນສວາຍປຽບດັ່ງການໃຊ້ຊີວິດຜິດດ່ຽງກັບວິຖີທີ່ຮ່າງກາຍຄວນຈະເປັນ ຈຶ່ງບໍ່ແປກຫຍັງທີ່ຜູ້ມີພຶດຕິກຳເຫລົ່ານີ້ມັກຈະມີຮ່າງກາຍອ່ອນແອ ຫລື ເປັນພະຍາດຕິດເຊື້ອໄດ້ງ່າຍ. ດັ່ງນັ້ນ, ກ່ອນທ່ີຮ່າງກາຍຈະເສື່ອມໂຊມຫລາຍກ່ວານີ້ ເຮົາຄວນຫັນມາບໍລິຫານຕາຕະລາງເວລາໃໝ່ເພື່ອແກ້ໄຂສຸຂະພາບທີ່ເສຍໄປແລ້ວນັ້ນໃຫ້ກັບຄືນມາ ກ່ອນທີ່ອັນໃດມັນຈະສວາຍເກີນໄປດີກ່ວາ.

error: Content is protected !!