ບຸນຊ້າງປີ 2018 ຈະມີຊ້າງເຂົ້າຮ່ວມສະແດງ 69 ເຊືອກ

- advert banner 728 90 728x90 - ບຸນຊ້າງປີ 2018 ຈະມີຊ້າງເຂົ້າຮ່ວມສະແດງ 69 ເຊືອກ

ມະຫາກຳບຸນຊ້າງແຂວງໄຊຍະບູລີ ເປັນບຸນປາງໃຫຍ່ ເປັນເອກະລັກຂອງແຂວງ ແລະ ເປັນແຂວງດຽວທີ່ຈັດງານບຸນດັ່ງກ່າວພາຍໃນປະເທດລາວ, ຊຶ່ງຈະຈັດຂຶ້ນໃນເດືອນກຸມພາຂອງທຸກໆປີ. ເພື່ອເປັນການອະນຸລັກຮັກຊ້າງລາວ ທີ່ເປັນມູນມໍລະດົກ ແລະ ມິ່ງຂວັນຄູ່ບ້ານຄູ່ເມືອງ, ທັງເປັນການສືບຕໍ່ຮັກສາວັດທະນະທຳ, ຮີດຄອງປະເພນີອັນດີງາມ ແລະ ວິຖີດຳລົງຊີວິດຂອງປະຊາຊົນບັນດາເຜົ່າຂອງແຂວງໄຊຍະບູລີທີ່ຕິດພັນກັບຊ້າງມາແຕ່ອະດີດຕະການໃຫ້ຍືນຍົງຕະຫລອດໄປ.

- new3 - ບຸນຊ້າງປີ 2018 ຈະມີຊ້າງເຂົ້າຮ່ວມສະແດງ 69 ເຊືອກ

ທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ທັງເປັນປະທານຈັດງານມະຫາກຳບຸນຊ້າງ ໄດ້ໃຫ້ຮູ້ວ່າ: ການຈັດງານມະຫາກຳບຸນຊ້າງໄຊຍະບູລີ ປະຈຳປີ 2018 ນີ້ ຈະໄດ້ດຳເນີນໄປເປັນເວລາ 7 ວັນ ແລະ ຈະເປີດງານຢ່າງເປັນທາງການໃນວັນທີ17 ກຸມພາ, ໂດຍຈະມີຊ້າງເຂົ້າຮ່ວມທັງໝົດ 69 ເຊືອກ. ສຳລັບຕະຫລາດນັດວາງສະແດງສິນຄ້າແມ່ນຈະເລີ່ມເປີດໃຫ້ບໍລິການນັບແຕ່ວັນທີ 16 ກຸມພາເປັນຕົ້ນໄປ. ພ້ອມທັງກຳນົດເອົາງານບຸນດັ່ງກ່າວເປັນການເປີດປີທ່ອງທ່ຽວຂອງແຂວງໄຊຍະບູລີ ຢ່າງເປັນທາງການ, ສຳລັບກິດຈະກຳຫລັກຂອງການຈັດງານແມ່ນຈະເນັ້ນໃສ່ກິດຈະກຳທີ່ຕິດພັນກັບຊ້າງ ແລະ ການອານຸລັກຊ້າງ, ໂດຍສະເພາະການສະແດງຂອງຊ້າງຄຳຮູ້, ຊຶ່ງຈະຍົກລະດັບໃຫ້ມີຄວາມຫລາກຫລາຍກວ່າປີຜ່ານມາ ແລະ ໃນແຕ່ລະວັນຂອງການຈັດງານແມ່ນຈະຈັດໃຫ້ມີກິດຈະກຳທ່ອງທ່ຽວແຫລ່ງທຳມະຊາດທີ່ສວຍງາມ, ທ່ຽວຊົມຮີດຄອງປະເພນີວັດທະນະທຳຂອງປະຊາຊົນບັນດາເຜົ່າທີ່ເປັນເອກະລັກຂອງແຂວງເຊັ່ນ: ຖ້ຳນ້ຳທັ່ງ, ຖ້ຳຜາຂີ້ມິ້ນ, ຖ້ຳລະຄັງສະຫວັນ, ກົກໄມ້ຂ່າໃຫຍ່ຫລາຍຮ້ອຍປີ, ນ້ຳຕົກຕາດເຈົ້າ, ຢ້ຽມຊົມວິຖີຊີວິດຂອງເຜົ່າຕອງເຫລືອງ, ວັດທະນະທຳເຜົ່າລື້, ເຜົ່າອື່ນໆ ແລະ ຊົມທະເລໝອກ-ຊີມຊາພັນປີຂອງເມືອງໄຊສະຖານ. ນອກນີ້ ຍັງມີກິດຈະກຳພິທີເຮັດບຸນຕັກບາດອຸທິດກຸສົນໃຫ້ຊ້າງ, ການວາງສະແດງສິນຄ້າໜຶ່ງເມືອງໜຶ່ງຜະລິດຕະພັນ, ການຈຳໜ່າຍສິນຄ້າກະສິກຳ, ຫັດຖະກຳ, ອຸດສາຫະກຳປຸງແຕ່ງທີ່ເປັນເອກະລັກຂອງທ້ອງຖິ່ນ, ການສະແດງສິລະປະວັນນະຄະດີຈາກພາກສ່ວນຕ່າງໆ. ໃນໂອກາດນີ້ ທ່ານ ຍັນຍົງ ສີປະເສີດ ໄດ້ເຊີນຊວນນັກທ່ອງທ່ຽວຈາກພາຍໃນ ແລະ ຕ່າງປະເທດເຂົ້າມາທ່ຽວມາຊົມງານມະຫາກຳບຸນຊ້າງຢູ່ແຂວງໄຊຍະບູລີດ້ວຍຄວາມເບີກບານມ່ວນຊື່ນດ້ວຍ.

error: Content is protected !!