ທ່ຽວຫລວງພະບາງ

ຫລວງພະບາງເປັນ ແຂວງ ໜຶ່ງທີ່ຕັ້ງຢູ່ທາງ ພາກ ເໜືອຂອງ ສປປ ລາວ ມີເນື້ອທີ່ ທັງໝົດປະມານ 18.000 ກິໂລ ແມັດ, ມີພົນລະເມືອງອາໄສ ຢູ່ປະມານ 4 ແສນຄົນ ແລະ ປະກອບດ້ວຍ 12 ເມືອງຄື: ເມືອງຫລວງພະບາງ, ເມືອງ ຊຽງເງິນ, ເມືອງນານ, ເມືອງ ປາກອູ, ເມືອງນ້ຳບາກ, ເມືອງ ງອຍ, ເມືອງປາກແຊງ, ເມືອງ ໂພນໄຊ, ເມືອງຈອມເພັດ, ເມືອງ ວຽງຄຳ, ເມືອງໂພນທອງ ແລະ ເມືອງພູຄູນແລະສະເພາະເມືອງ ຫລວງພະບາງໄດ້ຮັບຮອງເອົາ ເປັນເມືອງມໍລະດົກ ໂລກມາກວ່າ 20 ປີແລ້ວ. ຫລວງພະບາງເປັນ ແຂວງທີ່ເຕັມໄປດ້ວຍ ມົນສະເໜ່ແຫ່ງດິນແດນຂອງເຂດພູດອຍ ໃຜໆ ໄດ້ມີໂອກາດ ໄປເຫັນກໍ ຈະຫລົງໄຫລ, ຕິດອົກຕິດໃຈ ກັບຄວາມງົດງາມຂອງທຳມະ ຊາດເລົ່ານັ້ນ.

+ຟາມພູຕາເວັນແຫລ່ງທ່ອງທ່ຽວທີ່ປະທັບໃຈແຫ່ງໃໝ່

+ ທ່ຽວຊົມວັດພະບາດແອວຂັນແລ້ວພາກັນມາຂີ່ເຮືອແພທ່າງ່ອນ

ເຖິງວ່າຕົວເມືອງຫລວງ ພະບາງຈະນ້ອຍ ແຕ່ສິ່ງທີ່ເຮັດ ໃຫ້ຫລວງພະບາງແຕກຕ່າງ ຈາກບ່ອນອື່ນແມ່ນປະເພນີວັດທະນະທຳ ແລະ ວິຖີດຳລົງຊີ ວິດແບບດັ່ງເດີມຂອງ “ເມືອງ ຫລວງ” ລວມທັງສະຖາປັດຕະ ຍະກຳອັນເກົ່າແກ່ທີ່ຍັງຖືກປົກ ປັກຮັກສາໄວ້ຢ່າງດີຈາກສິ່ງນີ້ ເມືອງດັ່ງກ່າວຈິ່ງໄດ້ຮັບຮອງ ເປັນເມືອງມໍລະດົກໂລກທາງ ດ້ານວັດທະນະທຳ. ເມື່ອນັກ ທ່ອງທ່ຽວໄດ້ເດີນທາງໄປຮອດ ຫລວງພະບາງແລ້ວຈະໄດ້ສຳ ຜັດໄດ້ເຖິງກິ່ນອາຍແຫ່ງອະດິດ ແລະ ບັນຍາກາດທີ່ເປັນເອກະ ລັກ ສະເພາະຂອງມັນ ແລະ ບໍ່ ພຽງແຕ່ເທົ່ານັ້ນ, ແຂວງຫລວງ ພະບາງຍັງມີອາຫານພື້ນເມືອງທີ່ເປັນເອກະລັກ ແລະ ມີຊື່ ສຽງໂດ່ງດັງບໍ່ວ່າຈະເປັນເອາະ ຫລາມ, ແຈ່ວບອງ, ໄຄແຜ່ນ, ເຂົ້າໜົມ ແລະ ໄສ້ອົ່ວແຊບໆ ບໍ່ ວ່າໃຜໆໄດ້ກິນກໍ່ຕ້ອງຕິດໃຈ.

ສ່ວນຫໍພິພິທະພັນຫລວງ ພະບາງແມ່ນຕັ້ງຢູ່ບ້ານຈູມຄ້ອງ ໃຈກາງເມືອງຫລວງພະບາງ ເຊິ່ງແຕ່ກ່ອນເປັນພະຣາຊະວັງ ເກົ່າຂອງອະດິດເຈົ້າຊີວິດລາ ຊະອານາຈັກລາວ ຖືກປຸກສ້າງ ຂຶ້ນໃນປີ 1904 ແລະ ຕໍ່ມາ ໄດ້ ຮັບການຕໍ່ເຕີມຍອດຂອງຜາ ສາດໃນປີ 1930 ປັດຈຸບັນ, ພະຣາຊະວັງດັ່ງກ່າວໄດ້ຖືກປັບປຸງບູລະນະ ແລະ ນຳໃຊ້ເປັນຫໍ ພິພິທະພັນລະດັບຊາດໂດຍເປັນສະຖານທີ່ວາງສະແດງວັດຖຸ ພັນທີ່ມີຄ່າໃນລາຊະການຕ່າງໆພ້ອມທັງເປັນບ່ອນປະດິດສະ ຖານຂອງພະບາງອັນສັກສິດ ແລະ ເປັນມິ່ງເມືອງຂອງຊາວ ຫລວງພະບາງ ເຊິ່ງປະດິດ ສະຖານຢູ່ອາຣາມໃໝ່ດ້ານໜ້າ. ຢູ່ພາຍໃນຫໍພິພິທະພັນຍັງປະ ກອບດ້ວຍວັດຖຸສິ່ງຂອງຕ່າງໆ ຂອງອະດິດເຈົ້າຊີວິດ ແລະ ຄອບ ຄົວຂອງເພິ່ນໄວ້ໃຫ້ແຂກຜູ້ມາ ທ່ຽວໄດ້ເບິ່ງໄດ້ຊົມ.